Alternative content

12:59 19 Noyabr 2019
ONLINE XƏBƏR LENTİ
00:31 19.11.2019 Bir əsrin xəzinəsi
Azərbaycan turizm məkanıdır - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Dağların ilk təbib oğlu
Dağların ilk təbib oğlu
ANA SƏHİFƏ / Mədəniyyət
01:30 15.10.2019


Lerikin Xəlifəkənd kəndi Qızyurdu zirvəsinin ətəyindədir. Çox da böyük olmayan bu obanın füsunkar təbiəti var. Üç tərəfi qayalardır, ayağından kiçik çay axır. Kənd abidələri ilə də tanınır. Daş heykəllər, qutu qəbirlər, pirlər kəndin qədimliyindən xəbər verir. Ötən əsrin əllinci illərində sovet rejiminin repressiyasına məruz qalan əhalisi arana, cənub bölgəsinə səpələnir. Bir neçə il keçəndən sonra 15-20 ilə yurd yerinə dönür. Kimi əkinçiliklə, kimi heyvandarlıqla, kimi də ata-baba sənəti olan dəmirçiliklə məşğul olur. Onların arasında Molla Rəzzak da var idi.

Ağsaqqal Rəzzak kişinin birinci övladı Balağa Bağırov Lənkəran şəhərində təhsil alır. Orta məktəbi qızıl medalla bitirib Azərbaycan Tibb İnstitutuna daxil olur. Təhsil illərində fəal tələbə kimi diqqəti çəkir. Məşhur cərrah Mustafa Topçubaşovun yanında birillik kurs keçir, böyük alimdən xeyir-dua alır.

1952-ci ildə institutu fərqlənmə diplomu ilə bitirən Balağa Bağırovun təyinatı Səhiyyə Nazirliyi tərəfindən Lənkəran rayonuna verilir. O, bu təyinatı ilə razılaşmır, Lerikə göndərilməsini xahiş edir. Müraciəti nəzərə alınır. Doğulduğu diyara gəlib ilk təbib kimi rayon xəstəxanasının şöbə müdiri təyin olunur. Əmək fəaliyyətinin ilk aylarından kəndləri bir-bir gəzir, malyariyadan, traxomadan, qızılcadan əziyyət çəkən xəstələri müalicəyə cəlb edir. Gənc həkim hər ailədə hörmətlə qarşılanır, adamlar dərdlərini ona deməkdən çəkinmirlər.

1954-cü ilin mart ayında rayon rəhbərliyi Balağa Bağırova etimad göstərir, səhiyyə şöbəsinə rəhbərlik etmək barədə nazirliyə təqdimat göndərir. Təqdimat nəzərə alınır. Şöbəyə yeni təyin olunmuş lerikli müdir tibb müəssisələrində vəziyyətlə tanış olur, işçilərə əhaliyə vicdanla xidmət etməyi tapşırır.

Balağa Bağırov bir neçə kənddə xəstəxana, feldşer-mama məntəqələrinin açılması barədə nazirlik qarşısında məsələ qaldırır və həllinə nail olur. Qosmalian, Peştətük, Veri, Kirəvud kəndlərində xəstəxana, Livədirqə, Monidigah, Pirəsora, Conu kəndlərində feldşer-mama məntəqələri açılır. Kadr çatışmazlığını aradan qaldırmaqdan ötrü təkliflər verir. Tibb İnstitutuna və tibb məktəblərinə lerikli gənclər müsabiqədənkənar qəbul olunur. Onlar təhsili başa vurduqdan sonra kəndlərə dönüb işlə təmin olunurlar.

1964-cü ildə Balağa Bağırov Elmi-Tədqiqat Travmatologiya və Ortopediya İnstitutunun aspiranturasına qəbul olunur. Namizədlik dissertasiyasını müvəffəqiyyətlə müdafiə edir. O, bu institutda klinika müdiri, direktor vəzifələrində çalışır. 1991-ci ildən ömrünün sonuna kimi baş həkimin müalicə üzrə müavini işləyir. Uzun illər səmərəli fəaliyyətinə görə orden və medallarla təltif olunur. 1986-cı ildə "Əməkdar həkim” fəxri adına layiq görülür.

Dağların təbib oğlu həm də şair-publisist idi. Qələmindən dörd kitab işıq üzü görüb. "Hər kəs yüz il yaşamasa...” kitabı Lerik uzunömürlülərinə həsr edilib.

Balağa həkim Allah adamı idi. Ahıl çağında həcc ziyarətində olmuşdu. Beş övlad atası, 13 nəvə babası 2012-ci il martın 26-da 83 yaşında dünyasını dəyişib.

Bu günlərdə Lerik rayonunun ictimaiyyəti bu diyarın ilk təbibi, tibb elmləri namizədi, Əməkdar həkim Balağa Bağırovun 90 illik yubileyini qeyd etmişdir. Ağsaqqallar, ziyalılar, elm və incəsənət adamları onun vaxtilə çalışdığı xəstəxanada xatirə lövhəsinin açılışından sonra mədəniyyət sarayına toplaşmışdılar. Tədbirdə çıxış edən mərkəzi xəstəxananın baş həkimi Mübariz Ağayev, Milli Məclisin deputatları Hüseynbala Mirələmov və Aqil Abbas, professorlar Anar İsgəndərzadə, İslam Qəribli, Əli Davudov, ağsaqqal Eldar Cəfərov, şair Ağacəfər Həsənli, kinodramaturq Eldar İsgəndərzadə, mərhumun oğlu Əlimuxtar Bağırov Balağa Bağırovun keçdiyi şərəfli ömür yolundan söhbət açmış, xatirələrini söyləmişlər.

Lerik Rayon İcra Hakimiyyətinin başçısı Rövşən Bağırov dövlət başçısı İlham Əliyevin elm, mədəniyyət və incəsənət adamlarına göstərdiyi diqqətdən, dünyasını dəyişən ziyalıların xatirəsinin yad edilməsindən danışmışdır.

Həmzə VƏLİMƏMMƏDOV,

Əməkdar jurnalist



NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM