15:17 18 Yanvar 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Xorvatiya üçün vacib strateji tərəfdaşdır
ANA SƏHİFƏ / PARLAMENT
13:53 09.09.2019
Sentyabrın 9-da Milli Məclisdə Xorvatiya-Azərbaycan parlamentlərarası dostluq qrupunun üzvləri ilə görüş keçirilib.

AZƏRTAC xəbər verir ki, görüşdə Milli Məclisin Azərbaycan-Xorvatiya parlamentlərarası əlaqələr üzrə işçi qrupunun rəhbəri, deputat Yaqub Mahmudov ölkələrimiz arasında mövcud olan dostluq münasibətlərindən danışıb, müxtəlif sahələrdə əlaqələrin inkişaf etdiyini deyib.

Ermənistan-Azərbaycan Dağlıq Qarabağ münaqişəsindən söz açan Yaqub Mahmudov deyib ki, münaqişə beynəlxalq hüququn norma və prinsipləri əsasında, ölkəmizin ərazi bütövlüyü çərçivəsində həll olunmalıdır.

Xorvatiya-Azərbaycan parlamentlərarası dostluq qrupunun rəhbəri xanım Lyubitsa Maksimçuk ölkələrimiz arasında əlaqələrin yüksələn xətt üzrə inkişaf etdiyini bildirib. O, ölkələrimiz arasındakı münasibətlərin inkişafında dövlət başçılarının qarşılıqlı səfərlərinin mühüm rol oynadığını diqqətə çatdırıb. "İnanırıq ki, bizim bu səfərimiz parlamentlərarası əlaqələrin daha da dərinləşməsinə təkan verəcək. Azərbaycan Xorvatiya üçün vacib strateji tərəfdaşdır. 2013-cü ilin martında ölkələrimiz arasında "Strateji tərəfdaşlıq və dostluq münasibətləri haqqında” Zaqreb Bəyannaməsi imzalanıb. Bu sənəd dövlət qurumları arasında əlaqələrin inkişafına, biznes sahəsində münasibətlərin genişlənməsinə imkan yaradır.

Görüşdə qarşılıqlı maraq doğuran digər məsələlər barədə fikir mübadiləsi aparılıb.


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM