25 Iyul 2019 19:13
763
İDMAN
A- A+

“EYOF Bakı 2019”: Azərbaycan idmançıları cüdo yarışlarının ikinci gününü bir gümüş medalla başa vurublar


İyulun 25-də Avropa Gənclər Olimpiya Festivalının cüdo yarışlarının ikinci gününə yekun vurulub.

AZƏRTAC xəbər verir ki, Heydər Əliyev adına İdman Arenasında keçirilən yarışların ikinci günündə Azərbaycanın cüdo komandası bir gümüş medal qazanıb.

Yarışların ikinci günündə qızlar 52, 57 və 63, oğlanlar 66 və 73 kiloqram çəki dərəcələrində çıxış ediblər. Gün ərzində Azərbaycanın üç idmançısı mübarizəyə qoşulub.

Komandamızın üzvlərindən Vüqar Talıbov festivalın gümüş medalına sahib olub. İdmançımız 73 kiloqram çəki dərəcəsində yarışın finalında italiyalı Luici Sentraçioya uduzub.

Mübarizəyə səkkizdəbir finaldan başlayan V.Talıbov əvvəlcə Dzianis Yauseyenkanı (Belarus), sonra çexiyalı Adam Kopeçkini ipponla məğlub edərək yarımfinala çıxıb. O, yarımfinalda Türkiyə təmsilçisi Musa Şimşəkə ipponla qalib gəlib.

Qızların yarışında Aytac Qardaşxanlı (57 kq) almaniyalı Samira Bocka məğlub olaraq bürünc medalı əldən verib. Üçüncü yer uğrunda digər təmsilçimiz Mətin Rzazadənin (66 kq) də çıxışı uğursuz olub. Cüdoçumuz həlledici mərhələdə macarıstanlı Daniel Szegediyə uduzub.

Xatırladaq ki, cüdo yarışlarının birinci günündə Azərbaycan idmançıları 1 qızıl və 2 bürünc medal qazanıblar. Qızıl medalı ölkəmizin aktivinə Turan Bayramov (60 kq), bürünc medalları isə Şükran Zamanlı (55 kq) və Gülşən Bəşirova (44 kq) yazdırıblar.

İyulun 26-da qızlar 70 və 70 kiloqramdan yuxarı, oğlanlar 81, 90 və 90 kiloqramdan yuxarı çəki dərəcələrində mübarizə aparacaqlar. İyulun 27-də isə qarışıq komanda yarışları keçiriləcək.

Festivalda 40 ölkədən 297 cüdoçu mübarizəyə qoşulub. Azərbaycan bu nüfuzlu turnirə 12 cüdoçu (8 oğlan, 4 qız) ilə qatılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video