27 Oktyabr 2019 14:15
517
SİYASƏT
A- A+

Bernama agentliyi: Soyuq müharibənin başa çatması Qoşulmama Hərəkatının əhəmiyyətini azaltmayıb



Malayziyanın aparıcı Bernama xəbər agentliyi Azərbaycanın Xarici İşlər naziri Elmar Məmmədyarovun Qoşulmama Hərəkatının dövlət və hökumət başçılarının XVIII Zirvə Görüşünün Nazirlərin Hazırlıq Toplantısında çıxışına istinadən "Soyuq müharibənin başa çatması QH-nin əhəmiyyətini azaltmayıb” başlıqlı məqalə dərc edib.

AZƏRTAC xəbər verir ki, yazıda soyuq müharibə dövründən sonra artan qlobal çağırışlar fonunda Qoşulmama Hərəkatının nüfuzunun daha da gücləndiyi qeyd olunub.

Məqalədə bildirilir ki, Qoşulmama Hərəkatı yarandığı gündən bəri sülh və təhlükəsizliyin təminatında əsas rol oynayır. BMT-dən sonra ikinci ən böyük beynəlxalq siyasi təşkilat olaraq Hərəkatın siyasi dialoq və praktiki əməkdaşlıq üçün vacib beynəlxalq platforma olduğu məqalədə öz əksini tapıb. Hələ də aktuallığını saxlayan Hərəkatın hazırkı geosiyasi vəziyyətdə qarşıda duran əsas vəzifələrinin təməl prinsiplərini təbliğ etmək və dəstəkləməklə təşkilatın rolunu artırmaq olduğu yazıda qeyd olunub.

Nazirin sözlərini sitat gətirən agentlik yazır ki, Hərəkata üzv ölkələrin əksəriyyəti inkişaf etməkdə olan ölkələr olduğundan təşkilat çərçivəsində iqtisadi əməkdaşlığın inkişaf etdirilməsi son dərəcə vacibdir. O cümlədən enerji təhlükəsizliyi, ətraf mühit, səhiyyə və əmək fəaliyyəti kimi sahələrdə əməkdaşlığın təşviqi və bu məqsədlə Qoşulmama Hərəkatına üzv dövlətlərin maraqlarının BMT çərçivəsində təşviqi böyük əhəmiyyət kəsb edir.

Məqalədə qeyd olunur ki, Azərbaycanın bu nüfuzlu təşkilata sədrliyi dövründə ən çox diqqət ediləcək prioritet sahələrdən biri də gənclərin səlahiyyətlərinin artırılması olacaqdır. Hərəkatın Zirvə Görüşü və Nazirlər Toplantısı çərçivəsində qəbul olunacaq sənədlər gənclərin dövlət idarəçiliyində iştirakının artırılması, onların sosial, təhsil və məşğulluq problemlərinin həlli, habelə Davamlı İnkişaf üzrə 2030-cu ilədək Gündəliyin hədəflərinə çatmaqda gənclərin daha fəal iştirakı kimi siyasətin müxtəlif aspektlərini əhatə edəcək. Bu sənədlərdə qarşıya qoyulan məqsədlərin həyata keçirilməsi üçün əməli tədbir olaraq Azərbaycan ilk dəfə Qoşulmama Hərəkatının Gənclər Sammitinin Bakıda keçirilməsi təşəbbüsü ilə çıxış edib. Gənclər Zirvəsi Qoşulmama Hərəkatına üzv dövlətlərdən 40 görkəmli gənci bir araya gətirəcək.

Həmçinin Azərbaycanın Şərq-Qərb, Şimal-Cənub nəqliyyat dəhlizləri kimi regional iqtisadi layihələrdə və təşəbbüslərdə fəal iştirak etdiyi, hazırda isə Cənub-Qərb nəqliyyat dəhlizi layihəsi üzərində işlədiyi qeyd olunub. Qoşulmama Hərəkatına üzv ölkələrin bir çoxunun coğrafi olaraq bu üç dəhliz boyunca yerləşməsi, Hərəkat daxilində qarşılıqlı faydaya əsaslanan əməkdaşlığın daha da inkişafına kömək edə biləcəyi yazıda öz əksini tapıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video