12 Mart 2020 11:32
625
İQTİSADİYYAT
A- A+

Yeni Yasamalda yeni yol bağlantısı yaradılıb


Bakı Dairəvi avtomobil yolunu Yeni Yasamal yaşayış massivi - Dadaş Bünyadzadə küçəsi ilə birləşdirən yeni yol bağlantısı tikilərək istifadəyə verilib.
Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsindən AZƏRTAC-a bildirilib ki, uzunluğu 820 metr olan yeni yol 2 hərəkət zolaqlıdır. Yol yatağının eni 10-12 metr, hərəkət hissəsinin eni isə 7,5-8 metr təşkil edir. Layihəyə uyğun yeni yol yatağı inşa olunub, yolun profilə salınması üçün müvafiq işlər görülüb. Növbəti mərhələdə 2 laydan ibarət asfalt-beton örtüyü döşənib.

Bundan başqa, vətəndaşların normal və təhlükəsiz hərəkətini təmin etmək məqsədilə hər bir istiqamət üzrə 1,8 metr enində yeni piyada səkiləri inşa edilib, kənarlarına 3500 poqonmetr yeni səki daşı düzülüb.

Yeni yolun inşası nəticəsində Bakı Dairəvi avtomobil yolu ilə Yeni Yasamal yaşayış massivi arasında əlavə olaraq daha bir yeni bağlantı yaradılıb. Belə ki, sürücülərin Yeni Yasamal yaşayış massivinə girişi və çıxışı zamanı, xüsusən günün pik saatlarında Bakı Dairəvi avtomobil yolunun yaşayış massivinə gedən hissəsində yaşanan sıxlıq və tıxac xeyli dərəcədə azalıb. Bu isə öz növbəsində sürücülərin əlavə yol qət etmədən və vaxt itkisi olmadan ünvan başına çatmasına şərait yaradır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video