04 Dekabr 2019 01:51
880
Mədəniyyət
A- A+

“Sevil” pyesi Şəki teatrında tamaşaya hazırlanır


XX əsr Azərbaycan ədəbiyyatının görkəmli nümayəndəsi, böyük şair, yazıçı, dramaturq, ssenarist Cəfər Cabbarlının anadan olmasının 120 illiyi ilə bağlı müxtəlif tədbirlər həyata keçirilir.

Milli azadlıq və istiqlal ideallarının tərənnümçüsü olan Cəfər Cabbarlı çoxcəhətli ədəbi və ictimai fəaliyyəti ilə xalqımızın tərəqqisi naminə çalışıb. Çoxşaxəli yaradıcılığı ilə mədəniyyətimizin inkişafında mühüm rol oynamış C.Cabbarlının əsərləri uzun illərdir ki, teatrların repertuarını bəzəyir. Yubiley ili çərçivəsində Azərbaycan milli teatrının inkişafında misilsiz xidmətlər göstərmiş görkəmli dramaturqun pyeslərinə yenidən müraciət olunur.

Böyük dramaturqun ölməz əsərlərindən biri - "Sevil” pyesi də Şəki Dövlət Dram Teatrında səhnələşdirilir. Qeyd edək ki, baş qəhrəman - Sevil obrazı ilə Azərbaycan qadınının yüksəliş yolu təsvir edilən bu əsər müxtəlif teatr səhnələrində dönə-dönə tamaşaya qoyulub. Hər dəfə də tamaşaçıların diqqətini çəkərək sevgisini qazanıb. Bu uğuru davam etdirmək üçün Şəki Dövlət Dram Teatrının yaradıcı kollektivi də həvəslə məşqlərə başlayıb.

Görkəmli dramaturqun anadan olmasının 120 illiyi münasibətilə hazırlanan tamaşanın quruluşçu rejissoru Orxan Həmidli, geyim üzrə rəssamı Sahib Əhmədov, bəstəkarı Firudin Allahverdi, rəqslərin quruluşçusu isə Çingiz Novruzəliyevdir. Tamaşada rolları Əməkdar artistlər Xanlar Həşimzadə, Akif Yusifov, Rəhim Qocayev, aktyorlar Pərviz İsmayılov, Fərahim Fətəliyev, aktrisalar Lalə Məmməd, Arzu Mustafayeva, Nazilə İmamhüseynova və Aysun Mustafazadə ifa edəcək. Əsərin əsas qəhrəmanı Sevil obrazını canlandıran gənc aktrisa Zümrüd Əliyeva isə bu rolla debüt edir.

Tamaşa yaxın vaxtlarda teatrsevərlərə təqdim olunacaq.

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video