05 Dekabr 2019 19:42
484
SİYASƏT
A- A+

Ukraynalı siyasətçi: İlham Əliyevin köklü islahatları Prezidentin xarici çağırışlara adekvat qiymət verdiyini göstərir

Ukraynanın Avropa Partiyasının lideri, parlamentin dörd çağırış deputatı, hüquq elmləri namizədi Nikolay Katerinçuk AZƏRTAC Dövlət İnformasiya Agentliyinə müsahibə verib.

- Azərbaycan və Ukrayna arasında siyasi və iqtisadi əməkdaşlığın hazırkı vəziyyətini necə qiymətləndirirsiniz?

-Nəqliyyat-energetika və ticari-iqtisadi əlaqələr həmişə bizim əməkdaşlığımızın prioritet istiqamətləri olub. Donbasda müharibə başlanmasından sonra Ukraynada ÜDM-in 25 faiz aşağı düşməsinə baxmayaraq ölkəmizin Azərbaycanla iqtisadi əməkdaşlığı sürətlə inkişaf edir. Statistik rəqəmlər göstərir ki, ikitərəfli ticarətin həcmi ildən-ilə artır. Ukrayna neftayırma zavodlarına Azərbaycan neftinin tədarükündə, neftin öz ərazisindən Avropaya nəqlində və əlbəttə, iqtisadiyyatımıza, xüsusən neft-qaz sənayesinə sərmayələr qoyulmasında maraqlıdır. Əminəm ki, Prezident Vladimir Zelenski ölkələrimiz arasında əməkdaşlığı yeni səviyyəyə qaldıra biləcək. Axı, bu gün Prezidentimiz, hökumətimiz iqtisadi islahatların həyata keçirilməsi, sərmayələrin cəlb olunması və açıq iqtisadiyyatın qurulmasında qətiyyətli mövqe nümayiş etdirir.

- Azərbaycan Prezidenti İlham Əliyev bir sıra irimiqyaslı energetika və infrastruktur layihələri həyata keçirir. Bu günlərdə TANAP-ın Avropa hissəsinin də açılış mərasimi keçirildi. Prezident İlham Əliyevin regionda rolunu necə qiymətləndirirsiniz?

- İlham Əliyevin hakimiyyətə gəlişindən sonra Azərbaycanın regionda və dünyada rolu əhəmiyyətli dərəcədə artıb. Hesab edirəm ki, o, Azərbaycanın mühüm geosiyasi mövqeyini nəzərə alaraq xarici siyasət kursunu çox savadlı müəyyən edib. Məhz onun rəhbərliyi ilə Azərbaycan Avropanın qonşuluq siyasətinə daxil edilib və Şərq tərəfdaşlığının iştirakçısına çevrilib. Onun hakimiyyəti dövründə Azərbaycanda siyasi vəziyyət daha da stabilləşib. Əlbəttə ki, sizin ölkənizin Avropa regionunun enerji təhlükəsizliyinin təmin edilməsində rolunu da qiymətləndirməmək mümkün deyil.

Axı TANAP qaz kəməri artıq energetikada böyük İpək yoluna çevrilib. Qaz kəmərinin istifadəyə verilməsindən sonra Azərbaycan uzun illər üçün Avropa İttifaqının energetika tərəfdaşına çevrilib və energetika bazarında ciddi aktor kimi çıxış edir.

Ukrayna da qaz tədarükünü şaxələndirərək bu kəmərin imkanlarından istifadə edə bilər. Bu, bizim üçün olduqca vacibdir.

-Son aylar Azərbaycanda köklü islahatlar aparılıb. Prezident İlham Əliyev idarəetməni təkmilləşdirmək üçün kadr islahatları həyata keçirir. Bu islahatları xarici dairələrdə yüksək qiymətləndirirlər. Biz Sizin mövqeyinizi də bilmək istərdik.

-İlham Əliyevin apardığı köklü islahatlar göstərir ki, Prezident Azərbaycanın qarşısında duran xarici çağırışlara adekvat qiymət verir və onları çox gözəl başa düşür. Birinci növbədə, mən diqqəti dövlət idarəçiliyinin səmərəliliyinin artırılmasına yönəlmiş kadr islahatlarına çəkmək istəyirəm. 2013-cü ildən Prezident İlham Əliyevin rəhbərliyi ilə ölkədə aparılan iqtisadi islahatlar sayəsində Azərbaycan yeni Asiya pələnginə çevrilib. Əminəm ki, Prezident Vladimir Zelenskinin Azərbaycana səfəri tarixi hadisə olacaq və bizim ikitərəfli münasibətlərimizi keyfiyyətcə yeni mərhələyə qaldıracaq. Hər iki dövlət bunda maraqlıdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video