26 Iyun 2019 01:06
1061
İDMAN
A- A+

Bir qızıl və üç bürünc medal şansı


Güləş ölkəmizdə ən populyar idman növlərindən biri olmaqla yanaşı, kütləvilik baxımından da ön sıralarda dayanır. Bu, həm tarixi-ənənəvi köklərlə, həm də bu gün ölkəmizdə idmana, o cümlədən güləşə olan münasibətlə bağlıdır. Güləş Azərbaycanda hər vaxt ənənəsini qoruyub. Azərbaycan güləş məktəbinin yetirmələri olan olimpiya, dünya, Avropa çempionları iştirak etdikləri bütün yarışlarda rəqibləri üçün ən ciddi idmançılar sayılırlar. Yəni pəhləvanlarımız iştirak etdikləri istənilən turnirin favoritidirlər.

Belarusun paytaxtı Minskdə keçirilən II Avropa Oyunlarında medal gözlənilən idman növlərindən biri də güləşdir. Dünən "Minsk-2019”da güləş yarışlarına start verilib. İlk olaraq mübarizəyə sərbəst güləşçilər başlayıblar. Pəhləvanımızın hər biri yarışa 1/8 final mərhələsindən qoşulub.

57 kq çəki dərəcəsində çıxış edən Mahir Əmiraslanov mübarizəyə boqarıstanlı Georgi Vangelova qarşı görüşlə başlayıb. Gərgin mübarizədən 6:5 hesablı qələbə ilə ayrılan pəhləvanımızın 1/4 finaldakı rəqibi Vladimir Yeqorov (Şimali Makedoniya) olub. Təmsilçimiz qələbə seriyasını davam etdirərək rəqibini 4:0 hesabı ilə məğlub edib və yarımfinala vəsiqə qazanıb. Finala gedən yolda Mahirin rəqibi Rusiya təmsilçisi Zavur Uğuyev olub. Rəqibinə qalib gələn Mahir çempionluq üçün həlledici görüşdə bu gün serbiyalı Stevan Miçiç ilə qarşılaşacaq.

74 kq çəki dərəcəsində yarışan Hacımurad Hacıyevin 1/4 final yolunu Türkiyə güləşçisi Soner Demirtaş kəsib - 3:4. Rəqibi finala qədər yoluna davam etdiyi üçün Hacımurad təsəlliverici görüşlərə qatılmaq hüququ qazanıb. "Bürünc yolu”nda onun ilk rəqibi bu gün yunanıstanlı Kirillos Binenpaum olacaq.

86 kq çəki dərəcəsində yarışan Aleksandr Qostiyev ilk görüşündə Belarus təmsilçisi Denis Balaura göz açmağa imkan verməyib - 7:1. Onun növbəti mərhələdəki rəqibi gürcüstanlı Sandro Aminaşvili olub. Güləşçimiz bu mərhələdə də ənənəsinə sadiq qalaraq rəqibini 6:2 hesabı ilə məğlub edib. Təmsilçimizin final yolunda rəqibi Dauren Kuruqliyev (Rusiya) olub. Aleksandr bu gün bürünc medal uğrunda güləşəcək.

125 kq çəki dərəcəsində yarışan Camaləddin Məhəmmədov 1/8 finalda Belarus güləşçisi Vitali Pyasnyakdan üstün olub - 6:0. Dörddəbir finalda macarıstanlı Daniel Ligetini çətinliklə mübarizədən kənarlaşdıran (6:5) Camaləddin yarımfinalda gürcüstanlı Givi Matkaraşvili ilə üz-üzə gəlib. Rəqibinə 2:4 hesabı ilə məğlub olan idmançımız bu gün bürünc medal uğrunda mübarizə aparacaq.


Üç boksçumuz 1/4 finalda


Dünən II Avropa Oyunlarında boks yarışlarının beşinci gününə start verilib. "Uruçye Arena”nın rinqinə əvvəlcə 60 kq çəki dərəcəsində mübarizə aparan kişi boksçular çıxıb. Onlar 1/8 final mərhələsində qüvvələrini sınayıblar. Azərbaycan yığmasının üzvü Cavid Çələbiyev də növbəti döyüşünü keçirib. Dünya çempionumuz Moldova təmsilçisi Dorin Buksa ilə qarşılaşıb. 5:0 hesablı qələbə qazanan təmsilçimiz 1/4 finala yüksəlib.

Sonra 81 kq çəki dərəcəsində çıxış edən boksçular 1/4 finala çıxmaq uğrunda yarışıblar. Azərbaycan yığmasının üzvü Alfonso Dominqes belaruslu Mixail Dauhalyavetslə üz-üzə gəlib. 5:0 hesabı ilə qalib gələn təmsilçimiz növbəti mərhələyə yüksəlib.

Alfonso Dominqes (81 kq), Cavid Çələbiyev (60 kq) və Lorenso Sotomayor (69 kq) bu gün yarımfinala çıxmaq uğrunda mübarizə aparacaqlar.

Elçin CƏFƏROV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video