jpg-1713653616.jpg)
Azərbaycanın da mükafat aldığı "Pekin EKSPO 2019" botanika sərgisinin bağlanış mərasimi keçirilib
Çinin paytaxtında "Təbiəti qoruyaq, daha yaxşı yaşayaq" mövzusunda keçirilmiş beynəlxalq botanika sərgisi başa çatıb.
AZƏRTAC xəbər verir ki, aprelin 29-da işə başlayan, ümumilikdə 110 dövlətin və beynəlxalq təşkilatın iştirak etdiyi "Pekin EKSPO 2019” beynəlxalq botanika sərgisi müxtəlif ölkələrin bağçılıq, gülçülük, meyvə və tərəvəz yetişdirilməsi sahələrində nailiyyətlərini, habelə milli mədəniyyətlərini nümayiş etdirmək məqsədi daşıyıb. Ümumi sahəsi 503 hektar olan sərgini 162 gün ərzində 9,34 milyon nəfər ziyarət edib. "Pekin EKSPO 2019" sahəsi böyüklüyünə, iştirakçıların və ziyarətçilərin sayına görə indiyədək keçirilmiş ən böyük botanika sərgisi kimi tarixə düşüb.
Ölkəmiz Pekin beynəlxalq botanika sərgisinin fəal iştirakçısı olub. "Azərbaycan: təbiət və incəsənətin harmoniyası" adlı milli pavilyonun ümumi konsepsiyası ölkəmizin öz tarixinə və ənənələrinə sadiq qalaraq daim inkişafda olduğunu nümayiş etdirib. Pavilyonun spiralvarı forması Azərbaycanın davamlı, sabit inkişafını və dinamikliyini, eksteryerdə qoyulan nar ağacı isə ölkənin məhsuldar gələcəyini xarakterizə edib. Pavilyonun interyer dizaynı ölkəmizin adət-ənənələrini nümayiş etdirib. Azərbaycan xalçalarının timsalında incəsənət və təbiətin yaxın əlaqəsi diqqətə çatdırılıb, ətraf mühitin qorunmasının vacibliyi vurğulanıb. Sərgi ziyarətçiləri Azərbaycan pavilyonunda milli musiqi alətlərimizlə tanış olub, videomateriallar vasitəsilə Azərbaycan musiqisini dinləmək və milli rəqslərimizə baxmaq imkanı əldə ediblər. Burada, həmçinin Azərbaycan milli geyimləri, Xarıbülbül gülünü rəqəmsal formatda əks etdirən eksponat nümayiş etdirilib.
Sərgidə, həmçinin böyük İpək Yolunu və Azərbaycanın bu yolun bərpası məqsədilə Çin hökumətinin "Bir kəmər, bir yol" təşəbbüsünü dəstəkləyən layihələrini əks etdirən foto-video materiallar və məlumatlar təqdim edilib.
Milli pavilyonumuzdakı xalçalarda istifadə olunan rənglər əsasında hazırlanan landşaft dizaynı, Azərbaycan təbiətinə xas olan 120 ağac və gül kolları, böyük ölçülü fotostendlər maraqla qarşılanıb.
Təşkilat komitəsinin qərarına əsasən, Azərbaycan milli pavilyonu eksteryer-interyer konsepsiyası və dizaynına görə "Pekin EKSPO 2019” sərgisinin "Xüsusi mükafat”ına (ikinci yer) layiq görülüb. Azərbaycanla yanaşı, bu mükafatı Türkiyə, Belçika, Sinqapur, Niderland və Birləşmiş Ərəb Əmirlikləri da alıb.
Oktyabrın 9-da sərginin rəsmi bağlanış mərasimi keçirilib. Azərbaycan da daxil olmaqla məhdud sayda ölkə fəxri qonaq qismində mərasimdə iştirak edib.
Baş Nazirin müavini Hacıbala Abutalıbov mərasimdən əvvəl Azərbaycan pavilyonun ziyarət edib, sərginin fəxri qonaqlar kitabına təbriklərini yazıb.
Bağlanış mərasimində Çin Dövlət Şurasının Sədri (Baş Nazir) Li Keçyan çıxış edərək sərgidə iştirak etmiş ölkələrə minnətdarlığını bildirib. Bildirib ki, aprelin 29-da işə başlayan sərgi çərçivəsində ümumilikdə 3284 tədbir, o cümlədən ölkələrin milli günləri, mədəni proqramlar, festivallar keçirilib. Sərginin keçirildiyi ərazinin bundan sonra ekoloji park kimi istifadə olunmasına qərar verilib.
Beynəlxalq Sərgilər Bürosunun Baş katibi Visente Lossertales təşkilatın bayrağını növbəti beynəlxalq botanika sərgisinə ev sahibliyi edəcək Qətər tərəfinə təqdim edib. Mərasim konsert proqramı ilə başa çatıb.
Xatırladaq ki, Azərbaycan sərgidə Heydər Əliyev Mərkəzinin və Ekologiya və Təbii Sərvətlər Nazirliyinin dəstəyi ilə təmsil olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gözəlliyi rənglərə köçürən rəssam
09:00
25 Aprel
25 Aprel
Şuşa xanəndəlik məktəbinin nümayəndələrindən biri - Seyid Şuşinski
08:55
25 Aprel
25 Aprel
Mədəniyyət beşiyi
08:50
25 Aprel
25 Aprel
COP29 Azərbaycan üçün böyük fürsətdir
08:45
25 Aprel
25 Aprel
COP29 ərəfəsində "yaşıl külək"
08:40
25 Aprel
25 Aprel
"Türkiyə-Azərbaycan birliyi regional təhlükəsizliyin və sabitliyin mühüm meyarıdır"
08:35
25 Aprel
25 Aprel
Azərbaycan-Çin əlaqələri dostluğa və qarşılıqlı maraqlara söykənir
08:30
25 Aprel
25 Aprel
Sahibkarlar iqtisadi inkişafın aparıcı qüvvəsidir
08:25
25 Aprel
25 Aprel
"Delimitasiya Hayastanın xilası olacaq"
08:20
25 Aprel
25 Aprel
Sahibkarlığın bugünkü inkişafı düşünülmüş dövlət siyasətinin nəticəsidir
08:15
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
