N.Paşinyan iqtidarına qarşı etirazlar səngimək bilmir
Daxili və xarici siyasətdə qeydə alınan uğursuzluqlar hakimiyyət üçün yeni problemlərin yaranmasına səbəb olur
Ermənistanda sosial-iqtisadi, ictimai-siyasi müstəvidə vəziyyətin getdikcə ağırlaşması müşahidə olunur. Belə görünür ki, həm əhalinin maddi rifah halının pisləşməsi, həm də daxili və xarici siyasətdə qeydə alınan uğursuzluqlar qarşıdakı günlər ərzində hakimiyyət üçün yeni problemlərin yaranmasına gətirib çıxaracaq. Bunlarla yanaşı, ölkədə etiraz aksiyaları da səngimir.
Aksiyaların hədəfi müxtəlifdir. Bəziləri əvvəlki kütləvi etirazlar zamanı irəli sürdükləri tələb və problemlərini baş nazirin yadına salır, yeni hökumətin əvvəlkindən heç bir fərqinin olmadığını açıq şəkildə bəyan edirlər.
Bu günlərdə Ermənistanın əsas turizm bölgəsi hesab edilən Cermukda sakinlər ərazidəki dağ-mədən şirkətinin fəaliyyətini dayandırmasını tələb edərək etiraz aksiyaları keçiriblər. Onlar şəhərin əsas giriş hissəsini bağlayıblar. Qeyd edilir ki, Cermukun dağ-mədən sahələrində fəaliyyət göstərən xarici şirkətlər şəhəri iflic vəziyyətə salıblar. Şirkət ərazidə fəaliyyət göstərəndən sonra təbiət məhv olmağa başlayıb. Narazı kütlə, eyni zamanda, Cermuk məsələsinə görə Ermənistan parlamenti qarşısında saxlanılan aksiya iştirakçılarının azadlığa buraxılmasını tələb edib.
Yerevanda da etiraz aksiyaları davam etməkdədir. Paşinyan iqtidarına etiraz edənlər Ermənistanda fəaliyyət göstərən diplomatik nümayəndəliklərin qarşısında aksiya keçirməyə başlayıblar. Etirazçılar Almaniya, Fransa və İtaliya səfirliklərinin qarşısında aksiya keçiriblər. Aksiya iştirakçıları bildiriblər ki, əhali artıq Paşinyana və komandasına inanmır, çünki onlar xalqa verdikləri vədə əməl etmədilər. Qeyd edilib ki, Ermənistan hazırda ən ağır günlərini yaşayır. Ölkədə məmur özbaşınalığı, rüşvətxorluq və işsizlik tüğyan edir. Orduda komandirlərə qarşı işgəncə halları artıb. Vətəndaşlar məhkəmə sistemindən və polis zorakılığından cana gəliblər. Sakinlər qeyd ediblər ki, Avropa ölkələri Paşinyanın seçiciləri ilə necə davrandığının şahidi olsunlar. Bu səbəbdən Ermənistanda yeni baş nazirə ehtiyac var.
Ölkəni bürüyən etirazlar onu göstərir ki, Ermənistanda məlum hakimiyyət dəyişikliyindən sonra hansısa inkişafın olacağına dair ümidlər artıq tam tükənib. Ölkədə əvvəlki kimi aclıq, səfalət, yoxsulluq hökm sürür. Digər tərəfdən, yeni hakimiyyətin yanlış siyasəti Ermənistanın təcridinin daha da dərinləşməsinə rəvac verir. Bütün bunların fonunda müşahidə olunan əsas məqam Ermənistan daxilində ziddiyyətlərin dərinləşməsidir.
Sosial-iqtisadi müstəvidə böyük tənəzzül yaşayan Ermənistanda xarici siyasət sferasında da böhran müşahidə olunur. Azərbaycanın uğurla həyata keçirdiyi xarici siyasət Ermənistanı dalana dirəyir. Əldə etdiyi nailiyyətlərdən məharətlə istifadə edən Azərbaycan bu gün işğalçı Ermənistana həm diplomatiya müstəvisində böyük zərbələr vurur, həm də bu ölkəni təcrid vəziyyətinə salmaqla onun sosial-iqtisadi çöküşünü sürətləndirir. Aydındır ki, Ermənistan işğal siyasətinə son qoymayana qədər bu vəziyyətdə qalmağa, daha böyük problemlərlə üzləşməyə davam edəcək.
Ermənistanın "Qolos Armenii” saytı yazır ki, ölkədə populizm asan bir yol olduğu halda başqa bir yol axtarmağa nə ehtiyac var? Xalqı aldatmaq üçün ibtidai mexanizm işləyəndə niyə başqa yollar axtarılmalıdır? Bu cür düşüncə növü Ermənistanda son zamanlar üstünlük təşkil etməkdədir. Saytın yazdığına görə, cəmiyyət artıq Paşinyan hökumətinin səriştəsizliyindən, onların parlamentdəki çoxluğundan bezib.
Erməni xalqı hərəkət və hərəkətsizliyi ilə dövlətin təhlükəsizliyini təhdid etdiyini belə anlamayan Nikol komandasının cəhalətindən bezib: "Bu gün biz Ermənistanda ağır proseslərin aktiv mərhələsinin şahidi oluruq. Belə görünür ki, artıq Nikolun "küməsi” yatmaqdadır. Payız aylarına kimi Paşinyanın ətrafının onu tərk edəcəyinə heç bir şübhə yeri yoxdur. Çünki bu gün baş nazirin rəhbərlik etdiyi "Vətəndaş müqaviləsi” partiyasına qoşulmaq üçün müraciətlərin sayı kəskin şəkildə azalıb. Nikol Paşinyanın müvəqqəti fiqur olduğunu təkcə yerli ermənilər deyil, həm də Ermənistanın hüdudlarından kənarda da başa düşməyə başlayıblar”.
Beləliklə, digər sahələrdə də genişlənən aksiyalar Ermənistanda vəziyyəti daha da ağırlaşdırır. Bütün bunlar qarşıda işğalçı ölkəni həqiqətən çətin bir dövr gözlədiyini tam təsdiq edir.
Elçin CƏFƏROV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyədə fəlakət zonasındakı sakinlər hər ay 15 min evlə təmin ediləcək
19 Mart
Ölkənin əksər bölgələrinə yağış, dağlıq rayonlara qar yağıb
19 Mart
Azərbaycan nefti bahalaşıb
19 Mart
Sabahdan Azərbaycanda 7 günlük Novruz tətili başlayır
19 Mart
Mövcud hava şəraiti ilə bağlı sürücülərə müraciət edilib
19 Mart
Braziliyada hiss edilən temperatur 62 dərəcə Selsini keçib
19 Mart
Ümumdünya Buxara Yəhudiləri Konqresinin nümayəndə heyəti Qırmızı qəsəbəyə səfər edib...
19 Mart
Türkiyə və Rusiya prezidentləri arasında telefon danışığı olub
19 Mart
Türkiyə Prezidenti: Bu yay İraq sərhədimizin təhlükəsizliyini tam təmin edəcəyik
19 Mart
Füzuli şəhəri növbəti sakinlərinə qovuşdu
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!