jpg-1713653616.jpg)
İsveçrə mətbuatı qaçqın problemindən yazıb
İsveçrənin www.zeitung.ch internet portalında 20 iyun – Ümumdünya Qaçqınlar Gününə həsr edilmiş məqalə dərc olunub.
AZƏRTAC xəbər verir ki, məqalədə müasir dünyada müharibə, dağıntı və ölümün hər gün çoxlu sayda insanın həyatına son qoyduğu, minlərlə insanın qaçqına çevrildiyi qeyd edilir. Bildirilir ki, BMT-nin Qaçqınlar üzrə Ali Komissarlığının məlumatına görə, hazırda dünyada 68,5 milyon insan müxtəlif səbəblərdən öz doğma vətənini tərk etmək məcburiyyətində qalaraq, digər ölkələrə pənah aparıb.
Xüsusilə vurğulanır ki, ötən əsrin sonunda Azərbaycan ölkə əhalisinin sayına görə dünyada ən çox qaçqın və məcburi köçkünü olan ölkəyə çevrildi. Azərbaycanlıların Ermənistandan kütləvi deportasiyası və Dağlıq Qarabağ regionu, eləcə də onun ətrafındakı rayonların işğalı Azərbaycanda hər səkkiz nəfərdən birini qaçqın və məcburi köçkün statusu daşımağa məcbur edib.
Məqalədə Azərbaycandakı qaçqın və məcburi köçkün probleminin tarixi köklərinə də diqqət ayrılır. Qeyd edilir ki, hələ 1927-ci ildə Ermənistan paytaxtı Yerevan şəhərində əhalinin 70 faizi azərbaycanlılardan ibarət idi. İkinci Dünya müharibəsindən sonra bu ölkədə yaşayan 130 min azərbaycanlı kənd təsərrüfatına dəstək pərdəsi altında Azərbaycana deportasiya edildi, əvəzində isə Yaxın Şərq ölkələrindən təxminən 100 min erməni Ermənistana köçürüldü. Sovet İttifaqının süquta uğradığı dövrdə isə deportasiyanın son və daha amansız dalğası baş verdi, Ermənistanda yaşayan azərbaycanlılar son nəfərinədək ölkədən qovuldu. Azərbaycanın torpaqları hesabına ərazilərini 9 min kvadratkilometrdən 29 min kvadratkilometrədək genişləndirən Ermənistan ötən əsrin sonlarında işğalçı siyasətinin növbəti mərhələsinə qədəm qoydu.
Yekunda qeyd edilir ki, bu gün Azərbaycan torpaqlarının 20 faizini işğal edən Ermənistan BMT və digər beynəlxalq qurumların qəbul etdikləri qətnamə və qərarları icra etmir, öz ordusunu Azərbaycan torpaqlarından geri çəkmir və bu yolla da regionda sülh və dinc birgəyaşayışa qarşı təhlükə amili olaraq qalır. Bu ölkənin yürütdüyü siyasət nəticəsində qaçqın və məcburi köçkünlər öz torpaqlarına geri dönə bilmir, problemin həlli süni şəkildə yubadılır.
Elgün Niftəli
AZƏRTAC
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
04:10
25 Aprel
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
04:10
25 Aprel
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
04:09
25 Aprel
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
04:08
25 Aprel
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
04:07
25 Aprel
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
04:06
25 Aprel
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
01:26
25 Aprel
25 Aprel
Bakıda Rusiya Kinosu Günlərinin təntənəli açılış mərasimi olub
23:47
24 Aprel
24 Aprel
Türkiyə XİN 1915-ci il hadisələri ilə bağlı bəyanat yayıb
23:45
24 Aprel
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
23:41
24 Aprel
24 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
