10 Noyabr 2019 17:46
481
DÜNYA
A- A+

Tokioda İmperator Naruhitonun taxta çıxması ilə əlaqədar parad keçirilib



Yaponiya İmperatoru Naruhitonun taxta çıxması ilə əlaqədar Tokioda təntənəli avtomobil paradı keçirilib.

AZƏRTAC-ın xüsusi müxbiri hadisə yerindən xəbər verir ki, İmperator Naruhitonun və İmperatriçə Masakonun əyləşdiyi avtomobili müşayiət edən kortec yerli vaxtla saat 15:00-da əsas Saraydan çıxaraq Akasaka iqamətgahına doğru hərəkət edib. Məxsusi olaraq bu parad üçün hazırlanmış "Toyota Centry” avtomobilində əyləşən Əlahəzrət Naruhito və İmperatriçə Masako 4,6 kilometr uzunluğunda yolboyu düzülmüş paytaxt sakinlərini salamlayıblar. Həmin avtomobilin ümumi dəyərinin təqribən 80 milyon yen (təqribən 750 min dollar) olduğu bildirilir.

İmperator cütlüyünün oturduğu üstüaçıq avtomobili Baş Nazir Şinzo Abe başda olmaqla hökumət üzvlərinin əyləşdiyi təqribən 30 maşın müşayiət edib. Korteclə birlikdə təxminən 18 polis motosikli və maşını da hərəkət edib. Kortecin uzunluğu təqribən 400 metrə çatıb.

İmperator Naruhito sinəsində ali Xrizantema ordeni asılmış qara frakda, İmperatriçə Masako isə başında tac və medalla bəzədilmiş parlaq rəngli uzun paltarda olub.

İmperator cütlüyü yola düşməzdən əvvəl orkestr Yaponiyanın dövlət himnini ifa edib.

İmperator kortecini əllərində kiçik bayraqlar tutmuş minlərlə Tokio sakini və paytaxtın qonaqları "Yaşasın Əlahəzrət İmperator!” çağırışları ilə salamlayıblar.

Təntənəli paradla əlaqədar Tokio polisi tərəfindən çox güclü təhlükəsizlik tədbirləri görülüb. Marşrutun keçdiyi ərazidə avtomobillərin hərəkəti, tamaşaçılara isə şelfi çubuqlarında və kvadrokopterlərdən istifadə qadağan edilib. Eyni zamanda, əraziyə böyük bayraqların, transparantların, alışqanların, böyük əşyaların, spirtli içkilərin və istənilən alüminim bankaların gətirilməsinə qadağa tətbiq edilib.

Tədbirlə bağlı təhlükəsizliyin təmin edilməsinə isə ümumilikdə hüquq-mühafizə orqanlarının 26 min əməkdaşı cəlb edilib.

Xatırladaq ki, İmperator Naruhito cari ilin mayın 1-də atası Akihito səhhəti və yaşının çox olması ilə əlaqədar taxtdan imtina etdikdən sonra taxta çıxıb. Yaponiya Konstitusiyasına uyğun olaraq İmperatorun rəsmi taxta çıxmasının elan edilməsi mərasimi oktyabrın 22-də keçirilib.


 

AZƏRTAC

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video