09 Dekabr 2019 23:15
557
DÜNYA
A- A+

İqlim dəyişikliyinin nəticələri dünya şirkətlərinə 2,3 trilyon dollara başa gələ bilər


Hökumətlər tərəfindən iqlim dəyişikliyi ilə bağlı normativ tələblərin sərtləşdirilməsi nəticəsində dünyanın müxtəlif kompaniyalarının kapitalı 2,3 trilyon dollar azala bilər.

AZƏRTAC Reuters agentliyinə istinadla xəbər verir ki, bu hesablamanı BMT-nin Principles for Responsible Investment (İnvestisiya məsuliyyəti prinsipləri) maliyyə təşəbbüsü təşkilatı aparıb. Təşkilatın proqnozuna görə, bundan ən çox kömür (44 faiz) və neft-qaz kompaniyaları (31 faiz) zərər çəkəcək. Elektromobillərə investisiya yatıran avtomobil istehsalçıları və elektrik enerjisi kompaniyaları isə əksinə, xeyli gəlir əldə edəcək. Onların kapitalının iki dəfə artacağı gözlənilir.

İqlim dəyişikliyi üzrə hökumətlərarası ekspertlər qrupunun Koreya Respublikasının İnçhon şəhərindəki görüşünün nəticələrinə əsasən dərc olunan xüsusi məruzəyə görə, planetdə temperatur artımının 1,5 dərəcədə saxlanılması su resurslarının 2100-cü il üçün nəzərdə tutulan defisitini 50 faiz azaltmağa imkan verəcək. Həmçinin ekspertlər belə nəticəyə gəliblər ki, 2010-cu illə müqayisədə 2030-cu ilədək atmosferə karbon qazının atılmasını 35 faizə qədər azaltmaq, 2050-ci ilə qədər isə tamamilə dayandırmaq lazımdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video