16 Oktyabr 2019 16:22
523
CƏMİYYƏT
A- A+

Azərbaycanda demokratik seçkilərin keçirilməsi təcrübəsi ildən-ilə təkmilləşdirilir


Mərkəzi Seçki Komissiyasının təşkil etdiyi seçki hüququ üzrə ixtisaslaşdırılmış kurslar 13 saylı Xəzər–Pirallahı və 14 saylı Xəzər seçki dairələri dairə seçki komissiyalarının üzvləri və məntəqə seçki komissiyalarının sədrləri üçün də keçirilir.

AZƏRTAC xəbər verir ki, oktyabrın 16-da keçirilən kursda Pirallahı Rayon Polis Şöbəsinin rəis müavini Elman Kazımov çıxış edərək hər bir dövlətin demokratik seçkilərin keçirilməsi üçün öhdəlik daşıdığını deyib. Şəffaf seçkilərin keçirilməsi üçün həmin dövlət güclü hüquqi bazaya malik olmalıdır. Azərbaycanın bu prosesə tam hazır olduğunu deyən şöbə rəisinin müavini dövlətimizin mükəmməl Konstitusiyaya və qanunvericiliyə malik olduğunu vurğulayıb. O qeyd edib ki, seçkilərin tam demokratik və şəffaf keçirilməsi üçün məntəqələrin əksəriyyətində veb-kameralar quraşdırılıb.

Xəzər Rayon Polis İdarəsinin rəisi müavini Famil Vəliyev qeyd edib ki, polisin əsas vəzifələrindən biri ölkədə mövcud olan sabitliyi qoruyub saxlamaqdır. Daxili İşlər Nazirliyi seçki prosesinə hər hansı müdaxilənin baş verməməsi, təhlükəsizliyin tam təmin olunması istiqamətində seçki komissiyaları ilə qarşılıqlı əlaqəli şəkildə fəaliyyət göstərəcək.

Dairə seçki komissiyalarının sədrləri Mütəllim Balaqardaşov və İmran Qəmbərov çıxış edərək kursların əhəmiyyətini vurğulayıblar. Qeyd edilib ki, respublikamızda demokratik seçkilərin keçirilməsi üçün zəruri ictimai-siyasi sabitlik, beynəlxalq təcrübəyə söykənən mütərəqqi hüquqi baza var. Ölkəmizdə demokratik seçkilərin keçirilməsi təcrübəsi ildən-ilə təkmilləşdirilir. Qarşıdan gələn seçkilər də tam azad, şəffaf və demokratik şəraitdə keçiriləcək.

Qeyd edək ki, 13 saylı Xəzər–Pirallahı seçki dairəsi üzrə 37 seçki məntəqəsi təşkil olunub. Onların 10-də veb-kameralar quraşdırılıb. 44 min 967 nəfərin adı seçici siyahısında qeydə alınıb.

On dörd saylı Xəzər seçki dairəsi üzrə isə 37 seçki məntəqəsi təşkil olunub. Bu məntəqələrin də 10-da veb-kameralar quraşdırılıb. 48 min 425 nəfər seçicinin adı siyahıya salınıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video