15 Iyul 2019 18:09
552
DÜNYA
A- A+

Ermənistanda narkomanların sayı artıb


Bu ilin yanvar ayında Ermənistanda narkomanların sayı ötən ilin müvafiq dövrü ilə müqayisədə 6 faiz artaraq 6951 nəfərə çatıb. AZƏRTAC erməni KİV-nə istinadla xəbər verir ki, bunu mətbuat konfransında Respublika Narkoloji Mərkəzinin direktoru Petros Semercyan bildirib. Onun sözlərinə görə, qeydə alınmış narkomanlardan 2100 nəfəri narkotik maddələri venadaxili inyeksiya yolu ilə qəbul edir. Onların böyük əksəriyyəti kişilərdir, qadın narkomanların sayı isə cəmi 116 nəfərdir.

Qeyd olunub ki, narkomaniya ən çox 30-40 yaş arasında olan ermənilər arasında yayılıb. Lakin mərkəz direktoru bildirib ki, bu rəqəm narkomaniyanın tam miqyasını əks etdirmir. Belə ki, narkotik maddələrdən istifadə edənlərin əksəriyyəti qeydiyyatda kənarda qalıb. O əlavə edib ki, narkomaniyadan müalicə olunanların bir çoxu dispanserdən çıxdıqdan sonra yenidən narkotik maddə istifadəçisinə çevrilir.

Semercyan diqqətə çatdırıb ki, müvafiq beynəlxalq strukturlar bu sahədə Ermənistanın təqdim etdiyi rəqəmlərə inanmırlar. Onlar hesab edirlər ki, rəqəmlər süni şəkildə azaldılıb və əsl həqiqətdə bu ölkədə narkomanların sayı dəfələrlə çoxdur. O, Ermənistan Səhiyyə Nazirliyinin marixuanadan istifadənin leqallaşdırılması əleyhinə olduğunu da bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video