Alternative content

02:44 19 Noyabr 2019
ONLINE XƏBƏR LENTİ
00:31 19.11.2019 Bir əsrin xəzinəsi
16:22 18.11.2019 Kabildə terror aktı
Azərbaycan turizm məkanıdır - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Mütəfəkkir şairə xalq məhəbbəti
Mütəfəkkir şairə xalq məhəbbəti
ANA SƏHİFƏ / Mədəniyyət
00:47 03.11.2019


Bakı Ali Neft Məktəbində İmadəddin Nəsiminin 650 illik yubileyinə həsr olunmuş ədəbi-bədii gecə keçirilib


Şərq xalqlarının mədəni sərvətlər xəzinəsində özünəməxsus layiqli yer tutan Nəsimi yaradıcılığı uzun illərdən bəri elmi-ədəbi fikrin diqqət mərkəzindədir. Onun irsinin ölkəmizdə sistemli tədqiqi və təbliği isə, əlbəttə, ilk növbədə Ümummilli Lider Heydər Əliyevin təşəbbüsü ilə Nəsiminin 600 illik yubileyinin keçirildiyi vaxta təsadüf edir.

"Ədəbi-mədəni fikir tarixində yeri olan, böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında” Azərbaycan Respublikası Prezidentinin 2018-ci il 15 noyabr tarixli Sərəncamına uyğun olaraq, ölkə ərazisində keçirilən tədbirlər silsilə xarakter alıb.

Bakı Ali Neft Məktəbi də Azərbaycan Dövlət Mədəniyyət və İncəsənət Universiteti ilə birgə Nəsiminin 650 illik yubileyinə həsr olunmuş ədəbi-bədii gecə keçirib.

Tədbiri açan Bakı Ali Neft Məktəbinin rektoru Elmar Qasımov bildirib ki, böyük Azərbaycan şairi və mütəfəkkiri İmadəddin Nəsimi klassik Azərbaycan poeziyasında öz dəstxəti ilə seçilən, anadilli poeziyamızın inkişafında müstəsna xidmətləri olan söz ustadıdır. Rektor onu da qeyd edib ki, Nəsimi yaradıcılığında insanın əzəməti, şəxsiyyətin azadlığı və məhəbbət ideyası mühüm yer tutur: "Onun müxtəlif ideyalarla zəngin bədii irsi özündən sonra gələn Azərbaycan şairlərinin yaradıcılığına və bir sıra xalqların bədii-ictimai fikrinin inkişafına güclü təsir göstərib. Biz çox qürur duyuruq ki, ölkə səviyyəsində geniş miqyasda qeyd olunan "İmadəddin Nəsimi ili” çərçivəsində keçirilən tədbirlərin birini də biz təşkil etdik. Bu gün həm Bakı Ali Neft Məktəbinin, həm də Azərbaycan Dövlət Mədəniyyət və İncəsənət Universitetinin tələbə və müəllimləri dahi Nəsimi yaradıcılığından kompozisiya, şeir və bəstələr təqdim edəcəklər”.

Azərbaycan Dövlət Mədəniyyət və İncəsənət Universitetinin rektoru, professor Ceyran Mahmudova isə rəhbərlik etdiyi ali təhsil müəssisəsində "İmadəddin Nəsimi ili” çərçivəsində həyata keçirilən tədbirlər haqqında məlumat verərək bildirib ki, bu il mütəfəkkir şair İmadəddin Nəsimiyə ithaf olunan "Hüsnü-cəmal, əqli kamal” adlı bədii qiraət müsabiqəsi keçirilib. Eyni zamanda şairin qəzəlləri əsasında muğamlardan ibarət kompozisiya hazırlanıb.

Azərbaycan Milli Elmlər Akademiyasının vitse-prezidenti, filologiya elmləri doktoru, akademik İsa Həbibbəyli çıxışında xüsusi qeyd edib ki, dünyada Nəsimidən başqa insanı ilahi varlıq səviyyəsinə yüksəldən ikinci sənətkar yoxdur.

Tədbirin bədii hissəsində Bakı Ali Neft Məktəbi ilə Azərbaycan Dövlət Mədəniyyət və İncəsənət Universitetinin tələbə və müəllimlərinin ifasında "Məndə sığar iki cahan, mən bu cahana sığmazam”, "Könlüm”, "Neylərəm”, "Eylədi”, "Etməgil”, "Hardasan?”, "Canan, mənim sevdiyimi can bilir ancaq”, "Yanaram”, "Ayrılır”, "Ey Məsihadəm, niyə can vermədin cansızlara?!”, "İnsan dedilər” qəzəlləri, Xalq artisti, bəstəkar Tofiq Quliyevin "Nəsimi” filminə bəstələdiyi "Söylədi yox-yox” mahnısı, "Qafil, oyan”, "Simayi-Şəms” və eləcə də Nəsiminin qəzəllərindən ibarət kompozisiyalar, "Məndə sığar iki cahan” şur təsnifi tamaşaçılara təqdim olunub.

Tədbir Sami Yusifin "Sığmazam” kompozisiyasının videorekviyemi ilə yekunlaşıb.

Məhəmməd NƏRİMANOĞLU,

"Azərbaycan”



NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM