17 Oktyabr 2019 19:54
1068
İDMAN
A- A+

Hərbçilərin 7-ci Dünya Oyunlarına son hazırlıq işləri başa çatıb


Beynəlxalq Hərbi İdman Şurasının (CISM) təşkilatçılığı ilə oktyabrın 18-də Çinin Uxan şəhərində start götürəcək Hərbçilərin 7-ci Dünya Oyunlarına son hazırlıq işləri başa çatıb.

AZƏRTAC xəbər verir ki, Oyunların təşkilat komitəsinin sədri Yan Cien yarışlarda şuranın üzvü olan 109 ölkədən 9300 hərbçinin idmanın 27 növü üzrə mübarizə aparacağını deyib. Hərbçilərin 7-ci Dünya Oyunları iştirakçıların və yarış növlərinin sayına görə indiyədək keçirilmiş ən böyük Oyunlar kimi tarixə düşəcək.

Uxan şəhərindəki 35 məkanda 10 gün davam edəcək beynəlxalq idman tədbiri bir çox yeniliklərlə də rekord olacaq. İlk dəfədir ki, bu Oyunlar yalnız bir şəhərdəki idman qurğularında təşkil ediləcək. Bundan başqa, ilk dəfə olaraq yarışlar hərbi kazarmalardan kənarda keçiriləcək.

Oyunların təşkili üçün iki il davam etmiş hazırlıq prosesi uğurla başa çatıb. Yarışlarda iştirak edəcək hərbçilərin böyük hissəsi artıq Atletlər kəndində yerləşib. Bundan başqa, açılış mərasiminin son məşqi də baş tutub.

Qeyd edək ki, Azərbaycanı Mərkəzi Ordu İdman Klubunun (MOİK) güləşin sərbəst və yunan-Roma, eləcə də cüdo, boks və atıcılıq idman növləri üzrə komandaları təmsil edəcək. Yarışlara qatılan komandamızın tərkibində dünya və Avropa çempionları, eləcə də Olimpiya Oyunlarının, respublika birinciliklərinin qalibi olan idmançılar üstünlük təşkil edirlər. Komandamızın tərkibində beynəlxalq dərəcəli hakimlər Faiq Kərimov, Anar Babanlı, Valeh Məhərrəmov, Elman İsmayılov da Uxan şəhərinə yola düşəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video