Alternative content

18:02 23 Oktyabr 2019
ONLINE XƏBƏR LENTİ
Azərbaycan turizm məkanıdır - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Şirməmməd müəllimi itirdik...
Şirməmməd müəllimi itirdik...
ANA SƏHİFƏ / CƏMİYYƏT
23:30 24.06.2019


Bir neçə saat əvvəl acı bir xəbər - Şirməmməd Hüseynovun vəfat etməsi xəbəri gəldi. Biz bir neçə missiyanın daşıyıcısı olan dəyərli insanı itirdik: müəllimimizi, mətbuat tariximizin görkəmli tədqiqatçısını, millət fədaisini, həqiqət carçısını. Ön sırada müəllimliyi dayanır. Çünki onu təkcə peşəsi etibarı ilə deyil, həyatda da bir müəllim, bir ustad kimi tanıyırdıq. Tanıyırdıq və sevirdik. Azərbaycan jurnalistlərinin bir çoxu ondan dərs alıb, onun yetirməsidir. Onların arasında bu gün AZƏRTAC-da çalışan jurnalistlər də var.

Şirməmməd müəllimin keçdiyi həyat yolu öz-özlüyündə çox şey deyir: Şəkidəki orta məktəb illəri, əvvəlcə riyaziyyat ixtisası, orta məktəb müəllimliyi, sonra jurnalistikaya gəlişi, Moskva universitetində aspirant həyatı, nəhayət, jurnalistika sahəsində ilk alim...

O, sovet ideoloji kanonlarının hökm sürdüyü senzura qadağaları şəraitində tələbələrinə millət sevgisi aşılayırdı. Dərsini təsdiqlənmiş proqramlara əsasən deyirdi, eyni zamanda, tələbələrinin gözünü açırdı: onlara gah sətiraltı, gah da açıq şəkildə əsl həqiqətləri çatdırmağa çalışırdı.

Onun bütün tələbələri şahidlik edə bilər ki, Şirməmməd müəllimin mühazirələri başqalarına bənzəmirdi, fikirlərini özünəməxsus dillə çatdırırdı. Qələmə aldığı bütün yazılar Azərbaycanın istiqlalı, qoruyub yaratmalı olduğumuz milli dəyərlər və ideallarla bağlı idi.

Hər bir istedadlı insan nə vaxtsa şah əsərini yaradır. Şirməmməd müəllimin çoxsaylı kitabları içərisində "Parlament hesabatları” onun şah əsəridir. Xalq Cümhuriyyəti dövründəki parlamentimizin fəaliyyətindən bəhs edən üç cildlik bu kitab az qala yarım əsrin məhsuludur. O, milli yaddaşımızın daşıyıcısı idi, əsərləri Azərbaycanın dünəni və bu günü arasında mənəvi körpü rolu oynayırdı. Bu yaddaş yaşamaqda davam edəcək, bu körpü həmişə var olacaq.

Şirməmməd müəllimin tərcümeyi-halına bir qədər də ətraflı nəzər salaq: 1924-cü ildə Şəkidə anadan olub. 1940-cı ildə burada orta məktəbi bitirib, Şəki Müəllimlər İnstitutunun fizika-riyaziyyat fakültəsində təhsil alıb. Böyük Vətən müharibəsinin ağır illərində Zaqatalada və Şəkidə müəllim işləyib. 1950-ci ildə Bakı Dövlət Universitetinin filologiya fakültəsinin jurnalistika şöbəsini bitirib. Təhsilini 1950-1954-cü illərdə M.V.Lomonosov adına Moskva Dövlət Universitetinin jurnalistika fakültəsinin aspiranturasında davam etdirib. Daha sonra Bakı Dövlət Universitetində müxtəlif vəzifələrdə çalışıb, 1970-1976-cı illərdə jurnalistika fakültəsinin dekanı olub. "Həqiqət və ədalət carçısı”, "M.Ə.Rəsulzadə”, "Mənəvi irsimiz və gerçəklik”, "Mətbu irsimizdən səhifələr”, "Parlament hesabatları” və digər dəyərli kitabların və əsərlərin, həmçinin çoxsaylı dərslik və dərs vəsaitlərinin müəllifidir.

Prezident İlham Əliyevin 2014-cü il 16 dekabr tarixli Sərəncamına əsasən professor Şirməmməd Hüseynovun "Şərəf” ordeni ilə təltif edilməsi onun bu və digər xidmətlərinə verilən yüksək qiymətdir.

Azərbaycan Xalq Cümhuriyyətinin qurucularının irsinin araşdırılmasında xüsusi xidmətlər göstərmiş Şirməmməd Hüseynov daim həqiqətin, ədalətin, azad sözün tərəfdarı olub. Buna görə də təkcə elmi ictimaiyyətin deyil, sadə insanların da böyük hörmətini qazanmışdı. O, ürəyində hər zaman Vətən və millət sevgisi daşıyırdı. Ömrünün sonunadək bu sevgi ilə yaşadı, dünyadan bu sevgi ilə bərabər köçdü...

Allah rəhmət eləsin.


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM