30 Noyabr 2019 01:10
737
Mədəniyyət
A- A+

Lerikdə Nəsimi bayramı


İki gün ara verməyən qar dayanmışdı. Dağların arxasından boylanan günəş havanın şaxını sındırmışdı. Gediş-gəliş erkən başlamışdı. Asfalt yollardan aşağı enən maşınlar Lerik şəhərindəki mədəniyyət sarayına yan alırdı.

Bayramsayağı geyinmiş tamaşaçılar qarşılanır, zala dəvət olunur, yerlərini tuturlar. Onlar dahi mütəfəkkir şair İmadəddin Nəsiminin 650 illiyinə həsr olunmuş ümumrayon tədbirinə gəlmişlər.

Musiqinin sədaları altında pərdə qalxır. Səhnədə böyük şairin portreti asılmışdır. "Cahana sığmayan şair” ədəbi-bədii kompozisiyası başlanır. Jurnalist Hüsaməddin Abbasov Nəsiminin ömür yolu və bənzərsiz yaradıcılığı haqqında məlumat verir.

Lerik Rayon İcra Hakimiyyətinin başçısı Rövşən Bağırov çıxış edərək Azərbaycan Prezidenti İlham Əliyevin ədəbiyyatımızın klassiklərinin irsinə verdiyi yüksək dəyərdən, Nəsiminin ideyalarının müasir dövrdə də əksini tapdığından, onun əsərlərinin insanlığı mənəvi kamilliyə, ədalətə, humanizmə çağırdığından bəhs etdi.

Tamaşaçılar həvəskar qiraətçilər Sədrəddin Ağaxanlı, Nərmin Abbasova, Aysun Hüseynova, Valid Məmmədov şairin qəzəllərindən parçalar oxudular. Şəhər musiqi məktəbinin müəllimləri Səyyad Əhədov və Fikrət Nuriyev Nəsiminin qəzəllərindən muğam üstə ifa etdilər.

Tədbirdə yerli yazarlardan Hüseynbala Əliyev, Xanlar Həmid, Qəhrəman Əliyevin çıxışları maraqla dinlənildi. Onlar cəmi 48 il ömür sürmüş Nəsiminin 650 ildən sonra da müasir olduğunu vurğuladılar.

Rayon mərkəzi kitabxanasında Nəsiminin müxtəlif illərdə çap olunmuş əsərlərindən ibarət kitab sərgisi açılmışdır.

Bu payız günündə keçirilən musiqili-ədəbi tədbir ürəklərə hərarət gətirdi, əsl bayrama çevrildi.

Həmzə VƏLİMƏMMƏDOV,

Əməkdar jurnalist

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video