17 Avqust 2019 00:23
796
İQTİSADİYYAT
A- A+

“İtoçu” və “İnpeks”


Gündoğan ölkənin bu tanınmış şirkətləri "dəstxət”ini Azərbaycanda da təsdiqləyib


Azərbaycanın beynəlxalq tərəfdaşlıqla həyata keçirdiyi "Azəri-Çıraq-Günəşli” (AÇG) yataqlarının tammiqyaslı işlənməsi və Bakı-Tbilisi-Ceyhan (BTC) əsas ixrac neft kəməri layihələrində iki tanınmış Yaponiya şirkəti də iştirak edir. Bunlar "İtoçu” və "İnpeks”dir.

"İtoçu” şirkəti "Əsrin müqaviləsi” adını almış AÇG-yə layihənin həyata keçirildiyi ilk vaxtlardan qoşulub. Şirkət bu layihədə 3,65 faizlik iştirak payına malikdir.

"İtoçu” eləcə də BTC-nin 11 səhmdarından biridir. Onun həmin layihədə 3,4 faiz iştirak payı var. Şirkət SOCAR-ın (Azərbaycan Respublikası Dövlət Neft Şirkəti) Türkiyədə tikdiyi nəhəng "Star” neft emalı zavodunun inşasında iştirak edib. Bu da təsadüfi deyil. Çünki "İtoçu” fəaliyyəti şaxələndirilmiş bir korporasiyadır. Məsələn, XX əsrin 70-ci illərində "Saxalin-1” kimi böyük layihəyə qoşulub. XXI əsrin əvvəllərində "Mavi axın” qaz kəmərinin çəkilişində iştirak edib.

Şirkət neft-qaz yataqlarının işlənməsindən, ixrac kəmərlərinin çəkilişindən əlavə, iqtisadiyyatın çoxsaylı sahələrində "imza atır”. Məsələn, zavodların və ayrı-ayrı texnoloji qurğuların, o cümlədən neft və qaz emalı, neft kimyası müəssisələrinin, eləcə də elektrik stansiyalarının, sutəmizləyici sistemlərin tikintisində iştirak edir, magistrallar və dəmir yolları çəkir, körpülər salır.

"İtoçu” öz "dəstxət”ini dünyanın onlarca ölkəsində təsdiq edib. Eləcə də qədim neft diyarı Azərbaycanda. Bu, cari ilin iyul ayında Yaponiya-Azərbaycan İqtisadi Komitəsinin həmsədri, "İtoçu” korporasiyasının prezidenti Keita İşi ilə SOCAR-da keçirilən görüşdə də vurğulanıb. Görüşdə yapon şirkətlərinin ölkəmizin neft-qaz sektorunda iştirakı yüksək qiymətləndirilib. "İtoçu” və SOCAR arasında uzunmüddətli əməkdaşlıq əlaqələrinin yarandığı qeyd edilib və bu əlaqələrin daha da inkişafı üçün geniş imkanların olduğu bildirilib. Belə ki, iki şirkət arasında bütün istiqamətlərdə və formatlarda əməkdaşlığa maraq var.

Gündoğan ölkənin Azərbaycanın neft-qaz layihələrində iştirak edən digər şirkəti "İnpeks”dir.

"İnpeks” BTC layihəsinə əlamətdar bir gündə qoşulub. 2002-ci il sentyabrın 18-də Səngəçal terminalında üçüncü minilliyin nəhəng mühəndis qurğusu olan bu kəmərin təməli qoyularkən Ulu Öndər Heydər Əliyev BTC-nin səhmdarlarının daha bir şirkət sayəsində artdığını bildirdi. Bu, "İnpeks” idi.

Hazırda "İnpeks” BTC-də 2,5 faiz iştirak payına malikdir.

Sonralar şirkət AÇG layihəsində də sanballı iştirak payı aldı. İndi onun bu layihədəki iştirak payı 9,31 faiz təşkil edir.

"İnpeks” uzun illərdir neft-qaz yataqlarının axtarışı, kəşfiyyatı və işlənməsi ilə məşğul olan bir şirkətdir. Yaponiyadan başqa, şirkət Cənub-Şərqi Asiya, Yaxın Şərq, Okeaniya, Xəzər dənizi, Afrika və Cənubi Amerika kimi neft-qaz regionlarında onlarca layihənin iştirakçısı olub. Odur ki, Tokiodakı baş mənzil qərargahından əlavə, dünyanın bir sıra ölkələrində də nümayəndəlikləri var.

"İnpeks” indiyədək İndoneziya, Avstraliya, Birləşmiş Ərəb Əmirlikləri, Qazaxıstan, Azərbaycan və digər ölkələrdə çalışıb.

Xarici investisiyaların qorunması üçün yaradılan şərait, bağlanmış müqavilələrin şərtlərinin heç vaxt pozulmaması və digər bu kimi amillər Azərbaycanı dünyada etibarlı tərəfdaş kimi tanıdıb. İndi ölkəmiz mükəmməl bir beynəlxalq əməkdaşlıq və tərəfdaşlıq formatı yaradıb. Buna misal kimi, AÇG üzrə 2050-ci ilin əvvəlinədək uzadılmış sazişdə layihənin iştirakçılarının heç birinin dəyişmədiyini göstərmək olar. Etibarlı və sınanmış tərəfdaşlarımız sırasında "İtoçu” və "İnpeks” də ölkəmizdə inamla fəaliyyət göstərir.

Flora SADIQLI,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video