25 Fevral 2020 20:36
375
SİYASƏT
A- A+

Cenevrədə BMT-nin İnsan Hüquqları Şurasının 43-cü sessiyasının yüksək səviyyəli seqmentinin açılışı olub


Azərbaycan Respublikası Xarici İşlər nazirinin müavini Ramiz Həsənov fevralın 24-də işə başlamış BMT-nin İnsan Hüquqları Şurasının 43-cü sessiyasının yüksək səviyyəli seqmentində iştirak etmək məqsədilə Cenevrədə işçi səfərdədir.

Xarici İşlər Nazirliyinin mətbuat xidmətindən AZƏRTAC-a bildiriblər ki, Xarici İşlər nazirinin müavini Ramiz Həsənov BMT-nin İnsan Hüquqları Şurasının 43-cü sessiyasının yüksək səviyyəli seqmentinin açılışında iştirak edib.

Açılış mərasimində BMT Baş Assambleyasının 74-cü sessiyasının prezidenti Tijjani Muhammad-Bande, BMT-nin Baş katibi Antonio Quterreş, BMT-nin insan hüquqları üzrə Ali komissarı Mişel Başele və İsveçrənin Xarici İşlər naziri İgnasio Kassis çıxış ediblər. Üç gün davam edəcək yüksək səviyyəli seqmentdə ümumilikdə 100-dən çox ölkənin dövlət və hökumət başçıları, Xarici İşlər nazirləri və beynəlxalq təşkilatların rəhbərləri və onların müavinləri iştirak edəcəklər.

Cenevrəyə səfəri çərçivəsində fevralın 24-də Xarici İşlər nazirinin müavini R.Həsənov, həmçinin Andorranın Xarici İşlər naziri Mariya Ubax ilə görüşüb.

Görüşdə tərəflər iki ölkə arasında hazırkı əməkdaşlıq əlaqələrinin səviyyəsindən məmnunluq ifadə edib və bütün sahələr, xüsusilə də iqtisadi-ticarət və turizm sahələrində əməkdaşlığın genişləndirilməsinin vacibliyini vurğulayıblar.

Həmin gün Xarici İşlər nazirinin müavini R.Həsənov Cənubi Afrika Respublikasının Xarici Əlaqələr və Əməkdaşlıq nazirinin müavini Alvin Botes ilə də görüşüb. Görüşdə iki ölkə arasında qarşılıqlı maraq doğuran məsələlər, o cümlədən siyasi və iqtisadi sahələrdə əməkdaşlığın genişləndirilməsi perspektivləri ətrafında fikir mübadiləsi aparılıb.

Söhbət zamanı CAR-ın Azərbaycanla çoxtərəfli formatda əməkdaşlığı, həmçinin ölkəmizin Qoşulmama Hərəkatına sədrliyi çərçivəsində fəaliyyəti yüksək qiymətləndirilib. Bildirilib ki, CAR Azərbaycanın sədrliyinə daim dəstək göstərəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video