jpg-1713653616.jpg)
Bakı Ali Neft Məktəbində “Mühəndislər üçün biznes təhsili” layihəsi uğurla başa çatıb
Bakı Ali Neft Məktəbinin (BANM) və BP şirkətinin birgə təşkilatçılığı ilə reallaşdırılan "Mühəndislər üçün biznes təhsili” layihəsinin növbəti kursu uğurla başa çatıb.
BANM-dən AZƏRTAC-a bildiriblər ki, bu münasibətlə keçirilən tədbirdə bu ali məktəbin rəhbərliyi, BP şirkətinin nümayəndələri və tələbələr iştirak ediblər.
Tədbirdə Bakı Ali Neft Məktəbinin rektoru Elmar Qasımov bildirib ki, iki ay davam edən "Mühəndislər üçün biznes təhsili” layihəsinin növbəti mərhələsi müvəffəqiyyətlə yekunlaşıb. Əsas məqsədi mühəndislik ixtisası üzrə təhsil alan tələbələrin liderlik, idarəetmə bacarıqlarının inkişaf etdirilməsi və karyera imkanlarının artırılması olan layihə boyunca təcrübəli ekspertlər təlimlər keçiblər.
Proqramda Bakı Ali Neft Məktəbi ilə yanaşı, mühəndislik ixtisası üzrə təhsil alan bir çox ali məktəblərin də tələbələri iştirak ediblər.
"İngilis dilində həyata keçirilən layihə təhsil müddətində mühəndislik üzrə yüksək səviyyəli bilik və bacarıqlara yiyələnmiş tələbələrə, həm də menecment və biznes sahəsində geniş bilgilər verib. Məqsəd gənc mühəndislərə layihələrin idarə edilməsi, biznes səriştəsi və bir sıra digər istiqamətlərdə modullar keçirilərək savadlı, intellektual kadrlar yetişdirməkdir”, - deyə rektor bildirib.
"BP-AGT”nin KİV və əlaqələr üzrə meneceri Tamam Bayatlı deyib ki, Azərbaycanda fəaliyyət göstərdiyi 27 il ərzində BP şirkəti sosial layihələrə sərmayə yatırıb. "Bu layihələr arasında təhsil proqramları üstünlük təşkil edir. Ali məktəblərlə əməkdaşlıq çərçivəsində Bakı Ali Neft Məktəbi ilə bir neçə uğurlu layihələr həyata keçirilib ki, bunlardan biri də "Mühəndislər üçün biznes təhsili” layihəsidir”, - deyə T.Bayatlı qeyd edib.
Daha sonra Azərbaycan-Fransız Universitetinin direktoru Vazeh Əsgərov, Bakı Mühəndislik Universitetinin prorektoru Bayram Hüseynzadə layihənin tələbələr üçün əhəmiyyətindən danışıblar.
Tələbələrlə iş şöbəsinin böyük metodisti Ləman Hüseynova bildirib ki, "Mühəndislər üçün biznes təhsili”nin proqramına "Təqdimat və kommunikasiya bacarığı”, "Layihələrin idarə edilməsi”, "Vaxtın idarə edilməsi və səmərəlilik”, "Liderlik”, "Risklərin idarə edilməsi”, "Maliyyə, büdcə və xərclərə nəzarət edilməsinə giriş”, "İnsan resurslarının idarə edilməsinin əsasları”, "Danışıq bacarıqları” kimi modullar daxil olub.
Proqramda Bakı Ali Neft Məktəbinin 4-cü və 5-ci kurs, digər ali təhsil müəssisələrinin mühəndislik ixtisasları üzrə təhsil alan və ingilis dili bacarıqları yüksək olan 3-cü və 4-cü kurs tələbələri iştirak ediblər. Təlimlərdə iştirak üçün daxil olan 300-ə yaxın müraciətdən proqramın meyarlarına uyğun olan 250 nəfər seçilib. Layihədə Azərbaycan Dövlət Neft və Sənaye Universitetinin, Azərbaycan-Fransız Universitetinin, Bakı Mühəndislik Universitetinin, ADA Universitetinin, Azərbaycan Memarlıq və İnşaat Universitetinin, Bakı Dövlət Universitetinin, Azərbaycan Texniki Universitetinin, Xəzər Universitetinin tələbələri iştirak ediblər.
Sonda təlimləri uğurla başa vurmuş iştirakçılara Bakı Ali Neft Məktəbi və BP-nin birgə sertifikatları təqdim edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Qırğız Respublikası arasında rəqəmsal transfromasiya istiqamətində əməkdaşlıq müzakirə...
12:13
25 Aprel
25 Aprel
Həqiqi hərbi xidmətə aprel çağırışı yekunlaşır
12:13
25 Aprel
25 Aprel
Qərbi Azərbaycan İcması ABŞ Dövlət Departamentinin insan hüquqlarına dair növbəti ölkə hesabatları i...
12:12
25 Aprel
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNƏCƏK
12:11
25 Aprel
25 Aprel
Nazir müavini: Macar şirkətlərin Azərbaycan iqtisadiyyatına sərmayələri 1 milyard dolları ötüb ...
12:00
25 Aprel
25 Aprel
Azərbaycan ilə Qırğızıstan arasında Anlaşma Memorandumu imzalanıb
11:58
25 Aprel
25 Aprel
Türkmən şairi Maqtımqulu Fraqinin 300 illiyi UNESCO-da sərgi və musiqi konserti ilə qeyd olunub ...
11:58
25 Aprel
25 Aprel
“Hizbullah” İsrailə qarşı keçirdiyi əməliyyatların sayını açıqlayıb
11:57
25 Aprel
25 Aprel
Assosiasiya sədri: Azərbaycanda arbitraj sisteminin yaradılması beynəlxalq nizama da töhfə verəcək ...
11:56
25 Aprel
25 Aprel
Macarıstan Azərbaycandan qaz tədarükünü artırmaq istəyir
11:55
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
