Şəmkirli gənclər Prezident İlham Əliyevi dəstəkləyirlər
Şəmkirdəki Heydər Əliyev Mərkəzinin qarşısında böyük izdiham yaşanmışdır. Əllərində üçrəngli Azərbaycan bayrağı tutmuş gənclər, eləcə də şəhər məktəbliləri Azərbaycanın Dövlət Müstəqilliyinin 28-ci ildönümü və İlham Əliyevin Soçidə keçirilən "Valday” Beynəlxalq Diskussiya Klubunun illik iclasının plenar sessiyasındakı çıxışını dəstəkləmək məqsədilə yürüşə çıxmışdılar.
Üzlərindən sevinc və fərəh oxunan tədbir iştirakçıları Gənclər Mərkəzinədək yürüş etdilər. Meydanda quraşdırılmış monitorda müasir Azərbaycan Respublikasının memarı və qurucusu Heydər Əliyevin ikinci dəfə müstəqilliyə qovuşmuş respublikamız haqqında fikirləri, eləcə də Dövlət himni səsləndirilmişdir. Ətrafa yayılan musiqi sədaları gənclərdə xoş ovqat yaratmışdır. Çıxış edənlər müstəqil respublikamızın keçirdiyi çətin günlərdən, Ulu Öndər Heydər Əliyevin müdrik siyasəti nəticəsində qazandığı uğurlardan danışmışlar. Qeyd edilmişdir ki, dünya şöhrətli lider Heydər Əliyev qısa zamanda ölkəmizi dünyada tanıtmış, onu sürətlə inkişaf etdirərək xalqımızı ağ günlərə çıxarmışdır. Ümummilli Lider özündən sonra Azərbaycanı özü qədər inandığı Prezident İlham Əliyevə həvalə etmişdir. Heydər Əliyev kimi Prezident İlham Əliyev də xalqına arxalanaraq ölkəmizi dünyada görünməyən inkişaf yoluna çıxarmışdır. Dövlət başçısı Dağlıq Qarabağ probleminin həll olunması istiqamətində gərgin əmək sərf edir. Mötəbər yığıncaqlarda erməni yalanlarını ifşa etməklə Azərbaycan həqiqətlərini dünyaya çatdırır. Elə Rusiyanın Soçi şəhərində keçirilən "Valday” Beynəlxalq Diskussiya Klubunun illik iclasının plenar sessiyasındakı çıxışı buna misaldır. Azərbaycan Prezidenti bu çıxışı ilə Ermənistana növbəti dəfə vurduğu siyasi-diplomatik zərbə tarixə düşdü. Bu çıxışı ilə Prezident İlham Əliyevin Dağlıq Qarabağla bağlı qətiyyətli mövqeyi Nikol Paşinyana, bütünlükdə erməni ictimaiyyətinə, həmçinin Ermənistanın havadarlarına olduqca layiqli cavab oldu.
Sonra incəsənət ustaları ölkəmizin uğurlarına həsr olunmuş mahnılar səsləndirmiş, gənclər müstəqil Azərbaycana həsr edilmiş şeirlər söyləmişlər.
Rəsmi hissədən sonra gənclər musiqi sədaları altında rəqs etmiş, müxtəlif tədbirlər həyata keçirmişlər.
Sabir ƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
40 yaşında görünürəm - Bayden
29 Mart
“Apple” unikal cihazı üzərində çalışır
29 Mart
Türkiyə ilə ABŞ arasında müzakirə olacaq - MÖVZU
29 Mart
Kainat sirlərini açacaq texnoloji yenilik
29 Mart
“Opel Astra”nın hibrid variantı təqdim olunub
29 Mart
Harvard Universiteti qədim kitabın cildindən insan dərisini çıxarıb
29 Mart
XƏBƏRDARLIQ: Hava şəraiti dəyişəcək, külək, yağış, qar, daşqın və sel gözlənilir
29 Mart
Rəcəb Tayyib Ərdoğan may ayında Vaşinqtona səfər edəcək
29 Mart
Energetika naziri Qazaxda vətəndaşlarla görüşüb
29 Mart
Türkiyədə bələdiyyə seçkilərinə hazırlıq başa çatıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!