27 Yanvar 2020 16:23
428
SİYASƏT
A- A+

Strasburqda AŞPA-nın qış sessiyası başlayıb


Yanvarın 27-də Strasburqda Avropa Şurası Parlament Assambleyasının (AŞPA) qış sessiyası başlayıb.

AZƏRTAC xəbər verir ki, sessiyada Milli Məclisin AŞPA-dakı daimi nümayəndə heyətinin rəhbəri, Beynəlxalq münasibətlər və parlamentlərarası əlaqələr komitəsinin sədri Səməd Seyidovun başçılıq etdiyi nümayəndə heyəti iştirak edir. Nümayəndə heyətinə deputatlardan Sevinc Fətəliyeva, Sahibə Qafarova, Rafael Hüseynov, Asim Mollazadə, Sabir Hacıyev və Naqif Həmzəyev daxildir.

Sessiyada əvvəlcə AŞPA-nın yeni prezidenti seçiləcək. Qurumun prezidentliyinə bir namizəd var və o, Belçikadan olan deputat Hendrik Daemsdir.

Qış sessiyası çərçivəsində Moldova və Gürcüstanın prezidentlərinin, eləcə də Gürcüstanın Xarici İşlər nazirinin, Avropa Şurası Nazirlər Komitəsinin sədrinin və baş katibinin çıxışları gözlənilir.

Sessiyada "Liviya və Orta Şərqdə son inkişaflar: Avropa üçün hansı nəticələr?” və "Miqrasiya və Brexit-in nəticələri” mövzuları, eləcə də qurumun Nizamnaməsindəki öhdəliyin üzv dövlətlər tərəfindən ciddi pozduğu hallarda Nazirlər Kabineti və Assambleya arasında birgə əlavə proseduralarla bağlı olacaq.

Parlamentarilər media azadlığı və jurnalistlərin təhlükəsizliyinə təhdidlərə, eləcə də iş yerlərində dini azadlığın müdafiəsinə dair müzakirələr aparacaqlar.

Assambleyada miqrant alveri, qaçqın və miqrant uşaqların oğurlanması, orqan transplantasiyası və alveri kimi mövzular ətrafında birgə debatlar təşkil ediləcək.

Azərbaycan deputatları müzakirələrdə çıxış edəcək, gündəlikdəki məsələlərə münasibət bildirəcəklər.

Sessiya çərçivəsində yanvarın 28-də Azərbaycan nümayəndə heyətinin təşkilatçılığı ilə 20 Yanvar faciəsinin 30-cu ildönümünə həsr olunmuş tədbir keçiriləcək.

Qeyd edək ki, sessiya yanvarın 31-dək davam edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video