Tərtər gəncləri sabaha inamla baxırlar
Uğurlu illər sırasında mühüm ictimai-siyasi hadisələrlə, yüksək sosial-iqtisadi inkişaf tempi ilə yadda qalacaq 2019-cu il artıq başa çatmaq üzrədir. 2019-cu ilin qürurverici töhfələri cəbhə bölgəsi olan Tərtər rayonunda da diqqət çəkir.
Prezident İlham Əliyevin cəbhə bölgələrinə xüsusi qayğı və diqqəti sayəsində son illər Tərtərin siması müqayisə edilməyəcək dərəcədə dəyişib gözəlləşmiş, rayon mərkəzi də, kəndlər də abad görkəm almış, bölgə əhalisinin güzəranı, həyat səviyyəsi əsaslı şəkildə yaxşılaşmışdır.
Dövlətin davamlı qayğısından güc alan tərtərli gənclər yeni quruculuq dövrünün fəal iştirakçılarıdır. "Azərbaycan gəncliyi 2017-2021-ci illərdə” Dövlət Proqramında qarşıya qoyulan vəzifələr rayon gənclər və idman idarəsi olaraq bizim fəaliyyətimizə yeni və aydın istiqamət verir. Biz tikinti, abadlıq-quruculuq işlərində fəal iştirak etməklə, kənd təsərrüfatının müxtəlif sahələrində çalışaraq ölkənin Ərzaq Təhlükəsizliyi Proqramına sanballı töhfələr verməklə yanaşı, yüksək intellektual səviyyəyə malik, vətəni canından artıq sevən yeni nəsil yetişdirilməsinə böyük önəm veririk. Uğurla reallaşan təşkilati, ideoloji işin nəticələri isə fərəhlidir. Ölkənin nüfuzlu ali məktəblərinə qəbul olunan tərtərli məzunların sayı ildən-ilə artmaqdadır. Bu il təkcə Bakı Dövlət Universitetinə qəbul olunan tərtərli gənclərin sayı 50 nəfərdən çoxdur. Dövlətin, eyni zamanda Heydər Əliyev Fondunun qayğısı ilə rayonumuzda onlarla məktəb, uşaq bağçası tikilib istifadəyə verilmiş, təhsilin maddi-texniki bazası əsaslı şəkildə möhkəmlənmişdir.
Rayon gənclərinin hərbi-vətənpərvərlik ruhunda tərbiyəsi gənclər və idman idarəsi olaraq fəaliyyətimizin əsas istiqamətini təşkil edir. Rayonun gənc və yeniyetmələrinin ərazidə yerləşən hərbi hissələrə vaxtaşırı səfərləri artıq bir ənənəyə çevrilmişdir. Hərbi hissələrdə əsgər və zabitlərlə maraqlı görüşlər, döyüş texnikası, müxtəlif hərbi silah-sursatlarla əyani tanışlıq gənclərin xarakterinə əhəmiyyətli dərəcədə təsir edir, onlarda hərb peşəsinə güclü maraq yaradır. Təsadüfi deyil ki, respublikada vaxtaşırı keçirilən "Şahin” hərbi-idman yarışlarında tərtərli yeniyetmələr həmişə fərqlənirlər.
18 Oktyabr - Müstəqillik Günü münasibətilə Tərtər Rayon İcra Hakimiyyətinin, rayon Gənclər və İdman İdarəsinin və Təhsil şöbəsinin birgə təşkilatçılığı ilə Azərbaycanın dövlət müstəşilliyinin bərpasının 28-ci ildönümü münasibətilə "Müstəqilliyimiz əbədidir” şüarı altında möhtəşəm yürüş keçirilmişdir. Yürüş 7 kilometr məsafəni əhatə etmişdir. Tərtər Rayon İcra Hakimiyyətinin dəstəyi, rayon Gənclər və İdman İdarəsinin təşkilatçılığı ilə 9 Noyabr - Bayraq Günü "Dalğalan ey bayrağım” adlı aksiya həyata keçirilmişdir. Aksiya çərçivəsində rayonun mərkəzi küçələrində, Qarabağ müharibəsi əlilləri və şəhid ailələri üçün çoxmənzilli yaşayış binalarında, eləcə də erməni işğalından azad edilmiş Şıxarx qəsəbəsində məcburi köçkünlər üçün salınmış yaşayış kompleksindəki binalardan üçrəngli milli bayraqlar asılmışdır.
Həmin gün keçirilən yürüşün finalında 180 nəfər məktəblinin iştirakı ilə Azərbaycan Respublikasının Dövlət Bayrağını əks etdirən fləşmob nümayiş etdirilmişdir. Yürüşün keçirilməsində məqsəd milli artibutlarımızın təbliği, gənc və yeniyetmələr arasında hərbi-vətənpərvərlik hissinin, milli-mənəvi dəyərlərə məhəbbətin aşılanmasıdır.
Hər zaman dövlətinə, Prezidentinə sədaqətli olan Tərtər gəncləri sabaha inamla baxırlar. Onlar doğma Qarabağı erməni işğalından azad etməyə, düşməndən layiqli qisas almağa hər an hazırdırlar.
Emin PƏNAHOV,
Tərtər Rayon Gənclər və İdman İdarəsinin rəisi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Cəsarəti ilə düşmənə meydan oxuyan qadın
29 Mart
Vətəni qorumaq ən müqəddəs borcumuzdur
29 Mart
Lənkəranda "Bələdiyyələrdə gender bərabərliyi siyasətinin həyata keçirilməsi"ndən danışılıb...
29 Mart
ASF Neftçalada əkin sahələrində subasma halları ilə bağlı zərər dəyərləndirməsinə başlayıb...
29 Mart
Biləsuvarda növbəti ağacəkmə aksiyası keçirilib
29 Mart
Şirvanda daha bir həyət abadlaşdırılıb
29 Mart
Gəncənin daxili yollarında təmir işləri yekunlaşıb
29 Mart
Təzə ad düşərli olub
29 Mart
Qafqazda sülhü savaşa çevirmək istəyən kənar qüvvələr var
29 Mart
Ermənistan başqalarının əlində alətə çevrilmişdir
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!