26 Mart 2020 20:42
801
CƏMİYYƏT
A- A+

Basqalın səkkiz günə ərsəyə gələn səməni halvası

 
İsmayıllının Basqal qəsəbəsində yaşayan Cahid Əliyev ata-babasından ona miras qalan halvaçı sənətini bu gün də davam etdirərək, dadlı səməni halvası bişirməklə məşğuldur. Basqalın səməni halvasını başqa şirniyyatlardan fərqləndirən xüsusiyyətlərdən biri onun yalnız təbii məhsullardan hazırlanmasıdır.

Halvaçı Cahid Əliyev deyir ki, səməni halvasının maraqlı və çətin bişirilmə texnologiyası var. 8 günlük səməni yuyulub, ət maşınında çəkildikdən sonra tənziflə sıxılaraq suyu alınır. Daha sonra səməni suyu unla qarışdırılaraq yoğurulur. Gur ocaq üzərinə qoyulan halva 8 saata yaxın növbəli şəkildə qarışdırılaraq bişirilir.

Bu halvanı yay fəslindən başqa ilin bütün fəsillərində bişirmək mümkündür. Amma səməni halvasının hazırlanması çətin proses olduğu üçün daha çox Novruz bayramında bişirilir.

Halvaçı deyir ki, yaxşı bişirilmiş səməni halvası qan dövranını, insanın əhval-ruhiyyəsini yaxşılaşdırır.

Basqal Qəsəbə sakini Rayihə Piriyeva isə bildirir ki, Basqal səməni halvasını ilin bütün fəsillərində bişirmək olar: "Sadəcə biz bu halvanı Novruz süfrəsində, çərşənbələrdə görməyə adət etmişik. Başqa şirniyyatlarla bərabər şəkərbura, paxlava, şorqoğalı ilə bərabər bu şirniyyat növü də bizim süfrələrimizi bəzəyir. Bundan əlavə, toy və nişan məclislərində, el şənliklərində bu halva süfrələrimizdə olur. Bizim özünəməxsus Basqal halvamız başqa yerlərdə bişirilən halvalardan istər görünüşünə, istərsə də dadına görə çox fərqlənir".

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video