04 Mart 2020 20:19
567
İQTİSADİYYAT
A- A+

Energetika Nazirliyində Avropa Yenidənqurma və İnkişaf Bankı ilə əməkdaşlığın genişləndirilməsi perspektivləri müzakirə edilib


Energetika naziri Pərviz Şahbazov Avropa Yenidənqurma və İnkişaf Bankının (EBRD) birinci vitse-prezidenti Yurgen Riqterinkin başçılıq etdiyi nümayəndə heyəti ilə görüşüb.

Energetika Nazirliyindən AZƏRTAC-a bildirilib ki, görüşdə enerji sahəsində müxtəlif istiqamətli layihələrə EBRD tərəfindən verilən dəstək yüksək qiymətləndirilib. P.Şahbazov enerji sektorunda aparılan islahatlar və yeni tendensiyalara uyğun prioritetlər üzrə EBRD ilə mövcud və perspektiv əməkdaşlıqdan bəhs edib. Bildirilib ki, bank ilə əməkdaşlıq çərçivəsində Azərbaycanda bərpa olunan enerji üzrə hərracların keçirilməsinə, Enerji Məsələlərini Tənzimləmə Agentliyinin fəaliyyətinə dəstək layihələri ölkəmizin energetika sektorunun yeni mərhələdə inkişafına töhfə verir. EBRD ilə "Energetika və kommunal xidmətlər sahələrində tənzimləyici haqqında” qanun layihəsinin və digər normativ-hüquqi sənədlərin hazırlanması istiqamətində sıx əməkdaşlıq edilir.

Y.Riqterink ölkəmizdə bərpaolunan enerji sahəsində görülən işləri və 2030-cu ilədək elektroenergetika sisteminin qoyuluş gücündə bərpaolunan enerji mənbələrinin payını 30 faizə çatdırılması ilə bağlı hədəfləri təqdir edib.

Görüşdə Energetika Nazirliyi ilə Avropa Yenidənqurma və İnkişaf Bankı arasında əməkdaşlığın genişləndirilməsi perspektivləri ətrafında geniş fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video