Prezident İlham Əliyevin mövqeyi xalqımızın iradəsini ifadə edir
Azərbaycanın Prezidenti cənab İlham Əliyev xarici ölkələrə səfərlərində, nüfuzlu beynəlxalq təşkilatların tədbirlərində yüksək tribunalardan müqəddəs torpaqlarımızı işğal etmiş mənfur ermənilərə və onların havadarlarına qarşı həmişə qətiyyətli mövqe tutub, cəsarətli, tutarlı cavablar verib. Dövlət başçısının oktyabrın 3-də Rusiyanın Soçi şəhərində "Valday” Beynəlxalq Diskussiya Klubunun plenar sessiyasında və oktyabrın 11-də Aşqabadda MDB Dövlət Başçıları Şurasının iclasındakı çıxışları bu baxımdan mühüm əhəmiyyət kəsb edir. Həmin çıxışlar zamanı deyilən sözlər Ermənistanda ciddi təşviş doğurmuş, onlarda şok yaşatmışdır. Azərbaycan Prezidenti Soçidə "Valday” Beynəlxalq Diskussiya Klubunun plenar sessiyasındakı çıxışı zamanı Ermənistanın baş naziri Nikol Paşinyanın Xankəndidə həyasızcasına səsləndirdiyi "Qarabağ Ermənistandır və nöqtə” bəyanatına "Qarabağ Azərbaycandır və nida işarəsi” sözləri ilə cavab verməklə ermənilərə və onların himayədarlarına sarsıdıcı zərbə vurmuşdur.
Ölkəmizdə xalqın vətənpərvərlik əhvali-ruhiyyəsi, torpaqlarımızı işğalçılardan azad etmək istəyi getdikcə güclənir. 2016-cı ilin Aprel döyüşləri bunu sübut etdi. Həmin döyüşlərdə Azərbaycan Ordusu tərəfindən düşmən əsarətində olan minlərlə hektar ərazi, strateji yüksəkliklər azad olundu. Erməni silahlı qüvvələri aldığı ağır zərbələrdən hələ də özünə gələ bilmir. Bütün bunlar Ali Baş Komandan, Prezident İlham Əliyevin rəhbərliyi altında xalqımızın torpaqlarımızı tezliklə geri qaytarmaq əzmini bir daha nümayiş etdirir.
Dövlət başçısı İlham Əliyevin Rusiya Prezidenti V.Putinlə görüşü, "Valday” klubunun iclasında iştirakı, Ermənistan-Azərbaycan Dağlıq Qarabağ münaqişəsi ilə əlaqədar mövqeyimizin dünya liderlərinə və aparıcı siyasi ekspertlərə çatdırması üçün əlverişli məkan oldu. Əgər Nikol Paşinyan öz sərsəm bəyanatını Xankəndidə separatçıların, quldurların qarşısında səsləndirmişdisə, dövlətimizin başçısı onun cavabını dünya liderləri və siyasətçilərinin gözləri qarşısında verdi.
Prezident İlham Əliyev öz tarixi çıxışında həm də torpaqlarımızın 20 faizindən çoxunun ermənilər tərəfindən işğal olunmasına, Ermənistanın işğalçılıq siyasətinin bu gün də davam etməsinə, onun beynəlxalq hüquq normalarına hörmətsizliyinə, günahsız insanların həlak olmasına, BMT Təhlükəsizlik Şurasının qəbul etdiyi dörd qətnamənin bugünə kimi yerinə yetirilməməsinə və bu zaman ikili standartların tətbiqinə ciddi etirazını bildirmişdir.
Möhtərəm Prezident Aşqabadda keçirilən MDB Dövlət Başçıları Şurasının Zirvə Görüşündə, "Valday” Beynəlxalq Diskussiya Klubunda sərgilədiyi mövqeyi qətiyyətlə davam etdirmişdir. Dövlət başçısı qeyd etdi ki, Ermənistanın faşist cəlladlarının xatirəsini əbədiləşdirmək cəhdləri yolverilməzdir. Ermənistan faşistlərə xidmət edən Qaregin Njdeyə abidə qoymaqla, adına küçə verməklə faşizm ideyalarının dirçəldilməsinə rəvac verir. Beynəlxalq birlik, dünya ölkələri buna qarşı ciddi ölçü götürməlidirlər.
Dövlət başçısı faşist Qaregin Njdeyə abidə ucaldan Ermənistanın terrorçu, işğalçı dövlət olduğunu vurğuladı. Belə ki, Ermənistan sülh istəmir, ölkəmiz isə sülh tərəfdarıdır. Əgər sülh yolu ilə mümkün olmasa, torpaqlarımızı hərbi yolla təcavüzdən azad edəcəyik.
Odur ki, xalqımız dövlət başçısının ermənilərə verdiyi layiqli cavabları alqışlayır və ürəkdən bəyənir.
Son günlər ermənilər Şuşada məşhur Yuxarı Gövhər Ağa məscidini guya "təmir” etdiklərini deyirlər. Əksinə, bu təcavüzkar rejim Azərbaycanın dünya əhəmiyyətli Yuxarı Gövhər Ağa məscidini təmir yox, digər minlərlə tarixi dini abidələrimiz kimi, bərbad bir vəziyyətə - özlərinə sərf edən istiqamətə salaraq, məscidin fasadındakı çoxsaylı daş kitabələri, yazılı abidə nümunələrini silmiş, onun minarələrində hörgüdə işlənmiş "Allah” sözlərini məhv etmişdir. Erməni faşistləri məşhur xəttat və rəssam M.Nəvvab Qarabağinin məscidin içərisində çəkdiyi şəkilləri, onun içərisindəki Quran ayələrini və həyətindəki mədrəsə binasını, Qarabağ xanlığının zadəgan nəslinə mənsub insanların, tanınmış alim və dindarların uyuduğu məscid qəbiristanlığını və Gövhər Ağanın vəqf mülkünə aid olan digər yazılı abidələri də vəhşicəsinə dağıtmış, vandalizmə məruz qoymuşlar.
Bu məsələni də dünya ictimaiyyəti və nüfuzlu beynəlxalq təşkilatların diqqətinə çatdıraraq, Azərbaycan Respublikasının Prezidenti İlham Əliyev demişdir: "Ermənistan çalışır ki, müsəlman ölkələri ilə sıx əməkdaşlıq qursun. Ancaq dünya müsəlmanları üçün müqəddəs olan məscidləri dağıdan Ermənistan müsəlman ölkələri ilə dost ola bilməz”.
Bakıda Türkdilli Dövlətlərin Əməkdaşlıq Şurasının Zirvə Görüşündə Azərbaycan Prezidenti İlham Əliyev Qarabağ məsələsinin həllində ölkəmizin ardıcıl mövqeyini bir daha açıb göstərdi, Ermənistan rəhbərliyinin təcavüzkar siyasətinə qarşı dövlətimizin götürdüyü xəttin bundan sonra da uğurla davam etdiriləcəyini əminliklə bəyan etdi.
Əlizadə NƏCƏFOV,
Ağcabədi rayon Ağsaqqallar Şurasının sədri,
tarix üzrə fəlsəfə doktoru
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
İlaxır çərşənbə
19 Mart
Dövlətçilik sisteminə milli dəyərlər kontekstindən strateji baxış
19 Mart
İqtisadi inkişafımızın yeni dayaq nöqtəsi - Qarabağ və Şərqi Zəngəzur
19 Mart
Fransanın avantüraları Ermənistanı fəlakətlərə düçar edə bilər
19 Mart
Azərbaycan-Gürcüstan münasibətləri yeni inkişaf mərhələsindədir
19 Mart
Yaxın qonşu, sınanmış dost, etibarlı tərəfdaş
19 Mart
NATO İlham Əliyevin yaratdığı reallıqları qəbul edir
19 Mart
32 illik uğurlu tərəfdaşlıq
19 Mart
Azərbaycan Qafqazda sülhü də bərqərar edəcək
19 Mart
Həqiqət və ədalət platforması
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!