Qubadlılılar işgüzarlıqları ilə seçilirlər
Azərbaycanda həyata keçirilən iqtisadi islahatlar ilk növbədə insanların sosial vəziyyətinin yaxşılaşmasına, yoxsulluğun aradan qaldırılmasına yönəldilib. İcra olunan layihələr çərçivəsində məcburi köçkünlərin sosial müdafiəsinə də diqqət artırılıb. Bunun qarşısında zəhmətsevərlikləri ilə seçilən köçkün qubadlılılar əllərini əllərinin üstünə qoyub oturmayıblar.
Hazırda 38 min 200 nəfər Qubadlı sakini respublikanın 41 rayon və şəhərində müvəqqəti məskunlaşıb. Rayonun 20 min 600 nəfərdən çox əmək qabiliyyətli əhalisi var. Onların əksər hissəsi Sumqayıt şəhərində yerləşib. Sakinlərin məskunlaşma yerlərində yaşayış şəraitinin yaxşılaşdırılması isə daim diqqətdədir. Abşeron rayon Sumqayıt stansiyası və Sumqayıt şəhər 12-ci mikrorayon ərazisində inşa edilmiş şəhərciklərdə məcburi köçkün ailələrinin yeni mənzillərlə təmin olunması başa çatıb. Şəhərcikdə rayonun Hal, eləcə də Dəmirçilər kənd və qəsəbə 4 saylı tam orta məktəbləri, gigiyena və epidemiologiya mərkəzi, 140 yerlik Qubadlı şəhər 1 saylı körpələr evi-uşaq bağçası, habelə poçt fəaliyyətə başlayıb, 50 nəfər məcburi köçkün işlə təmin edilib.
Sənaye sahələrində, tikintidə, neft sektorunda xeyli qubadlılı məcburi köçkün çalışır. Sahibkarlıq fəaliyyəti ilə məşğul olanların da sayı az deyil.
Qubadlılı məcburi köçkünlərin yaşadıqları digər ərazilərdə də onların problemlərinə diqqətlə yanaşılır. Sumqayıt şəhər 40-cı məhəllədə məcburi köçkünlərin müvəqqəti məskunlaşdığı 2 beşmərtəbli binanın dam ötrüyü dəyişdirilib, həyətə asfalt örtüyü çəkilib, "Yaşıldərə” yaşayış massivində məhəlləarası yollar asfaltlanıb.
Qubadlılıların əksəriyyəti kənd təsərrüfatı məhsullarının becərilməsi ilə məşğul olurlar. Belə ki, onların ixtiyarında 79,4 hektar əkin sahəsi var ki, bunun da 40,6-sı taxıl, 7,3-ü bostan bitkiləri, 25,8-i yonca, 3-ü tərəvəz, 2,7 hektarı isə tut bağlarıdır. Son illər arıçılığın inkişafına xüsusi maraq var. Bu gün qubadlılılar arı ailələrinin sayını 3 min 685-ə çatdırıblar.
Qubadlı Rayon İcra Hakimiyyətinin 2019-cu ilin birinci yarısının sosial-iqtisadi inkişafının yekunlarına və qarşıda duran vəzifələrə həsr edilən yığıncağında vurğulanıb ki, Azərbaycan dövləti tərəfindən yüksək qayğı və dəstək görən zəhmətsevər qubadlılılar əmindirlər ki, dövlət başçısının uzaqgörən siyasəti sayəsində tezliklə doğma torpaqlarına da qayıdacaqlar.
Akif ƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
Elmira Süleymanova II Fəxri xiyabanda dəfn olunub
25 Aprel
Britaniya alimləri xərçəngin müalicəsində mühüm addım atıblar
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
Azərbaycan Ordusunda komanda-qərargah təlimləri keçirilir
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
25 Aprel
Xocalıda insan qalıqları aşkarlanıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!