21 Fevral 2020 22:30
407
SİYASƏT
A- A+

Milli və dini ayrıseçkilik monoetnik cəmiyyətin yaranmasına səbəb olur


ATƏT Parlament Assambleyasının (ATƏT PA) Vyanada keçirilən qış sessiyasının yekununda qurumun hər üç əsas komitəsinin birgə iclası keçirilib. İclasda ATƏT məkanında aktual mövzular, eləcə də antisemitizm, uzunmüddətli münaqişələr, insan haqları ilə bağlı əməkdaşlıq və iqlim dəyişikliyi barədə müzakirələr aparılıb, çıxışlar dinlənilib.

AZƏRTAC xəbər verir ki, Milli Məclisin ATƏT PA-dakı nümayəndə heyəti rəhbərinin müavini Tahir Mirkişili antisemitizm, eləcə də milli və dini kontekstdə ayrıseçkilik barədə danışıb. Qeyd edilib ki, ATƏT-in bölgədə bütün formalarda təzahür edən dözümsüzlüklə mübarizədə xüsusi rol oynamaq üçün hər cür imkanı var. Bütün iştirakçı dövlətlərin ATƏT-in prinsip və öhdəliklərinə ciddi riayət etməsi nifrət və dözümsüzlüyün, o cümlədən antisemitizmin nəticələrini aradan qaldırmaq üçün açardır.

Azərbaycan nümayəndəsi qeyd edib ki, Cənubi Qafqaz bölgəsindəki təcrübəmiz antisemitizmin təkcə yəhudi icmalarını hədəf alan bir təhlükə olmadığını göstərir. Antisemitizm olduğu yerdə başqa növ ayrıseçkiliklərin tətbiqi ehtimalı da var. Bölgəmizdəki antisemitizmə dair empirik məlumatlar, antisemitizmin daha yüksək səviyyəsinin digər milli və dini azlıqların nümayəndələrinə qarşı dözümsüzlük və ayrıseçkiliklə müşayiət edildiyini və monoetnik cəmiyyətin yaranmasına səbəb olduğunu göstərir.

Bildirilib ki, məsələyə hərtərəfli yanaşmaq, etnik mənsubiyyətə və ya dinə əsaslanan bütün nifrət və dözümsüzlük təzahürlərini birgə səylər əsasında qətiyyətlə həll etmək çox vacibdir. Bununla əlaqədar göstərilən səylər tarixi və mədəni amilləri bir kənara qoyaraq, bu fenomenin kökündə duran əsas səbəblərin həllinə fokuslanmalıdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video