05 Sentyabr 2019 11:48
981
Elm və texnika
A- A+

UNEC-in Nizamnaməsi və “UNEC-100” İnkişaf Strategiyası kollektivə təqdim olundu

UNEC-in Nizamnaməsi və "UNEC-100” İnkişaf Strategiyasından irəli gələn məsələlərin həlli məqsədilə fakültələrdə görüşlərə start verilib.
Maliyyə və mühasibat fakültəsinin professor-müəllim heyəti ilə keçirilən görüşdə UNEC-in inzibati və təşkilatı məsələlər üzrə prorektoru, dosent Şaiq Əsgərov yeni tədris ilinin başlanması münasibətilə tədbir iştirakçılarını təbrik edərək, işlərində uğurlar arzulayıb.

Prorektor Şaiq Əsgərov "Publik hüquqi şəxslər haqqında” Qanuna uyğun olaraq, Azərbaycan Respublikası Prezidentinin 2016-cı il 3 fevral tarixli Fərmanın icrasını təmin etmək məqsədilə Azərbaycan Respublikasının Nazirlər Kabinetinin müvafiq qərar qəbul etdiyini və 22 avqust 2019-cu ildə "Azərbaycan Dövlət İqtisad Universitetinin (UNEC) Nizamnaməsi”nin təsdiqləndiyini bildirib. Sənədə görə, UNEC-in "Təhsil haqqında” Qanuna uyğun olaraq, müvafiq səviyyələr üzrə ali təhsil, habelə orta ixtisas və əlavə təhsil proqramlarını həyata keçirən, "Elm haqqında” Qanuna əsasən fundamental, nəzəri-metodoloji, pedaqoji-metodiki və tətbiqi elmi tədqiqatlar aparan publik hüquqi şəxs olduğunu diqqətə çatdırıb. Nizamnaməyə görə, UNEC-in idarə olunmasında dəyişikliklərin əks olunduğunu deyən Ş.Əsgərov universitetin ali idarəetmə orqanının Elmi Şura, strateji inkişaf məsələləri üzrə idarəetmə orqanının isə ictimai əsaslarla fəaliyyət göstərən Himayəçilər Şurası olduğunu bildirib.
Tədbirdə Nizamnamədə əks olunan ümumi müddəalar, UNEC-in fəaliyyətinin məqsəd və istiqamətləri, vəzifə və hüquqları barədə professor-müəllim heyətinə ətraflı məlumat verilib, nizamnamədən irəli gələn məsələlərin yerinə yetirilməsi ilə bağlı kollektiv qarşısında duran vəzifələrdən söz açılıb.

UNEC rektorunun müşaviri, dosent Elşən Bağırzadə "UNEC-100” İnkişaf Strategiyası (2019-2030)” barədə təqdimatla çıxış edib. UNEC-in Elmi Şurası tərəfindən qəbul edilən İnkişaf Strategiyasında həm ölkə ali təhsil sistemindəki, həm də dünya ali təhsil bazarındakı tendensiya və islahatların nəzərə alındığını bildirib. E.Bağırzadə UNEC-in missiyası, gələcəyə baxışı və əsas dəyərlərinin yer aldığı strategiyada universitetin SWOT təhlilinin aparıldığını və 2030-cu ilə qədər reallaşdırılması nəzərdə tutulan 7 strateji məqsəd və 31 strateji hədəfin müəyyən olunduğunu qeyd edib. Strategiyada qeyd olunan hədəf və məqsədlərin həyata keçirilməsi üçün konkret fəaliyyət istiqamətlərinin təsbit edildiyini diqqətə çatdıran rektorun müşaviri, strategiyanın uğurlu icrası üçün professor-müəllim heyətinin fəaliyyətinin müəyyən olunan hədəflər istiqamətində qurulmasının vacibliyini vurğulayıb.

Tədbirdə UNEC-in elmi-tədqiqat sahəsində yüksək nəticələr əldə etdiyi və bir çox parametrlərə görə ölkədə bu istiqamətdə lider universitet olduğu açıqlanıb. "UNEC-100” İnkişaf Strategiyası”na uyğun görülən tədbirlər nəticəsində UNEC-in 90 yaşında dünyanın ən yaxşı 1000, 100 yaşında isə ən yaxşı 500 universitetindən birinə çevrilməsinin hədəfləndiyi bildirilib.
Sonda professor-müəllim heyətinin "UNEC-100” İnkişaf Strategiyası (2019-2030)” və Nizamnaməsi barədə suallarını cavablandırılıb və təklifləri dinlənilib.


Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video