25 Avqust 2019 00:36
875
İQTİSADİYYAT
A- A+

Ən çox sevilən məkan


Coğrafi mövqeyinə görə Xaçmazda turizmin hərtərəfli inkişafı üçün ideal şərait var. Yay başlayandan respublikamızın şimal bölgəsində əcnəbi turistlərin ən çox üz tutduqları məkanlardan biri də Xaçmaz rayonudur. Burada istirahət üçün, yəni kənd, çimərlik, sağlamlıq və çadır turizmi formalaşıb.

Bunların içində səyahət turizmi xüsusi əhəmiyyət kəsb edir. Xaçmaza bəzən muzeylər şəhəri də deyirlər. Qonaqlar ilk əvvəl şəhərdə yerləşən muzeyləri gəzir, görməli yerləri ziyarət edirlər.

Xaçmazda 70-ə yaxın istirahət mərkəzi fəaliyyət göstərir. "Atlant”, "Malibu”, "Palermo”, "Palma”, "Rivinin”, "Elfaro”, "Flaminqo”, "UlduzXDMX”, "Çobanbulağı”, "Xəzər” və "Lotos” təkcə respublikamızda deyil, dünyanın onlarca ölkəsində tanınır. Yay fəsli başlayandan Xaçmazı minlərlə turist ziyarət edib. Əvvəlki illərə nisbətdə bu il turist axını xeyli artıb.

Qonaqların rahatlığı üçün Azərbaycan, rus və ingilis dillərində bukletlər, yol xəritəsi, habelə hər bir istirahət yeri barədə (qiymətlərdən tutmuş endirimlərə qədər) məlumat turistlərə təqdim edilir. Qalır bircə onun seçimi. Baltikyanı ölkələr, Rusiya, Gürcüstan, Qazaxıstan, Fransa, Moldova, Cənubi Koreya, Almaniya kimi ölkələrdən gələnlər çox vaxt istirahət üçün Xaçmazı seçirlər. Onlar "Sağlam və əlil insanların birgə yaşam tərzi” devizi ilə respublikamıza səfərləri çərçivəsində Xaçmazda Heydər Əliyev Mərkəzi, Əziz Əliyev Tarix-diyarşünaslıq və Şəxsiyyətlər muzeyində olmuş, insanlarla söhbət etmiş, milli mətbəximizin təamlarını dadmışlar. Səfər zamanı xaçmazlı əlil ailələrlə görüşlər keçirilmiş, birlikdə sosial məsələlərə dair fikir mübadiləsi aparmışlar.

Xaçmazın memarlıq intellekti genişdir. Şəhərə təşrif buyuran qonaqlar daha çox milli ornamentlərlə zəngin Heydər Əliyev Mərkəzini, respublikamızda ilk olan Şəxsiyyətlər muzeyini ziyarət etməyə üstünlük verirlər. Şəxsiyyətlər muzeyi respublikamızın ictimai və mədəni irsinin göstəricisidir desək, səhv etmərik. Dövlət Turizm Agentliyi Xaçmaz turizm informasiya mərkəzinin direktoru Vasif Əhmədov söhbətində bildirdi ki, son illər rayona gələn turistlər muzeylərimizi ziyarət etməklə yanaşı, onlardan çox şey öyrənirlər. Hətta onların bəzisi geri qayıdan zaman öz ölkələrində belə zəngin ocaqların yaradılması üçün çalışacaqlarını bildirirlər.

Rayonda mehmanxana və obyektlərdə qiymətlər də münasibdir. Bəlkə də ona görədir ki, respublikamızın qonaqları və yerli turistlər çox zaman məhz Xaçmazı seçirlər. Yaraşıqlı küçələr, orta əsrləri xatırladan qüllə, analoqu olmayan samovar, yollarda quraşdırılan qədim lampalar və digərləri turistlərin maraq dünyasıdır. Turist həm də informasiya daşıyıcısıdır. O, qarşılaşdığı qeyri- adilikləri özü ilə fotolarda ölkəsinə aparır. Növbəti ildə o, artıq başqa yeri deyil, məhz Xaçmazı seçir.

Burada turistlərin marağına səbəb həm də balıq ovudur. Onlar Cağacuqçay, Ağçay və Qudyalçayın sahilində saatlarla balıq tutmaqla vaxtlarını mənalı keçirirlər. O səbəbdəndir ki, Gülalan, Nəzər, Qımıl, Sayad göllərinin ətrafı həmişə qonaq-qaralı olur.

Akif ƏLİYEV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video