jpg-1713653616.jpg)
Suriyalıların ümid qapısı - Türkiyə
Suriya ərazisində baş verən qarşıdurmaların, terror təşkilatlarının fəaliyyətinin həmsərhəd ölkə olan Türkiyə üçün böyük çətinliklər yaratdığı hər kəsə bəllidir. Bu çətinliklərin başında suriyalıların Türkiyə ərazisinə kütləvi köçü dayanır.
AZƏRTAC xəbər verir ki, suriyalıların ölkələrindən köçməsini, daha doğrusu, sürgün edilməsini XXI əsrin miqrasiya faciəsi adlandırmaq olar. 2011-ci ildən etibarən Suriya ərazisində bombardmanların başlaması bu köçün təməlini qoyub.
Ümumiyyətlə, köç bir insanın doğulduğu torpaqları, evini, yurd-yuvasını qoyaraq başqa yerə getməsidir ki, bu, heç də asan deyil. İnsanları buna məcbur edən şəraitdir, düşdükləri acınacaqlı vəziyyətdir. Bunların da demək olar əksəriyyətinin əsasını müharibələr təşkil edir.
Suriyalıların böyük əksəriyyəti ölkədə hökm sürən müharibə şəraitindən qaçaraq Türkiyəyə sığınır. Onların istiqamət olaraq Türkiyəni seçmələrinin əsas səbəbləri siyasi, dini və coğrafi amillərlə bağlıdır. Lakin öz ərazisində bu qədər insanı yerləşdirmək və ən başlıcası, nəzarətdə saxlamaq Türkiyə tərəfi üçün heç də asan başa gəlmir. Belə ki, hazırda Türkiyəyə köçən suriyalıların sayı Avropadakılara nisbətən daha çoxdur. Öz vətənindən didərgin düşərək başqa ölkəyə köçən insanların əsas problemləri məskunlaşma və dil ilə bağlı olur.
Hazırda suriyalıların Türkiyədə yerləşdirilməsi problemi qismən də olsa, öz həllini tapıb.
Bəzi hesablamalara görə, Suriya köçkünlərinin sayı 13 milyonu keçib. Bu insanların yarısı ölkə sərhədləri daxilində, altı milyondan çoxu isə ölkə xaricdədir. Son məlumatlara görə, Türkiyədə olan suriyalıların sayı 3 milyon 571 min 175 nəfərdir və bu rəqəm artmaqda davam edir. Onlar arasında 1 milyon 652 min 377 nəfər yetkinlik yaşına çatmayan uşaqlardır. Miqrantların 98,23 faizi Türkiyənin müxtəlif şəhərlərində məskunlaşıb.
Türkiyənin Köç İdarəsi tərəfindən verilən son məlumata görə, ölkə ərazisində istifadəyə verilmiş müvəqqəti yaşayış məntəqələrində 63 min 452 suriyalı var. Bu rəqəm ötən ilin dekabr ayında 62 min 420 nəfər təşkil edib. Türkiyəyə köçən suriyalıların yalnız 1,77 faizi çadırlarda yaşayır. Onu da qeyd edək ki, başda İstanbul olmaqla, Türkiyənin bir neçə böyük şəhərində suriyalıların qeydiyyata götürülməsi işləri dayandırılıb. Ötən il iyulun 22-dən başladılan köçürülmə işləri çərçivəsində çox sayda suriyalı ölkənin Daxili İşlər Nazirliyi tərəfindən əvvəlcədən qeydiyyatda olduğu bölgəyə göndərilib.
Suriyadan Türkiyəyə gələnlərin rastlaşdıqları ən böyük problemlərdən biri də türk dilini bilməmələridir. Bu, xüsusilə məktəb yaşlı uşaqların təhsillərini davam etdirməsi baxımından çox vacib məqamdır. Statistik rəqəmlərə baxdıqda, dünyada uşaqların 84 faizi orta təhsil alır. Lakin köçkün uşaqlarda bu rəqəm 23 faizədək enə bilir. Ali təhsil məsələlərinə gəldikdə isə bu faiz əhəmiyyətli dərəcədə aşağıdır. Bu baxımdan suriyalı uşaqların təhsili Türkiyə tərəfini narahat edən ən vacib məsələlərdən biridir. Başda Türkiyənin Təhsil Nazirliyi olmaqla dövlət qurumları və QHT-lər tərəfindən bu istiqamətdə bir çox işlər görülüb və görülməkdə davam edir. Bunun nəticəsi olaraq hazırda Türkiyədə məskunlaşmış suriyalı uşaqların 98 faizi ibtidai təhsilə başlayıb. Orta təhsilin davam etdirilməsi məqsədilə ölkədə müvəqqəti tədris mərkəzləri yaradılıb. Bu mərkəzlərdə xüsusi hazırlanmış türk və suriyalı müəllimlər fəaliyyət göstərirlər. Bundan əlavə, mərkəzlərdə uşaqlara psixoloji dəstək də göstərilir.
Mütəxəssislərin fikrincə, dünyadakı siyasi böhranlar, müharibələr və köçlər kişilərə nisbətən qadınlarda daha çox psixoloji problemlərin yaranmasına səbəb olur. Bu problemlərdən ən çox əziyyət çəkənlər isə yetkinlik yaşına çatmayan qızlardır. Bunu Türkiyədə təhsil alan qız uşaqlarının timsalında da görmək mümkündür. Belə ki, Türkiyədə yaradılmış müvəqqəti tədris mərkəzlərində aparılan sorğuların nəticəsində qızların orta təhsildən imtina etdikləri, ali təhsil haqqında isə ümumiyyətlə düşünmədikləri müəyyən olunub.
Hazırda suriyalıların ölkələrindən kütləvi köçü davam edir. İnsanlar münaqişələrin baş verdiyi bölgələrdən nisbətən sakit yerlərə və xüsusilə Türkiyə sərhədi yaxınlığına köçürlər. Ötən ilin son göstəricilərinə əsasən, Türkiyə sərhədinə yaxın bölgələrə bir milyondan çox suriyalı məskunlaşıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
04:10
25 Aprel
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
04:10
25 Aprel
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
04:09
25 Aprel
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
04:08
25 Aprel
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
04:07
25 Aprel
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
04:06
25 Aprel
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
01:26
25 Aprel
25 Aprel
Bakıda Rusiya Kinosu Günlərinin təntənəli açılış mərasimi olub
23:47
24 Aprel
24 Aprel
Türkiyə XİN 1915-ci il hadisələri ilə bağlı bəyanat yayıb
23:45
24 Aprel
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
23:41
24 Aprel
24 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
