14 Avqust 2019 16:33
564
DÜNYA
A- A+

Pakistan Prezidenti: Müsəlmanlar müharibə istəmir

Müsəlmanlar müharibə istəmir, lakin bizi buna məcbur edərlərsə, geri addım atmarıq. AZƏRTAC DawnNews saytına istinadla xəbər verir ki, bu fikri Pakistan Prezidenti Arif Alvi ölkənin müstəqilliyinin 73-cü ildönümünə həsr olunmuş təntənəli mərasimdəki çıxışında səsləndirib.

Pakistan Prezidenti qeyd edib ki, onun ölkəsi özünü müdafiə etməyə qadirdir və Cammu və Kəşmir bölgəsində Hindistanın atdığı addımlar nəticəsində baş verə biləcək bütün hadisələrə, o cümlədən müharibəyə hazırdır. O, bu bölgənin xalqının öz müqəddəratını təyin etmək hüququnun olduğunu söyləyib. Əlavə edib ki, müharibə təkcə iki ölkəni yox, bütün dünyanı əhatə edə bilər. "Biz kəşmirlilərlə eyni xalqıq və onların əzab-əziyyətləri də bizi narahat edir. Pakistan işğal olunmuş ərazilərdə demoqrafik vəziyyətin dəyişdirilməsinə də heç vaxt imkan verməyəcək”, -deyə Prezident vurğulayıb.

Pakistan mətbuatı yazır ki, Müstəqillik Günü bu il məhz Cammu və Kəşmir xalqı ilə həmrəyliyə həsr olunub. İslamabadda və başqa şəhərlərdə ilk dəfə inzibati binaların üzərində Pakistan bayrağı ilə yanaşı Cammu və Kəşmir bayrağı da dalğalanıb.

Prezidenti Arif Alvi ölkə vətəndaşlarını Kəşmirlə bağlı video və fotomaterialları sosial şəbəkələrdə yerləşdirməyə çağırıb və bu bölgənin xalqını heç bir vaxt tək qoymayacaqlarını bəyan edib. Müstəqillik Günü münasibətilə Pakistanın əyalət mərkəzləri olan Kəraçi, Lahor, Peşəvar və Quetta ilə yanaşı, Kəşmirin bu ölkənin nəzarəti altında olan hissəsində və Gilgit-Baltistan regionunda da yaylım atəşləri açılıb. Əllərində Pakistan və Kəşmir bayraqları tutmuş minlərlə insan küçələrə çıxıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video