16 Iyul 2019 12:41
503
CƏMİYYƏT
A- A+

BMT qadınları daha çox rəhbər vəzifələrə təyin etməyə çağırıb

Dünya ölkələrinin cəmi 42 faizində torpaq mülkiyyəti ilə bağlı gender bərabərliyi təmin olunub, maliyyə xidmətləri sahəsində isə qadınlar yalnız dövlətlərin 60 faizində kişilərlə eyni hüquqlara malikdirlər. AZƏRTAC BMT-nin saytına istinadla xəbər verir ki, bunu təşkilatın Baş Assambleyasının sədri Mariya Fernanda Espinosa gender bərabərliyi və qadınların ictimai həyatda daha fəal iştirakı ilə bağlı keçirilən tədbirdə söyləyib.

Baş Assambleya sədrinin sözlərinə görə, kənd rayonlarının sakinləri, fiziki imkanları məhdud olan şəxslər, yerli xalqların nümayəndələri və yaşlı qadınlar daha çox ayrı-seçkiliyə məruz qalırlar. "Dünyanın heç bir ölkəsi tam olaraq gender bərabərliyini təmin edə bilməyib”, -deyə o vurğulayıb. Fernanda Espinosa əlavə edib ki, qadınların ictimai həyatda fəal iştirakı iqtisadiyyatın və digər sahələrin inkişafına kömək edir.

Xanım Espinosa dünya ölkələrinin liderlərini BMT-nin təşəbbüsünə qoşularaq zərif cinsin nümayəndələrini daha çox rəhbər vəzifələrə təyin etməyə çağırıb. Bu təşəbbüs təşkilatın martda keçirilən iclasında irəli sürülüb. "Biz qızların və qadınların hüquqlarını genişləndirmək üçün hansı tədbirlərin görülməsini yaxşı bilirik. Onlar Pekin Bəyannaməsində və 2030-cu ilədək Fəaliyyət Planında əksini tapıb. Bu gün bizə lazım olan isə siyasi iradədir”, -deyə Baş Assambleyanın sədri vurğulayıb. O, aparılan diskussiyaların gender bərabərliyinin təmin olunmasında faydalı olacağına ümidvar olduğunu bildirib gələn il Pekin Bəyannaməsinin 25 illiyinin tamam olacağını xatırladıb. Bu sənəd 1995-ci ildə Çinin paytaxtında keçirilən qadınların vəziyyətinə dair Ümumdünya konfransında qəbul edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video