2020-ci il fevralın 9-na təyin edilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 13 yanvar 2020-ci il tarixli 16 saylı müraciətə baxılması barədə Azərbaycan Respublikası Mərkəzi Seçki Komissiyasının Qərarı
QƏRAR № 10/64
2020-ci il fevralın 9-na təyin edilmiş Azərbaycan Respublikasının Milli Məclisinə (Milli Məclis) seçkilərdə 44 saylı Sumqayıt - Xızı seçki dairəsi üzrə namizədliyi öz təşəbbüsü ilə irəli sürülmüş Ağamiyev Murad Natiq oğlu 2020-ci il yanvarın 13-də Azərbaycan Respublikasının Mərkəzi Seçki Komissiyasına (Mərkəzi Seçki Komissiyası) yazılı müraciət edərək həmin seçki dairəsinin hərəkətsizliyini mübahisələndirmiş və pozulması iddia olunan hüquqlarının bərpa edilməsi üçün müvafiq tədbirlərin görülməsini xahiş etmişdir.
Müraciət Azərbaycan Respublikası Seçki Məcəlləsinin (Seçki Məcəlləsi) 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın tələbinə uyğun olaraq Mərkəzi Seçki Komissiyasının nəzdində ekspert qrupunun üzvü tərəfindən icraata qəbul edilmiş, araşdırılaraq bu barədə rəy verilmiş və komissiyanın iclasında baxılmışdır.
Namizəd M.N.Ağamiyev müraciətində qeyd etmişdir ki, 2020-ci il fevralın 9-na təyin edilmiş Milli Məclisə seçkilərdə namizədliyinin qeydə alınması üçün 2020-ci il yanvarın 10-u saat 17:45-də seçici imzalarının toplanmasını yekunlaşdırmış, imza vərəqələri və digər seçki sənədlərini saat 17:53-də dairə seçki komissiyasının yerləşdiyi Sumqayıt Dram Teatrının binasına gətirmiş, lakin binanın qapılarının bağlı olduğunu görmüşdür. Dairə seçki komissiyasının sədr əvəzi onun seçki hüquqlarını pozaraq süni əngəllər yaratmış, saat 18:03-dən 18:11-dək ona dəfələrlə zəng etsə də onun zənglərinə cavab verilməmiş, bu səbəbdən imza vərəqələri və onlara əlavə olunan digər seçki sənədlərini komissiyaya təqdim edə bilməmişdir.
Araşdırma ilə əlaqədar ərizəçi ilə əlaqə saxlanılmış, araşdırma və iclasda iştirak etmək, həmçinin digər hüquqlarının olması izah edilmiş, onun iclasda iştirakı təmin olunmuşdur.
Araşdırma ilə müəyyən edilmişdir ki, M.N.Ağamiyevin namizədliyi öz təşəbbüsü ilə 2020-ci il yanvarın 8-də irəli sürülmüş, yanvarın 10-u saat 15:00 radələrində namizədliyinin irəli sürülməsi dairə seçki komissiyası tərəfindən təsdiq edilmiş, saat 16:00 radələrində ona imza vərəqələri verilmiş, namizəd imza vərəqələri və ona əlavə edilmiş digər zəruri seçki sənədlərini qanunvericiliklə sənədlərin təqdim olunmasının son müddətinədək, yəni 2020-ci il yanvarın 10-u saat 18:00-dək dairə seçki komissiyasına təqdim etməmişdir. O, 2020-ci il yanvarın 11-də imza vərəqələri və ona əlavə edilən seçki sənədlərini dairə seçki komissiyasına gətirərək onun 10 yanvar tarixinə rəsmiləşdirilməsini xahiş etmiş, xahişi təmin edilmədiyinə görə sənədləri təhvil verməkdən imtina etmişdir.
Araşdırma ilə əlaqədar dairə seçki komissiyasının üzvlərindən izahat, həmin gün qeyd edilən saatda dairə seçki komissiyasında olmuş digər dörd namizəddən alınmış məlumatla müəyyən edilmişdir ki, M.N.Ağamiyevin müraciətdə göstərdiyi saatlarda dairə seçki komissiyasının üzvləri iş yerində olmaqla həmin namizədlərin sənədlərinin rəsmiləşdirilməsini həyata keçirmişlər. Komissiya üzvlərinin izahatında və namizədlərin məlumatlarında M.N.Ağamiyevin həmin saatlarda hər hansı bir məsələ ilə əlaqədar dairə seçki komissiyasına müraciət etməsi öz təsdiqini tapmamışdır.
Eyni zamanda dairə seçki komissiyasının yerləşdiyi Sumqayıt Dövlət Dram Teatrının inzibati binasının növbətçi mühafizəçisi C.Q.Həsənovdan alınmış yazılı məlumatda göstərilir ki, 2020-ci il yanvarın 10-da iş cədvəlinə uyğun olaraq saat 08:00-dan 20:00-dək inzibati binanın qapıları açıq olmuşdur.
Göstərilənlərə əsasən müəyyən olunur ki, namizəd M.N.Ağamiyev imza vərəqələri və ona əlavə edilən digər sənədləri Seçki Məcəlləsinin 58.1-ci maddəsi ilə müəyyən olunmuş müddətdə deyil, həmin müddətdən sonrakı gün dairə seçki komissiyasına gətirsə də onları komissiyaya təqdim etməkdən imtina etmişdir.
Beləliklə, müraciətin tam, hərtərəfli, obyektiv və qərəzsiz araşdırılması ilə M.N.Ağamiyevin şikayətinin təmin edilməsi üçün hüquqi əsaslar müəyyən edilməmişdir.
Yuxarıda göstərilənləri əsas götürərək Mərkəzi Seçki Komissiyası Seçki Məcəlləsinin 19.4-cü, 28.2-ci, 58-ci, 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 1-ci, 2-ci, 4-cü, 6-cı və 7-ci hissələrinə əsasən qərara alır:
1. 2020-ci il fevralın 9-na təyin edilmiş Milli Məclisə seçkilərdə 44 saylı Sumqayıt - Xızı seçki dairəsi üzrə namizədliyi öz təşəbbüsü ilə irəli sürülmüş M.N.Ağamiyevin 13 yanvar 2020-ci il tarixli 16 saylı müraciəti əsassız olduğundan təmin edilməsin.
2. Bu Qərar dərc edildiyi gündən qüvvəyə minir.
Sədr Məzahir Pənahov
Katib Arifə Muxtarova
Katib Mikayıl Rəhimov
15.01.2020-ci il
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!