15 Oktyabr 2019 01:29
2360
İDMAN
A- A+

Veteran güləşçilərimizin növbəti uğuru


Gürcüstanın paytaxtı Tbilisidə veteranlar arasında yunan-Roma güləşi üzrə XXI dünya çempionatı başa çatmışdır. 73 ölkənin idmançılarının iştirak etdiyi yarışda Azərbaycanı müxtəlif yaş qruplarında 6 güləşçi təmsil etmişdir. Onlardan üçü - Məmməd Əliyev (78 kq), Rövşən İsmayılxanlı (130 kq) və Musa Mirzəyev (130 kq) vətənə medalla qayıtmışdır.

Komandanın məşqçisi, Əməkdar bədən tərbiyəsi və idman işçisi, veteranlar arasında dünya çempionatlarının yeddiqat mükafatçısı Əlisahab Əlabbasovun dediyinə görə, hər il olduğu kimi, bu dəfə də güləşçilərimiz uğurla çıxış edərək müxtəlif əyarlı medallar qazanmışlar. 78 kiloqram çəki dərəcəsində mübarizə aparan Məmməd Əliyev yalnız finalda səkkizqat dünya çempionu C.Samuelsona məğlub olaraq gümüş medala sahib çıxmışdır. Bundan əvvəl isə o, rusiyalı V.Dodokov, finlandiyalı J.Siryaenen və moldovalı S.Coyuhari ilə qarşılaşmada çox inamlı təsir bağışlamış və rəqiblərə bir xal belə verməmişdi. Final görüşündə isə hakim ədalətli olsaydı, Məmməd Əliyev öz çəki dərəcəsində qızıl medal alacaqdı...

SOCAR-ın əməkdaşı Məmməd Əliyev uşaq yaşlarından "Dinamo” Cəmiyyətində güləşlə məşğul olmağa başlamışdır. Dəfələrlə Azərbaycan çempionu adını qazanmış güləşçi sonralar veteranlar arasında yarışlara qatılmış və nizam-intizamı, yüksək əzmkarlığı sayəsində növbəti dəfə dünya çempionatının mükafatçısı olmuşdur. O, 2015-ci ildə Yunanıstanın paytaxtı Afinada dünya çempionatının bürünc medalını qazanmışdı.

Qazandığı uğurlarda məşqçi Əlisahab Əlabbasovun əməyini qeyd edən Məmməd Əliyevin arzusu növbəti dünya çempionatını qalib kimi başa vurmaqdır.

Daha bir gümüş medalı isə komandamızın aktivinə Musa Mirzəyev yazdırmışdır. Digər tanınmış güləşçimiz - dünya çempionatlarının beşqat mükafatçısı Rövşən İsmayılxanlı Gürcüstan paytaxtında yüksək texnika və əzmkarlıq nümayiş etdirərək bürünc medala yiyələnmişdir.

Rizvan CƏFƏROV,

Ağaəli MƏMMƏDOV (foto),

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video