26 Yanvar 2020 16:03
607
DÜNYA
A- A+

Türkiyədə baş vermiş zəlzələnin fəsadlarına dair mətbuat konfransı keçirilib


Türkiyənin Daxili İşlər, Səhiyyə, Ətraf Mühit və Şəhərsalma nazirləri Elazığ şəhərində baş vermiş dağıdıcı zəlzələnin nəticələrinə dair birgə mətbuat konfransı keçiriblər.

AZƏRTAC xəbər verir ki, mətbuat konfransında Daxili İşlər naziri Süleyman Soylu dağıntılar altından 45 nəfərin sağ çıxarıldığını deyib.

Bildirilib ki, yeraltı təkanların meydana gəldiyi vaxtdan indiyədək bölgədə 4 baldan çox 20 yeraltı təkan və 678 afterşok qeydə alınıb. Əraziyə 10 mindən çox çadır göndərilib. Onlardan 6 min 455-i artıq qurulub.

Bölgədəki zədəli binaların araşdırılacağını deyən nazir qeyd edib ki, evsiz qalan şəxslərə sabahdan etibarən kompensasiyaların ödənilməsinə başlanılacaq.

Səhiyyə naziri Fahrettin Koça hazırda xəstəxanalarda 104 nəfərin müalicə olunduğunu deyib.

Ətraf Mühit və Şəhərsalma naziri Murat Kurum hadisə nəticəsində 31 tikilinin dağıldığını, 249-nun isə ağır zədə aldığını qeyd edib. Nazir bölgədəki 58 hökumət binasına və 52 infrastruktur obyektinə ziyan dəymədiyini qeyd edib.

Xatırladaq ki, yanvarın 24-də Türkiyənin Elazığ şəhərində 6,8 bal gücündə zəlzələ baş verib. Son məlumatlara görə, hadisə nəticəsində 35 nəfər ölüb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video