04 Aprel 2020 00:14
660
DÜNYA
A- A+

Fransada koronavirusa yoluxanların sayı 65 minə çatıb

Fransada COVID-19 pandemiyasından xəstəxanalarda ölənlərin sayı 6 min 507-yə çatıb.

AZƏRTAC xəbər verir ki, bu haqda səhiyyə baş direktoru Jerom Salomon aprelin 3-də mətbuata açıqlamasında bildirib.

Qeyd edib ki, xəstəxanalarda 27 min 432 xəstə var və onlardan 6 min 662-si reanimasiya şöbələrinə yerləşdiriliblər. Ölkədə COVID-19 virusuna yoluxanların sayı 65 minə çatıb və bir gün ərzində 5 min 233 yoluxma halı qeydə alınıb.

Fransanın Böyük Şərq regionunda epidemiyanın pik dövrünün aprelin 10-dan 25-dək davam edəcəyi ehtimal olunur.

"İmperial College de Londres” tədqiqatçıları isə Fransada 2 milyon və ya əhalinin 3 faizinin COVID-19 virusuna yoluxduğunu bildiriblər. Tədqiqatların nəticəsinə əsasən, İtaliyada əhalinin 9,8 faizi, İspaniyada 15 faizi, Belçikada 3,7 faizi, Almaniyada isə 0.7 faizi COVID-19 virusuna yoluxub.

Son nəticələrə əsasən, dünyada koronavirusa yoluxanların sayı 1 milyon 16 min 530, ölənlərin sayı isə 53 mindir.


Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video