24 Oktyabr 2019 12:09
434
CƏMİYYƏT
A- A+

650 min ağac əkək: bu xeyirxah və nəcib təşəbbüsə İsmayıllı sakinləri də həvəslə qoşulublar


Azərbaycan Respublikasının Birinci vitse-prezidenti Mehriban Əliyevanın böyük şair İmadəddin Nəsiminin 650 illik yubileyi münasibətilə ölkəmizdə bir gündə 650 min ağacın əkilməsi ilə bağlı təşəbbüsü şairin xatirəsinin əbədiləşdirilməsi və irsinin daha geniş təbliği baxımından xüsusi önəm daşıyır. Respublikamızın bütün bölgələrində aparılacaq genişmiqyaslı yaşıllaşdırma kampaniyası həm də ətraf mühitin qorunmasına, eləcə də ekologiyanın daha da sağlamlaşdırılmasına xidmət edəcək.

Bu fikirləri AZƏRTAC-ın bölgə müxbirinə müsahibəsində İsmayıllı Rayon İcra Hakimiyyətinin sosial-iqtisadi inkişafın təhlili və proqnozlaşdırılması şöbəsinin müdir müavini Şahin Hüseynov deyib.

Bir gündə 650 min ağac əkilməsi kimi xeyirxah və nəcib təşəbbüsün İsmayıllı sakinləri tərəfindən də rəğbətlə qarşılandığını qeyd edən Ş.Hüseynov bildirib ki, təşəbbüslə əlaqədar rayon ərazisində ağac əkilməsi üçün 25 hektar torpaq sahəsi ayrılıb. Bu sahələr əsasən bələdiyyə əraziləri, yolların ətrafı, idarə və təşkilatların həyətləri, parklar və xiyabanlardır. Həmin ərazilərdə 20 min ədəd ağac, əsasən də ağcaqayın, göyrüş və qovaq tingləri əkiləcək.

Ş.Hüseynov noyabr ayında keçiriləcək əkin kampaniyasına hazırlıqla əlaqədar danışaraq deyib ki, indi ağacların əkiləcəyi ərazilərdə hazırlıq işləri aparılır. Belə ki, sahələr daşdan, kol-kosdan təmizlənir, şum və çalaların qazılması işləri görülür. Sahələrə münbit torpaq və üzvi gübrələr daşınır. Bu nəcib təşəbbüsə rayon ictimaiyyəti, habelə idarə və müəssisələrin kollektivləri böyük həvəslə qoşulublar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video