Alternative content

12:01 01 Iyun 2020
ONLINE XƏBƏR LENTİ
03:04 01.06.2020 “Azərbaycan Respublikasının Əmək Məcəlləsində, Torpaq Məcəlləsində, Vergi Məcəlləsində, Gömrük Məcəlləsində və Şəhərsalma və Tikinti Məcəlləsində dəyişiklik edilməsi haqqında” Azərbaycan Respublikasının 2020-ci il 1 may tarixli 72-VIQD nömrəli Qanununun tətbiqi və Azərbaycan Respublikası Prezidentinin “Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə” 2000-ci il 30 avqust tarixli 393 nömrəli, “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2019-cu il 12 iyul tarixli 1648-VQD nömrəli Qanununun tətbiqi və həmin Qanunun tətbiqi ilə əlaqədar bir sıra məsələlərin tənzimlənməsi barədə” 2019-cu il 21 avqust tarixli 814 nömrəli, “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2019-cu il 29 noyabr tarixli 1704-VQD nömrəli Qanununun tətbiqi və həmin Qanunun tətbiqi ilə əlaqədar bir sıra məsələlərin tənzimlənməsi barədə” 2019-cu il 25 dekabr tarixli 902 nömrəli və “Azərbaycan Respublikası Gömrük Məcəlləsinin təsdiq edilməsi haqqında” Azərbaycan Respublikası Qanununun tətbiqi barədə” 2011-ci il 15 sentyabr tarixli 499 nömrəli fərmanlarında dəyişiklik edilməsi haqqında
03:01 01.06.2020 “Yol hərəkəti haqqında”, “Sosial sığorta haqqında”, “Tibbi sığorta haqqında”, “İşsizlikdən sığorta haqqında”, “Məşğulluq haqqında”, “Dövlət rüsumu haqqında”, “Əhalinin sağlamlığının qorunması haqqında”, “Ətraf mühitin mühafizəsi haqqında”, “Baytarlıq haqqında”, “Fitosanitar nəzarəti haqqında” və “Yeyinti məhsulları haqqında” Azərbaycan Respublikasının qanunlarında və Azərbaycan Respublikasının 2009-cu il 4 dekabr tarixli 930-IIIQ nömrəli Qanunu ilə təsdiq edilmiş “Miqrasiya orqanlarında qulluq keçmə haqqında Əsasnamə”də dəyişiklik edilməsi barədə” Azərbaycan Respublikasının 2020-ci il 1 may tarixli 71-VIQD nömrəli Qanununun tətbiqi və Azərbaycan Respublikası Prezidentinin “Yol hərəkəti haqqında” Azərbaycan Respublikası Qanununun tətbiq edilməsi barədə” 1998-ci il 22 noyabr tarixli 24 nömrəli, “İşsizlikdən sığorta haqqında” Azərbaycan Respublikasının 2017-ci il 30 iyun tarixli 765-VQ nömrəli Qanununun tətbiqi barədə” 2017-ci il 5 avqust tarixli 1569 nömrəli, “Məşğulluq haqqında” Azərbaycan Respublikasının 2018-ci il 29 iyun tarixli 1196-VQ nömrəli Qanununun tətbiqi barədə” 2018-ci il 24 avqust tarixli 233 nömrəli, “Dövlət rüsumu haqqında” Azərbaycan Respublikası Qanununun tətbiq edilməsi barədə” 2001-ci il 26 dekabr tarixli 621 nömrəli və “Miqrasiya orqanlarında qulluq keçmə haqqında Əsasnamə”nin təsdiq edilməsi barədə” Azərbaycan Respublikası Qanununun tətbiq edilməsi haqqında” 2009-cu il 25 dekabr tarixli 206 nömrəli fərmanlarında dəyişiklik edilməsi barədə
PAYIZ ETÜDLƏRİ - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Xalq Sizinlə həmrəydir, cənab Prezident!
Xalq Sizinlə həmrəydir, cənab Prezident!
ANA SƏHİFƏ / SİYASƏT
00:28 18.04.2020


İlham Əliyevin "Biz birlikdə güclüyük!” çağırışı ölkə vətəndaşlarının devizinə çevrilib


Dünya dəhşətli bəla ilə üz-üzədir. "Gözəgörünməz düşmən”ə qarşı vaksin tapılmayana qədər yəqin ki, vəziyyət heç də ürəkaçan olmayacaq.

Ancaq hər kəs şahiddir ki, əksər dövlətlərdən fərqli olaraq Azərbaycan Respublikası bu qlobal problemdən az itki ilə çıxmaq üçün çox ciddi addımlar atır. Bütün bunlar əlbəttə ki, Prezident İlham Əliyevin koronavirus infeksiyasının ölkəmizdə geniş yayılmaması üçün həyata keçirdiyi effektiv tədbirlərin nəticəsidir. Görülən bu işlər, dövlət başçısının göstərdiyi diqqət və qayğı ölkə əhalisi tərəfindən də rəğbətlə qarşılanır. Prezidentin ünvanına respublikanın hər yerindən gələn və ardı-arası kəsilməyən təşəkkür dolu məktublar bunu bir daha təsdiqləyir. Həmin məktublardakı sətirlər onu deməyə əsas verir ki, xalq dövlətinə və onun rəhbərinə hər zaman güvənib.


Xalq hər zamankı kimi Prezidentə inanır, güvənir


Cəbhə bölgəsindən, Ağdam rayonunun Xındırıstan kəndindən Nurlan Baxşəliyev, Məzahir Qasımov və Aqil Hümbətov adından dövlət başçısına ünvanlanan minnətdarlıq məktubunda qeyd edilir ki, məhz Prezident İlham Əliyevin rəhbərliyi ilə görülən işlər Azərbaycanın tezliklə koronavirus bəlasını da dəf edəcəyini, bu mübarizədə qalib gələcəyini deməyə tam əsas verir:

"Siz bizi bir olmağa çağırdınız, xalq da Sizinlə həmrəylik nümayiş etdirdi”, - deyən məktub müəllifləri pandemiyanın qarşısının alınması istiqamətində görülən işlərə və vətəndaşlara "Evdə qal” şəraitində yaşadıqları halda yardım göstərildiyinə görə dövlət başçısına minnətdarlıqlarını bildirirlər.

Mingəçevir şəhər sakini Bəhmən Paşayevin məktubunda isə Prezident İlham Əliyevin uzaqgörən siyasəti nəticəsində ölkəmizdə pandemiyanın təsirinin azaldılması və onun əhatə dairəsinin məhdudlaşdırılması istiqamətində mühüm addımların atıldığı vurğulanır.

B.Paşayev yazır ki, ölkədə xüsusi karantin rejiminin tətbiq edilməsi, koronavirusun yayılmasının qarşısının alınması, tibbi maska istehsalı müəssisəsinin açılması dövlət başçısının yürütdüyü siyasətin təməlində Azərbaycan vətəndaşı və onun rifahının dayandığını bir daha təsdiqləyir: "Cənab Prezident, əminik ki, "Biz birlikdə güclüyük!” çağırışınızla bu virusa tez bir zamanda qalib gələcək, bu bəladan az itki ilə qurtulacağıq. Bütün mingəçevirlilər Sizə güvənir, Sizinlə qürur duyur, şərəfli və məsuliyyətli işinizdə Sizə uğurlar diləyirlər”.


Vətəndaş sağlamlığını hər şeydən üstün tutan lider


Gəncə şəhərindən Mətləb Məhərrəmov və digərlərindən Prezidentə ünvanlanan məktubda vurğulanır ki, dövlət başçısının koronavirus pandemiyasının ölkəmizdə kütləvi yayılmasının qarşısını almaq üçün atdığı addımlar öz nəticəsini verməkdədir. Çünki bir neçə gündür ki, bu virusla əlaqədar Azərbaycanda nikbin statistika müşahidə olunur. Xəstəliyə yoluxanlarla sağalanların sayının təqribən eyni olması ümidləri və inamı daha da artırır.

Müəlliflər Prezidentin vaxtında gördüyü qabaqlayıcı tədbirlərin real nəticələr verəcəyini əvvəlcədən gözlədiklərini söyləyirlər və inanırlar ki, bu sahədə vəziyyət get-gedə daha da yaxşılaşacaq və xalqımızın canı bu bəladan birdəfəlik qurtaracaq.

"Bu tədbirlər Sizin üçün xalqın sağlamlığının hər şeydən üstün olduğunu göstərir. Bununla da Siz bir daha hər bir azərbaycanlının Prezidenti olduğunuzu təsdiq etdiniz”.

Bu fikirlər isə Salyan rayon sakini Qabil Bağırov və Marışlı, Seyidsadıqlı kəndinin bir qrup sakininin dövlət başçısına ünvanladığı məktubda yer alıb. Müəllif deyir ki, koronavirus epidemiyası Azərbaycan sərhədlərini keçən kimi Prezidentin gördüyü qabaqlayıcı tədbirlər, xəstəliyin daha geniş ərazini əhatə etməməsi üçün verdiyi tapşırıqlar bu problemi nəzarətdə saxlamağa imkan verdi.

Müxtəlif sosial təbəqələrdən olan insanlara kömək edilməsi, bu məqsəd uğrunda hamının səfərbər olması cənab İlham Əliyevin bu gərgin və məsuliyyətli günlərdə söylədiyi "Biz birlikdə güclüyük!” çağırışının sayəsində oldu.


Prezident hər zamankı kimi bu ağır dönəmdə də vətəndaşın yanındadır


Dövlət başçısının hər zaman həyata keçirdiyi siyasəti dəstəkləyən və hazırkı qlobal böhrana qarşı apardığı mübarizəni alqışlayan Şirvan şəhər sakini Taclı Mustafayeva hesab edir ki, koronavirusla mübarizə bir daha təsdiq edir ki, Prezident hər zaman olduğu kimi bu ağır dönəmdə də xalqın yanındadır və onun hər bir probleminə həssaslıqla yanaşır, onları həll edir.

"Cənab Prezident, siz dünya dövlətlərinin başçılarının etdiklərinin daha mükəmməlini reallaşdırırsınız. Mən bir vətəndaş olaraq Sizin gördüyünüz bütün işləri dəstəkləyir və buna görə də Sizə minnətdarlığımı bildirirəm. Sizi çox sevirik. Tutduğunuz yolda Sizə daim uğurlar arzulayıram. Uca Rəbbim hər bir işinizdə Sizə yardımçı olsun”.

Neftçala rayonu, Xolqaraqaşlı kənd sakinləri İlham Məcidov və Eyvaz Quliyevin Prezidentə ünvanladıqları məktubda bildirilir ki, dünyanı bürüyən koronavirus pandemiyası böyük bəladır, artıq 100 mindən çox insanın həyatına son qoyub. Bütün ölkələrdə koronavirusla bağlı problemlər yaşansa da, Azərbaycanda qabaqlayıcı tədbirlər və düşünülmüş siyasət nəticəsində vəziyyət nəzarət altında saxlanılır:

"İnşallah, Sizin gərgin əməyiniz sayəsində ölkəmiz bu bəladan minimum itkilərlə çıxacaq. Azərbaycan xalqı üçün gördüyünüz bütün işlər alqışlanır və yüksək qiymətləndirilir. Bu şərəfli və məsuliyyətli vəzifənizdə Sizə və Birinci vitse-prezident Mehriban xanım Əliyevaya uğurlar arzulayırıq”, - deyə məktub müəllifləri qeyd edirlər.


İlham Əliyevin vətənpərvərliyi hər bir insan üçün nümunədir


Füzuli rayonundan Milli Qəhrəman ailəsinin üzvü Ülviyyə Quliyevanın məktubunda vurğulanır ki, Prezident İlham Əliyevin vətənpərvərliyi hər bir insan üçün nümunədir:

"İstirahət etmədən xalqımızın qayğısına qalırsınız. Belə çətin günlərdə belə diqqətinizi bizdən əsirgəmirsiniz. Şəhid Milli Qəhrəman ailəsi olaraq Sizə dərin minnətdarlığımızı bildiririk. İnanırıq ki, Sizin rəhbərliyinizlə görülən işlər sayəsində ölkəmizdə pandemiyanın sona çatmasına nail olacağıq. Cənab Prezident, Sizin "Biz birlikdə güclüyük!” şüarınızı dəstəkləyir və hər zaman arxanızdayıq”.

Füzuli rayonunun digər sakini Cəmalə Məmmədova, Bərdədən Yusif Vahidi, Xaçmazdan Pənah Ələsgərov, Qubadan Sərxan Mirzəyev, İsmayıllıdan Əhmədağa Ələkbərovun Prezidentə ünvanladıqları məktublarda da bildirilir ki, pandemiya dövründə dövlət başçısının gördüyü tədbirlərin effektini və nəticəsini xalq açıq-aydın görür və verilən hər bir qərarı dəstəkləyir.

Qeyd edilir ki, cənab Prezidentin "Biz birlikdə güclüyük!” çağırışı bu gün xalqın devizinə çevrilib. Ölkə gəncləri isə əmindirlər ki, dövlət başçısı tərəfindən həyata keçirilən bütün tədbirlər sayəsində çox yaxın gələcəkdə Azərbaycan bu bəladan qurtulacaq.


Prezidentin çağırışı vətəndaşlara mənəvi stimul olub


Bakı şəhər sakinləri Fuad Heydərli, Telman Əzimzadə, Vidadi Hüseynov və başqalarından dövlət başçısına gələn məktublarda qeyd edilir ki, ölkə rəhbəri hər zaman Azərbaycan xalqının sağlamlığını və təhlükəsizliyini düşünür, məhz bunun üçün yorulmadan çalışır:

"Sizin və Mehriban xanımın bu mövzuda xalqımıza etdiyiniz müraciətlər xalqımızda yüksək əhvali-ruhiyyə yaradıb, biz vətəndaşlara böyük mənəvi stimul olub”.

Bu günlərdə həm maddi, həm də ərzaq yardımı alan Telman Əzimzadə hesab edir ki, bütün bunlar ona və onun kimi insanlara maddi yardımdan əlavə, həm də mənəvi dayaqdır”. Məktublarda qeyd edilir ki, görülən işlər Azərbaycan dövlətinin heç bir çətinlik qarşısında əyilmədiyini göstərir: "Bu işlərin yerinə yetirilməsini biz hazırkı çətinlik üzərində ilkin qələbə kimi qəbul edirik. Əminik ki, Sizin rəhbərliyinizlə pandemiyaya qalib gələcək və Qarabağ uğrunda mübarizədə qələbəyə də hazırlaşacağıq”.

Yüzlərlə digər insanlar da bu fikirdədirlər. Hər kəs Prezident İlham Əliyevin koronavirus pandemiyasının ölkəmizdə yayılmasının qarşısının alınması, əsasən də əhalinin sağlamlığının qorunması məqsədi ilə həyata keçirdiyi addımları alqışlayır. Görülən bu işlər təkcə əhali tərəfindən deyil, həm də beynəlxalq təşkilatlar tərəfindən də yüksək dəyərləndirilir.

Bütün bunlar Azərbaycandakı xalq-hakimiyyət birliyinin bariz təcəssümüdür. Hər zaman xalqa arxalanan dövlət başçısı bu çətin günlərdə də vətəndaşın sağlamlığının qorunması üçün bütün lazımi addımları atır. Bunları görən hər bir kəs də reallığı söyləyir.

Rəşad BAXŞƏLİYEV,

"Azərbaycan”




NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM