22 Iyun 2019 01:02
825
Mədəniyyət
A- A+

Xalq teatrları festivalı


Mədəniyyət Nazirliyi tərəfindən hazırlanan "Azərbaycan xalq yaradıcılığının 2019-2023-cü illər üzrə inkişafına dair Strateji Fəaliyyət Planı”na uyğun olaraq III Respublika Xalq Teatrları Festivalı keçirilir. Hazırda paytaxt Bakıda və regionlarda, o cümlədən Naxçıvan Muxtar Respublikasında 37 xalq teatrı fəaliyyət göstərir.

Festivalın regionlar üzrə növbəti seçim-baxış mərhələsi İsmayıllıda təşkil olunub. Bu mərhələdə İsmayıllı, Şəki və Ağdaş regional mədəniyyət idarələrinin tabeliyində fəaliyyət göstərən xalq teatrı kollektivləri iştirak edir.

Festivalın seçim mərhələsində fərqlənən kollektivlər Bakıda keçiriləcək final mərhələsinə dəvət ediləcək. İsmayıllıda T.Babazadənin "Əsgər papağı” tamaşası göstərilib. Qəbələ rayon mədəniyyət mərkəzinin İ.Qutqaşınlı adına xalq teatrı festivala "Göyçək Fatma” nağıl-tamaşası, M.F.Axundzadə adına Şəki şəhər mədəniyyət mərkəzinin xalq teatrı Ş.Qurbanovun "Olmadı elə, oldu belə”, Zaqatala mədəniyyət mərkəzinin xalq teatrı M.S.Ordubadi və S.Rüstəmovun "Beş manatlıq gəlin”, Qax rayonunun xalq teatrı "Saat hekayəsi” tamaşası ilə festivala qatılıb.

Festivalda tamaşalara baxışla yanaşı, peşəkar rejissor və aktyorlar tərəfindən xalq teatrlarının üzvlərinə ustad dərsləri keçilir, tövsiyələr verilir.

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video