Rəşid MEREDOV: “Qoşulmama Hərəkatının Bakı Zirvə Görüşü beynəlxalq əməkdaşlığa mühüm töhfə oldu”
"Azərbaycan paytaxtında keçirilmiş Qoşulmama Hərəkatının XVIII Zirvə Görüşü bu hərəkatın müasir dünyada rolunun artırılması istiqamətində əməkdaşlığa mühüm töhfə oldu”. AZƏRTAC xəbər verir ki, bu fikri Türkmənistan Nazirlər Kabinetinin müavini, Xarici İşlər naziri Rəşid Meredov Aşqabadda xarici ölkələrin səfirləri ilə birlikdə keçirdiyi mətbuat konfransında səsləndirib.
R.Meredov qeyd edib ki, Bakıda keçirilmiş Zirvə görüşündə dünyada reallıqların nəzərə alınması və beynəlxalq əməkdaşlığın uzunmüddətli inkişafı perspektivləri fonunda faydalı müzakirələr aparılıb. Onun sözlərinə görə, Qoşulmama Hərəkatına üzv olan 120 ölkədə planetimizin əhalisinin 55 faizi yaşayır və bu baxımdan "soyuq müharibə”dən sonra Hərəkatın qarşısında duran vəzifələrin daha da dəqiq müəyyən olunması vacib idi. Türkmənistan rəsmisi deyib: "BMT Nizamnaməsində təsbit olunmuş fundamental prinsiplər, o cümlədən insan haqları, dövlətlərin ərazi bütövlüyü və suverenliyinə hörmət edilməsi kimi vacib məsələlər ətrafında aparılan müzakirələr beynəlxalq əməkdaşlığa mühüm töhfə oldu və Türkmənistan müstəqilliyinin ilk illərindən bəri neytral ölkə kimi bu məqsəd və hədəflərə sadiq olub”.
Türkmənistanlı nazir əlavə edib ki, Bakı Zirvə Görüşündə çıxış edən Türkmənistan Prezidenti Qurbanqulu Berdiməhəmmədov bir sıra qlobal problemlərin həlli istiqamətində ciddi təşəbbüslər irəli sürüb. Onun sözlərinə görə, Türkmənistanın dövlət başçısı dayanıqlı inkişafın əsas aspektləri və dövlətlərin dinc yanaşı yaşaması, həmçinin terrorizmlə mübarizə, qaçqın problemi, ərzaq təhlükəsizliyi, ətraf mühitin mühafizəsi kimi mühüm məsələləri önə çıxarıb.
R.Meredov daha sonra Prezident Qurbanqulu Berdiməhəmmədovun Zirvə görüşündə çıxışından sitat gətirib: "Biz inanırıq ki, dövlətlərimiz vahid mövqedən çıxış edərək inkişaf etməkdə olan ölkələrin hüquq və maraqlarının müdafiəsi, beynəlxalq iqtisadi münasibətlərdə ədalətin və bərabərliyin təmin edilməsi, qlobal ticarət sahəsində ayrı-seçkiliyə yol verilməməsi, insanların və ölkələrin iqtisadi suverenliyinə hörmət edilməsi üzrə ciddi qarşılıqlı fəaliyyət göstərəcəklər”.
Qoşulmama Hərəkatının ilk Zirvə Görüşü 1961-ci ildə Belqradda 29 ölkənin iştirakı ilə keçirilib. Hərəkatın əsas məqsədi xarici siyasətdə hərbi və siyasi bloklara qoşulmamaq, dinc yanaşı yaşamaq prinsiplərinə əməl edərək müstəqillik və bərabərliyə sadiq qalmaqdır.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
Bakı şəhərətrafı dəmir yolu nəqliyyatı ilə sərnişindaşıma fəaliyyəti üzrə subsidiya verilməsi Qaydal...
28 Mart
Gürcüstanda ölüm halları artır - Statistika
28 Mart
Cənubi Afrika Respublikasının Prezidenti Matamela Siril Ramafozadan
28 Mart
Kənd Təsərrüfatı Nazirliyinin aparat rəhbəri Biləsuvarda vətəndaşları qəbul edib
28 Mart
Bayden Trampı 3 faiz fərqlə qabaqlayır - SORĞU
28 Mart
ABŞ Nümayəndələr Palatasının heyəti Türkiyəyə gələcək
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!