Qarabağda qələbəmizin möhtəşəm başlanğıcı
Münxen Təhlükəsizlik Konfransında Azərbaycan Respublikasının Prezidenti cənab İlham Əliyevlə Ermənistanın baş naziri Nikol Paşinyan arasında baş tutmuş debat (bəzi mətbuat orqanları buna "Duel” də deyirlər) bir çox məqamları ilə əlamətdar oldu. Əvvəla, iki sərhəd qonşusu - eyni zamanda separatçı ermənilər sayəsində düşmən olmuş ölkələrin liderlərinin dövlət və hökumət başçısı kimi səviyyələri ortaya qoyuldu. Münxendə məntiqlə məntiqsizlik, savadla savadsızlıq, ziyalılıqla meydan boşboğazlığı üz-üzə durdu.
Açığı, özündən asılı olmayaraq nizamsız fikirləri (fikirsizliyi) ilə miskin vəziyyətə düşmüş Paşinyan çox məzlum görünürdü. Dili topuq çalırdı. Prezident İlham Əliyev Dağlıq Qarabağın ərazi kimi hansı respublikaya mənsub olduğu barədə konkret, tarixi faktlarla məlumat verdi. Təbii ki, debatın qaydalarına əsasən, qarşı tərəf kontur sübutlar, arqumentlər gətirməklə rəqibinə cavab verməli idi. Təkzibolunmaz faktlar qarşısında çaşqın vəziyyətdə qalmış Paşinyan mətləbə dəxli olmayan bir əfsanə ilə tədbir iştirakçılarının da təəccübünə səbəb oldu. Bu təəccübün içində ona qarşı bir ironiya, gülüş də var idi. Dedi ki, eramızdan əvvəl Böyük Tiqran adlı kral olub. Onda Qafqazlarda ancaq ermənilər... Bu məqamda İlham Əliyev onun sözünün davamı olaraq rişxəndlə "və yenə ermənilər yaşayıb” dedi. Bu replikadan sonra zalda əyləşənlərin çoxu artıq gülüşünü içərilərində boğub saxlaya bilmədilər.
Paşinyan tarixi dəlil əvəzinə, necə deyərlər, "Məlikməmməd nağılı” danışdı. 45 dəqiqədən çox çəkən debat Paşinyan üçün əsl cəhənnəm əzabı oldu. O, başa düşdü ki, Münxen Təhlükəsizlik Konfransı kürsüsü Yerevanın kütlələrin toplaşdığı mitinq meydanı deyil. Burada pafos, erməni xalqının beyninə hopdurulmuş yalanlar keçmir.
O, İlham Əliyevlə üzbəüz oturub. O liderlə ki, xalqının, torpağının, dövlətçiliyinin tarixini, uğurlarını, faciələrini çox yaxşı bilir. Dünyanın nəhəng dövlətlərinin liderləri ilə bərabər səviyyədə diplomatik, siyasi əlaqələr qurmaqda mahir olan İlham Əliyevlə!
Yeri gəlmişkən, hamıya indi aydın oldu ki, Ermənistanın keçmiş prezidentləri Koçaryan və Sarkisyan niyə Azərbaycan lideri ilə görüşləri müxtəlif bəhanələr gətirməklə yarımçıq tərk ediblər, əslində qaçıblar. Çünki İlham Əliyevlə təkbətək söhbət etməyə səviyyə, savad, bilik, məntiqlə danışmaq bacarığı və nəhayət, cəsarət lazımdır.
Münxen debatında erməni siyasətçilərinin uzun onillərdən bəri davam edən saxta, uydurma "faktlar”, hadisələr üzərində qurulmuş təbliğat maşını da beynəlxalq səviyyədə ciddi zədə aldı. Ona görə ki, Paşinyan nə dedisə, hamısı yalan çıxdı. Gah dedi Qarabağ Stalin hakimiyyəti tərəfindən Atatürkə xatir Azərbaycana verilib. Gah dedi Dağlıq Qarabağda Şaumyan yaşayış məntəqəsi olub. Gah da dedi Xocalı soyqırımını azərbaycanlılar törədib.
Təbii ki, hər üç iddiası cənab İlham Əliyevin tarixi sənədlərdən gətirdiyi sitatlarla təkzib edildi. Yuxarıdakı iki səhvini bəlkə də savadsızlığının, necə deyərlər, cığallığının ayağına yazmaq olardı. Amma Xocalı haqqında iftiralarını riyakarlıqdan, insani hisslərdən xaliliyindən başqa heç nə ilə yozmaq mümkün deyil.
Dünya Paşinyanın simasında erməni xalqının bu xislətini də gördü. Dünya artıq inanmağa başladı ki, bu xislətli erməni "tarixçilərinin” Osmanlı Türkiyəsinin ayağına yazdıqları "erməni soyqırımı” da şərdən, böhtandan, qarayaxmadan başqa bir şey ola bilməz. Beləliklə, cənab İlham Əliyev Münxen debatında dünya ictimaiyyətində saxta "erməni soyqırımı”na da əsaslı şübhələr yaratdı.
İlham Əliyevin çıxışlarını istər beynəlxalq, istərsə də respublika miqyasında izləyənlər təsdiq edə bilərlər ki, o, sözləri zərgər dəqiqliyi ilə cilalayır və nəzərdə tutduğu hədəfi sərrast zərbə ilə nokaut vəziyyətinə salır. Yəqin ki, ötən il oktyabrın 3-də Rusiya Federasiyasının Soçi şəhərində "Valday” Beynəlxalq Diskussiya Klubunun XVI illik iclasının plenar sessiyasında hörmətli Prezidentimizin söylədiyi nitq oxucuların yadındadır. Həmin nitqində o, ermənilərin milli qəhrəman səviyyəsinə qaldırdığı, hətta Həştərxanda büstünü qoyduqları faşist Qaragen Njdenin II Dünya müharibəsində sovet xalqlarına qarşı törətdiyi cinayətləri Rusiya ictimaiyyətinin diqqətinə çatdırdı. Bu çıxış Rusiyada böyük əks-səda yaratdı. Və tezliklə Həştərxanda erməni faşistinin büstü biabırçı şəkildə söküldü.
Münxendəki debat isə faşist ideologiyasının təəssübkeşi, müdafiəçisi və icraçısı Nikol Paşinyanın baş nazir kimi gələcəyini sual altında qoydu. Görünür, onu da Njdenin büstünün aqibəti gözləyir. Artıq bu aqibətin əlamətləri özünü büruzə verməkdədir. Hətta Ermənistanın qucağına sığındığı Amerika Birləşmiş Ştatlarından, Rusiyadan Nikolun acizliyi, Azərbaycanın isə Dağlıq Qarabağ münaqişəsində haqlı tərəf olduğu etiraf edilir.
ABŞ-ın "The USA Tribune” qəzetində siyasi icmalçı Robert Qorovitsin "Münxendə söz dueli və onun qalib "revolveri” məqaləsində Paşinyana heç bir anlayışı olmadığı beynəlxalq hüquq barəsində mülahizə yürütməyi irad tutdu. Müəllif məqalənin sonunda yazır: "Söz dueli Paşinyan üçün uğursuz başa çatdı, belə ki, o, Əliyevin bəyanatlarından ciddi "yaralar” və faktlara söykənən arqumentləri təqdim etmək bacarıqsızlığı ucbatından böyük zərbə aldı”.
"Hər hansı lider bir dəfə səhvə yol verə bilər, lakin bütün dünya arenası qarşısında, mühüm siyasi diskussiya zamanı, dünya təhlükəsizliyi üzrə əsas tədbirdə bunu etmək sadəcə bağışlanılmazdır. Bu onu göstərir ki, İlham Əliyevlə müqayisədə Paşinyan dünya siyasətçilərinin sadəcə başqa, ən aşağı kateqoriyasına daxildir”. Bu sözləri isə Münxen Təhlükəsizlik Konfransı çərçivəsində Ermənistan-Azərbaycan Dağlıq Qarabağ münaqişəsinin panel müzakirəsini şərh edən Rusiyanın Siyasi Tədqiqatlar İnstitutunun direktor müavini Darya Qrevtsova demişdir.
Ermənistanın Respublika partiyasının sədr müavini Armen Aşotyan isə öz ölkəsinin baş nazirini "patoloji yalançı və fərasətsiz qorxaq” adlandırmışdır.
Münxen debatı Azərbaycan diplomatiyasının, Azərbaycanın dövlət siyasətinin parlaq qələbələrindən biridir. Qarabağın həqiqi sakinlərinə qaytarılması uğrunda mübarizəmizin mühüm mərhələlərindəndir, qələbəmizin möhtəşəm başlanğıcıdır.
Səttar MÖHBALIYEV,
Azərbaycan Həmkarlar İttifaqları Konfederasiyasının sədri, Beynəlxalq Həmkarlar İttifaqları Konfederasiyasının vitse-prezidenti
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyədə fəlakət zonasındakı sakinlər hər ay 15 min evlə təmin ediləcək
19 Mart
Ölkənin əksər bölgələrinə yağış, dağlıq rayonlara qar yağıb
19 Mart
Azərbaycan nefti bahalaşıb
19 Mart
Sabahdan Azərbaycanda 7 günlük Novruz tətili başlayır
19 Mart
Mövcud hava şəraiti ilə bağlı sürücülərə müraciət edilib
19 Mart
Braziliyada hiss edilən temperatur 62 dərəcə Selsini keçib
19 Mart
Ümumdünya Buxara Yəhudiləri Konqresinin nümayəndə heyəti Qırmızı qəsəbəyə səfər edib...
19 Mart
Türkiyə və Rusiya prezidentləri arasında telefon danışığı olub
19 Mart
Türkiyə Prezidenti: Bu yay İraq sərhədimizin təhlükəsizliyini tam təmin edəcəyik
19 Mart
Füzuli şəhəri növbəti sakinlərinə qovuşdu
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!