22 Fevral 2020 15:09
535
SİYASƏT
A- A+

İtaliyanın nüfuzlu Rai telekanalı Prezident İlham Əliyevin bu ölkəyə dövlət səfəri ilə bağlı reportaj yayımlayıb


İtaliyanın nüfuzlu Rai televiziya kanalı Azərbaycan Respublikasının Prezidenti İlham Əliyevin bu ölkəyə dövlət səfəri ilə bağlı reportaj yayımlayıb.

AZƏRTAC xəbər verir ki, reportajda Prezident İlham Əliyevin İtaliyaya dövlət səfərinin iki ölkə arasında müxtəlif sahələrdə əməkdaşlığın genişlənməsi baxımından əhəmiyyəti qeyd edilir. Xüsusən də imzalanmış sənədlərin əlaqələrin daha da dərinləşməsinə təkan verəcəyi vurğulanır.

Reportajda Azərbaycan Prezidentinin səfər zamanı keçirdiyi görüşlərdə müzakirə olunan məsələlərdən bəhs edilir. Prezident Sercio Mattarella ilə görüşə daha çox diqqət yetirilən reportajda İtaliya dövləti başçısının ölkələrimiz arasında münasibətlərin inkişafı, eləcə də bu istiqamətdə müzakirə edilən məsələlərlə bağlı fikirləri diqqətə çatdırılır.

Enerji sahəsində əməkdaşlığa toxunulan reportajda TAP layihəsi üzrə işlərin yekunlaşma mərhələsində olduğu, bunun İtaliya-Azərbaycan əlaqələrinin daha da inkişafında töhfə verəcəyi vurğulanır.

Həmçinin keçirilən görüşlərdə Ermənistan-Azərbaycan Dağlıq Qarabağ münaqişəsinə də toxunulduğu qeyd olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video