25 May 2020 19:57
1112
DÜNYA
A- A+

Yaponiyada koronavirus pandemiyasına görə tətbiq olunan fövqəladə vəziyyət rejimi tam aradan qaldırılıb

 
Mayın 25-də Yaponiya hökuməti koronavirus pandemiyasına görə tətbiq olunan fövqəladə vəziyyət rejiminin bütün ölkə ərazisində tamamilə aradan qaldırıldığını elan edib.

AZƏRTAC xəbər verir ki, bu barədə Yaponiyanın Baş Naziri Şinzo Abe həmin gün axşam Tokioda keçirilən mətbuat konfransı zamanı bəyan edib.

Xatırladaq ki, fövqəladə vəziyyət rejimi Yaponiyanın Tokio, Kanaqava, Saytama, Çiba, Osaka, Hyoqo və Fukuoka prefekturalarında aprelin 8-də elan edilmişdi. Aprelin 17-də isə hökumət bu rejimin bütün ölkə ərazisində mayın 31-dək tətbiqi barədə qərar qəbul etmişdi.

Lakin hökumət həmin müddətin başa çatmasını gözləməyərək, mayın 14-də ölkə üzrə 47 prefekturadan 39-da fövqəladə vəziyyətin aradan qaldırıldığını elan edib.

Bundan cəmi bir həftə sonra isə Tokio, Kanaqava, Saytama, Çiba və Hokkaydo prefekturalarında həmin rejim ləğv edilib.

Əlavə olaraq qeyd edək ki, son məlumatlara görə, Yaponiyada ümumiyyətlə 17 min 300 nəfər koronavirusa yoluxub. Onlardan 13 min 800-dən çoxu sağalıb, 850 nəfər isə həyatını itirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video