Fikrət Qoca
Mənim şirin balalarım,
Can verirəm, bal alıram.
Adınızı hər çəkəndə
Ağzım dolu bal oluram.
Hər yerdə ağa tək gəzib
Mən sizə hambal oluram.
Sizdən giley-güzar olsa
Kar olmuram, lal oluram...
Eldə hörmət qazansanız
Şişib Rüstəmzal olaram.
Qocalığı sizə verib
Xatirə, xəyal olaram,
Adıma Rəhmət gətirin,
Mən sizə halal olaram.
Fikrət Qoca getdi demə,
Məni yada sal! Olaram!
04.10.2019