18 Avqust 2019 00:25
9853
Səhiyyə
A- A+

Kartof suyunun möcüzəvi faydaları


Kartof suyu içmək xalq təbabətində geniş yayılmış üsullardan biridir. Qastrit, mədə və ürək xəstəliyi kimi müxtəlif xəstəliklərə fayda verir. Orqanizmin hər bölgəsində qan dövranının yaxşılaşmasına yardım edir.

Kartof suyu turşu, mineral, ferment tərkiblidir. Xüsusilə səhər acqarına içildikdə həzm sisteminin sağlam işləməsinə, qəbizlik, ishal, köp, mədə qıcqırması və həzmsizlik kimi problemlərə qarşı müalicəvi təsir göstərir. Eyni zamanda reflüks xəstəliyinə də faydalı olduğu deyilir.

Kartof suyu tərkibinə görə bağırsaq xərçənginə qarşı mühüm rol oynayır. Fol turşusu və dəmir baxımından zəngin olduğu üçün qırmızı qan hüceyrələrinin hazırlanmasında əhəmiyyətlidir. Yəni qanazlığı və anemiya riskini azaldır.

Kartof suyunun tərkibindəki asit mədənin PH səviyyəsini tənzimlədiyindən mədədəki turşuluğun artmasını azaldır. Mədə turşuluğu ilə yanaşı mədə sancısı çəkənlərə də kartof suyu içmək tövsiyə edilir. Bununla mədə xərçəngi, qastrit, kolit kimi mədə problemlərinin də yaranma riski azalmış olur.

Bundan başqa, kartof suyunun tərkibindəki zəngin üzvi birləşmələr revmatizm, oynaq problemlərinə də yardım edir. Yaxşı bir potasium qaynağı olduğundan yüksək təzyiqli insanlarda müsbət nəticələrə səbəb olur. Yetərli potasium qəbulu həm də ürək xəstəlikləri riskinin azalmasına yardım edir.

Kartof suyu təmizləyici keyfiyyətə də malikdir. Bu özəlliyi ilə qaraciyər və öd kisəsində problemi olanlar üçün təbii dərman sayılır. Buna görə səhərlər acqarına 150 qrama qədər kartof suyu içmək məsləhətdir. Daşların təmizlənməsinə yardımçı olmaqla yanaşı, həm də daş yaranması riskini də azaldır.

Kartofun dəri üzərindəki effektini hər kəs bilir. Gözaltı qaralar, yaralar və şişkinliklərə qarşı kartof suyu həmişə bir həll yolu kimi görülüb. Eqzema, dəri ləkələri, quru və qaşıntılı dəri üçün kartof suyunun möcüzəvi təsiri var. Kartof suyu həm də saç köklərini bəsləyir, insanı daha gur və sağlam saçlara qovuşdurur. Bunun üçün kartof suyunu yumurta ağı və balla qarışdırıb, saçlara sürtün və yarım saat sonra saçlarınızı şampunla yuyun.

Kartof suyunun dadını xoşlamayanlar içinə limon və ya bal qarışdırıb içə bilərlər. Balla qarışdırıb içmək qida zəhərlənməsinə qarşı da effektlidir.

İstifadə qaydası:

Kartofu soyub doğrayın, yuyun və şirəçəkən maşından keçirin. İki həftə səhər və axşam acqarına, yeməkdən yarım saat əvvəl 150 qr için. Sonra iki həftə ara verin və yenə iki həftə davam edin. Faydasını özünüz hiss edəcəksiniz.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video