Alternative content

03:46 22 Oktyabr 2019
ONLINE XƏBƏR LENTİ
Azərbaycan turizm məkanıdır - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Əsrə bərabər gün
Əsrə bərabər gün
ANA SƏHİFƏ / SİYASƏT
01:35 15.06.2019


Düz 26 il əvvəl Azərbaycan xalqının taleyini dəyişən, tariximizə yeni istiqamət verən möhtəşəm bir hadisə baş verdi.

Əgər belə demək olarsa, xalqımız uçurumun bircə addımlığından qurtuldu. Müstəqillik yollarında ilk kövrək addımlarını atan dövlətimiz məhv olmaq, parça-parça edilib dünya xəritəsindən silinmək təhlükəsindən məhz həmin gün qurtuldu, inkişaf, yüksəliş yollarına doğru uzun, ağır, şərəfli bir yola çıxdı.

Bu, həmin tarixdir: 15 iyun 1993-cü il...

Azərbaycan xalqının ümummilli lideri Heydər Əliyevin xalqın təkidi ilə hakimiyyətə qayıtdığı gün.

Milli Qurtuluş Günü...

"Heydər Əliyev Azərbaycan xalqı üçün kimdir” sualının cavabını da tarix elə həmin gün verdi.


Xilaskar


Təbiətin bir çox dəyişməz qanunları var. Onları təbiətin əbədiyyət qanunları da adlandıra bilərik. Bu qanunları insan yaratmayıb. İnsan sadəcə olaraq həmin qanunları kəşf edib, öyrənib, onlardan bəhrələnib və bəşəriyyətin inkişafı naminə əhəmiyyətli addımlar atıb.

Cəmiyyət də özünəməxsus əbədiyyət qanunlarına malikdir. Lakin əsas fərq budur ki, cəmiyyətdə bu qanunları insan övladı yaradır. Həm də bu qanunlar yalnız Yer üzünün əşrəfi olan insana aiddir. Bu qanunları ayrı-ayrı şəxsiyyətlər, zəka sahibləri formalaşdırır. Amma tarixin axarını dəyişməyə qabil belə bir zəka da hər kəsə verilmir. Ömrü əbədiyyətə çevirməyə yalnız Tanrının sevib-seçdiyi şəxsiyyətlər nail ola bilir.

Heydər Əliyev də belə şəxsiyyətlərdəndir.

1993-cü ilin iyununda Heydər Əliyevin xalqın təkidi ilə Naxçıvandan Bakıya gəlməsi, baş verən böhranlı hadisələrlə yerində tanış olması, müstəqilliyimizin əldən getməməsi üçün həyatını riskə qoyub müxtəlif siyasi düşərgələrə mənsub, ətraflarında xeyli sayda silahlılar cəmləşmiş insanlarla görüşlər keçirməsi, ola bilsin ki, indi kiməsə tarixi xronika təsiri bağışlasın. Amma bu, sözün əsl mənasında xilas anı idi. Heydər Əliyev bu addımları ilə xilaskarlıq missiyasını yerinə yetirirdi. Onun timsalında Azərbaycan xalqı hər zaman inandığı, güvəndiyi, rəğbət bəslədiyi, keçmiş SSRİ boyda böyük bir coğrafiyanın hər yerində adı ilə qürurlandığı güclü xilaskarına qovuşmuşdu.

Həmin ağır günlərdə xalq Heydər Əliyev siyasətinə mifik bir qüvvə kimi baxırdı. O isə gəlib bütün dünyaya sübut etdi ki, öz xalqına arxalanan, inanan və xalqının da inamını qazanmış lider əfsanəvi qüvvələrdən daha artıq, möhtəşəm işlər görə bilər.


"Mənim vəkillərim xalqımdır”


Zəmanəsinin dahi şəxsiyyətlərindən olan yunan alimi Arximed əsrlər əvvəl deyirdi ki, "mənə bir dayaq nöqtəsi göstərin, Yer kürəsini məhvərindən oynadım”.

Hərçənd böyük fizik kimi hamıdan çox onun özünə bəlli idi ki, kainatda belə bir dayaq nöqtəsi mövcud deyil. Amma cəmiyyət qanunlarına gəldikdə belə dayaq nöqtəsi tapmaq mümkündür. Bu, Xalqdır! Belə bir dayaq nöqtəsinə söykənərək, qarşıdakı bütün ağır çətinlikləri, problemləri aradan götürmək mümkündür. Ona görə də ata-babalarımız "el gücü, sel gücü” demişlər. Heydər Əliyev də həmişə xalqa söykənirdi. Daim xalqı öz istinad nöqtəsi hesab edirdi. Buna görə də o, bütün mübarizələrində qalib idi. "Mən bütün fəaliyyətimdə Allahıma, xalqıma və öz zəhmətimə arxalanmışam” deyirdi.

Belə bir epizodu heç zaman unutmaram. Adətən seçki proseslərində namizədlərin vəkilləri olur. Bu, bütün dünyada seçkilər zamanı tətbiq edilən təcrübədir. Onlar yerlərdə seçicilərlə görüş keçirir, təşviqat apararaq insanların dəstəyini qazanmağa çalışırlar. 1998-ci ilin prezident seçkisi zamanı Mərkəzi Seçki Komissiyası öz vəkillərini müəyyənləşdirməsi məramı ilə Heydər Əliyevə müraciət etmişdi. Onunsa bu müraciətə cavabı bütün kəlamları kimi tarixi idi: "Mənim vəkillərim xalqımdır!”

Heydər Əliyevin məhz bu cür sarsılmaz dayaq nöqtəsi olduğu üçün o, bütün çətinliklərin öhdəsindən inamla gəldi. Dünyanın mübarizə meydanına qalib kimi sızdı. Ömrünü qalib kimi başa vurub əbədiyyətə qovuşdu. Və şəxsiyyəti də, ideyaları da əbədiyyət taleyinə qovuşdu.


Xalqın öndəri


İndiyədək Heydər Əliyev haqqında çox yazılıb, bu gün də yazılır, gələcəkdə də yazılacaq. Heydər Əliyev şəxsiyyəti milli dövlətçilik tariximizdə o qədər geniş və çoxşaxəli rola malikdir ki, onun hər cümləsini, fikrini, kəlamını nəzəri müddəa kimi götürüb geniş təhlilə cəlb etmək olar. Heydər Əliyev haqqında yazan hər bir müəllif bu obraza öz sahəsinə yaxın cəhətlərdən yanaşmağa çalışır. Siyasətçilər Heydər Əliyevin siyasi tariximizdəki rolunu araşdırırsa, iqtisadçılar onun fəaliyyətindəki iqtisadi çalarlara diqqət yönəldirlər. Bizim kimi humanitar sahənin adamları üçünsə bu şəxsiyyətin elm-təhsil, milli mədəniyyətimizin inkişafı, milli-mənəvi dəyərlərimiz, gender məsələləri və s. sahələrlə bağlı fəaliyyəti daha yaxın gəlir. Amma Heydər Əliyev şəxsiyyətinə yanaşmalar nə qədər müxtəlif rakurslardan olsa da, bu yanaşmaların hamısı bir son nöqtədə birləşir: Heydər Əliyev Azərbaycan xalqının ümummilli lideri, ulu öndəridir.


Şəxsiyyətin cazibəsi


Tarixin bütün böyük insanları kimi zaman keçdikcə Heydər Əliyevin qərar tutduğu ucalıq insanlığa daha aydın görünür. Bu ucalığın təməlində sülh, əmin-amanlıq, rifah, sabitlik və davamlı inkişaf durur. Ulu öndər məhz bu dəyərlərə söykənərək, "Azərbaycanın müstəqilliyi daimidir, əbədidir, dönməzdir” deyirdi. Bu kəlam böyük bir qövmün əsrlərdən üzübəri aşıb gələn müqəddəs dövlətçilik ideologiyasının XX əsrin sonlarında həyata keçmiş ülvi arzularıdır.

Bu kəlam təkcə bir niyyət, bir bəyanat olaraq qalmadı. Bütün canı, qanı, varlığı ilə milli ruha bağlı Heydər Əliyevin dünyanın yeni siyasi düzənində Azərbaycanın yerini və rolunu dəqiq müəyyənləşdirməsi idi. Ölkəmizin və xalqımızın hansı bəşəri dəyərlərə əsaslanaraq dünya xəritəsində əbədiliyini təmin edəcəyini aşkara çıxardı. Bu da bir əbədiyyət qanunudur - xalqın istiqlalının və dövlətçiliyinin əbədiyyəti.

1300 il bundan əvvəl yaşamış böyük türk hökmdarı Bilgə xaqan üzünü xalqına tutaraq demişdi: "Əgər siz qanunlarınızı pozmasanız, sizi yaşadan torpağınızı sevsəniz, silahlıların sizi sürü kimi qabaqlarına qatıb istədikləri tərəfə aparmasına imkan verməsəniz, onda qurduğunuz dövlət yuxarıdan göy çöküncə, aşağıdan yer yarılınca əbədiyyətə qədər yaşayacaqdır”.

1300 il əvvəl xalqına əbədi dövlətçilik yolunu göstərən türk xaqanı ilə 1300 il sonra Azərbaycanın dövlət müstəqilliyini əbədi edən ulu öndər Heydər Əliyev arasındakı tale oxşarlığı nə qədər heyrətamizdir?! Əslində, bu, öz xalqlarını zülmətdən aydınlığa, uçurumdan rəvan inkişaf yoluna çıxarmış, onlara gələcəyə doğru-düzgün istiqamət vermiş bütün böyük dövlət adamlarının oxşar taleyidir. Mustafa Kamal Atatürk müasir Türkiyə Cümhuriyyətinin, I Pyotr Rusiyanın, Cəvahirləl Nehru Hindistanın, Şarl de Qol yeni Fransanın memarı olduğu kimi Heydər Əliyev də bugünkü Azərbaycan dövlətinin qurucusu və yaradıcısıdır. Bu şəxsiyyətlər kimi Heydər Əliyevin də cazibə dairəsi bütün zamanları və insanları əhatə edir. Sıravi vətəndaşlar da, sənət adamları da, siyasətçilər də, müxtəlif sahələrin peşəkarları da Heydər Əliyev şəxsiyyətini tanıdıqca bu cazibə dairəsinə düşür, ulu öndərin böyüklüyünə heyran olurlar. Bu böyüklüyü bir səbəblə də izah edərdim. Heydər Əliyevin sözləri və əməlləri ilə həyatın və zamanın axarı arasında riyazi bir mütənasiblik vardı. Və bu düşüncə təsəvvürümüzdə maraqlı bir mənzərə yaradır: Heydər Əliyev sanki yüz il sonranı görürdü, lakin bu gün haqqında danışırdı. Çünki o, fitri qabiliyyəti, filosofsayağı fəhmi ilə dəqiq bilirdi ki, yüz il sonra - zamanın ilk nöqtəsi məhz bu gündən başlanır.


Zaman və məkanın fövqündə


Ona görə də Heydər Əliyev zamanın və məkanın fövqündə dayanmağı bacaran əbədiyaşar şəxsiyyətdir. Onun əbədiyyətə çevrilmiş ömrünün hansı anına nəzər salırıq, kamillik, müdriklik, uzaqgörənlik kimi ali keyfiyyətlər görürük. 1993-cü ilin 15 İyun Qurtuluş Günündən sonra xalqın, dövlətin təhlükələrdən xilas olub inkişaf dövrünə qədəm qoyduğu, demokratik islahatlar, hüquqi dövlət quruculuğu mərhələsinə daxil olduğu illərdə Heydər Əliyev özünəməxsus səmimiyyətlə deyirdi: "Mən Azərbaycanın yüklərini çiynimə götürmüşəm, aparmalıyam. Başqa yol yoxdur”.

Bu kəlmələrdə hər hansı giley-güzar yox idi. Bu, bütün ömrünü öz xalqına bağışlamış əzəmətli dövlət adamının dərk etdiyi tarixi missiyadır. Heydər Əliyev ömrün mənasını Antey kimi çiynini xalqın çətinlikləri altına verib, onu işıqlı sabahlara doğru aparmaqda görürdü. O, hər zaman qeyd edirdi ki, XX əsr çox mürəkkəb əsrdir. "Güman edirəm ki, gələcək nəsillər bu əsrin hər bir ilini xüsusi təhlil edəcək və ona qiymət verəcəklər”.

Biz XX əsrin çox çətin sınaqlarından məhz onun gücü, qətiyyəti sayəsində çıxdıq. Heydər Əliyev XX əsr milli dövlətçilik tariximizin ən parlaq lideri oldu. Ona qədər ayrı-ayrı görkəmli şəxsiyyətlərimizin, dövlət adamlarımızın formalaşdırdıqları dövlətçilik ənənələrini müstəqil Azərbaycanın dövlət quruculuğu yolundakı tarixi nailiyyətlərində birləşdirdi.

Heydər Əliyev 1995-ci ilin noyabrında qəbul edilmiş müstəqil Azərbaycan Respublikasının Konstitusiyası ilə demokratik, hüquqi dövlət quruculuğu proseslərinin əsaslarını müəyyənləşdirdi. Cəmiyyətdə buna uyğun davamlı islahatlar apardı. Azərbaycanda ictimai-siyasi sabitliyi, ifadə azadlığını, qanunun aliliyini təmin etdi. Torpağı özünün əsl sahibinə - kəndliyə verdi, özəlləşdirmə proseslərini həyata keçirdi, ölkədə azad bazar iqtisadiyyatı prinsiplərinin özünü doğrultması üçün ardıcıl addımlar atdı. Və bütün bunlar reallıqların qürurgətirən mənzərəsi idi.


Yeni Azərbaycan


Heydər Əliyev müdrik dövlət adamı olaraq reallıqları düzgün qiymətləndirməyi və ona uyğun davranmağı çox gözəl bacarırdı. Müstəqil Azərbaycan dövlətinin idarəçilik sükanı arxasına keçərkən o, fərqində idi ki, artıq dövr, zaman başqadır. Ölkənin inkişafı üçün yeni reallıqlara uyğun yeni siyasət həyata keçirmək lazımdır. Ulu öndərin rəhbərliyi ilə yaradılan və dövlət quruculuğu proseslərində tarixi rol oynayan siyasi partiyanın Yeni Azərbaycan Partiyası adlandırılması da bu baxımdan təsadüfi sayılmamalıdır.

Ulu öndər Heydər Əliyev müstəqil Azərbaycanın yeni reallıqlarına uyğun tamamilə yeni yanaşmalar tətbiq edirdi. O, əvvəlki səriştəsiz hakimiyyətlər dövründə xarici ölkələrlə pozulmuş münasibətləri aradan götürdü. Ölkəmizə qarşı yönələn təhdidləri minimallaşdırdı. Müharibəni, insan itkilərini dayandırmaqla Azərbaycana sabitlik, inkişaf, böhranlı vəziyyətdə özünü toplayaraq, rəqib üzərində sosial-iqtisadi qalibiyyət imkanları qazandırdı.


"Ən böyük azərbaycanlı”


Heydər Əliyev XXI əsrə də aydın bir istiqamət verdi. O, iti zəkası, aydın fəhmi ilə yaxşı bilirdi ki, XXI əsrin mənzərəsi tamam başqa cür olacaq. Heydər Əliyevin qətiyyəti sayəsində 1994-cü ilin sentyabrında dünyanın nüfuzlu şirkətləri ilə imzalanmış "Əsrin müqaviləsi” Azərbaycanı regionun davamlı inkişaf məkanına çevirdi. Ölkəmizin sosial-iqtisadi yüksəlişi üçün geniş üfüqlər açdı. Azərbaycana böyük gəlirlər qazandırdı. Və bütün bunlar ölkəmizin abadlaşmasına, insanlarımızın maddi rifahının yaxşılaşmasına, dolanışıqla bağlı çətinliklərin yoluna qoyulmasına imkan verdi.

Bununla yanaşı, ulu öndər yaxşı bilirdi ki, XXI əsr üçün vacib olan əsas sərvət insanın zəkası, təhsil səviyyəsi və bilikləri hesabına yaratdıqları olacaq. Ona görə də Heydər Əliyev XXI əsrdə Azərbaycanda istehsal etmək, innovasiyalar yaratmaq gücünə malik vətəndaşların yetişdirilməsi üçün təhsil və gənc nəslin tərbiyəsi sahələrində dərin islahatlar apardı. Gənclərimiz üçün münbit inkişaf mühiti formalaşdırdı.

Heydər Əliyev Azərbaycanın qapılarını dünyaya, bəşəriyyətin mütərəqqi dəyərlərinin üzünə taybatay açdı. Ölkəmizin dünyaya inteqrasiyasına nail oldu. Müstəqil dövlətimiz bir çox nüfuzlu beynəlxalq təşkilatlara tamhüquqlu üzv qəbul edildi. Bütün bunlarla yanaşı, ulu öndər qloballaşmanın ziyanlı təsirlərindən qorunmağın yollarını da göstərdi.

Heydər Əliyev özü böyük yeniliklər və islahatlar müəllifi idi. Hər zaman deyirdi ki, çağdaş dünyada baş verən inteqrasiya prosesləri, qloballaşma qaçılmazdır. Azərbaycan da sivil dünyanın bir parçasına çevrildiyindən bu prosesdən kənarda qala bilməz. Amma qloballaşma və inteqrasiya özü ilə inkişaf, sosial dirçəliş, əmin-amanlıqla birgə total əxlaq, qeyri-ənənəvi vərdişlər də gətirir. Ulu öndər qloballaşma seli ilə birgə gələn hər hansı sosial-ictimai, mədəni və mənəvi dəyərlər axınında milli mentalitetimizə yad olan "virusların” mövcudluğunu da gözəl bilirdi. Ona görə də bu prizmadan çıxış edərək qloballaşma prosesində milli dəyərlərimizin, yalnız bizim xalqımıza xas olan əvəzedilməz mənəvi sərvətlərin, mental düşüncənin və bütövlükdə milli varlığın qorunub saxlanmasını çox vacib hesab edirdi.

Heydər Əliyev özü bu sahədə əsl nümunə idi. Məhz bu səbəbdən onun "ən böyük azərbaycanlı” adlandırılması təkcə gələcək nəslin deyil, onun müasirlərinin də milli-mənəvi müstəvidə örnək götürməli olduqları ünvandır.


Haqq-ədalət carçısı


Bu böyük dövlət adamı üçün ədalət hissi, haqqın öz yerini tutması, hər kəsin qanun qarşısında bərabərliyi çox önəmli və zəruri bir məqam idi. Heydər Əliyev çıxışlarında ədalətin fərdlər üçün də, cəmiyyət üçün də nə qədər munis bir dəyər olduğunu hər zaman tərənnüm edirdi. Bütün varlığı ilə ədalətin zəfərinə çalışırdı. O, öyrədirdi ki, ədalətsizlik, qanunsuzluq cəmiyyətə, insanlara, geniş mənada xalqa və dövlətə bəlalardan başqa heç nə gətirə bilməz. Ona görə də ulu öndər hər zaman haqqın, ədalətin qarantı kimi çıxış edirdi. Şəxsiyyətindən gələn humanizmi, insanlara, ümumən bəşəriyyətə sevgisi qədər, yeri gələndə, qanun və ictimai maraqlar, xalqın və dövlətin mənafeləri tələb edəndə kifayət qədər sərt və qətiyyətli olmağı da bacarırdı.

Heydər Əliyevin ən böyük uğuru həm də onda idi ki, o, cəmiyyətin ruhunu duymağı bacarırdı. İctimai istəklərin yerinə yetirilməsindən ötrü böyük qətiyyət nümayiş etdirirdi.

O, öz siyasi xəttində iki mühüm amilə əsaslanırdı. Bunlardan birincisi həyati reallıqlar, digəri isə ardıcıl, davamlı siyasi xətt idi. Müstəqil Azərbaycanın 1993-cü ildən bəri keçdiyi demokratik, hüquqi dövlət quruculuğu yolunun hər hansı mərhələsinə nəzər salsaq, bu amillərin dəqiq şəkildə bir-birini izlədiyini görərik. 1993-cü ilin 15 iyun gününə qədər və ondan sonrakı dövrlərdə Azərbaycan insanının əsas istəkləri sülh, əmin-amanlıq, siyasi sabitlik, qanlı qarşıdurmaların, günahsız qurbanların dayandırılması, ötən əsrin 80-ci illərinin sonlarından bəri pozulmuş həyat düzəninin yoluna qoyulması idi. Heydər Əliyev ilk növbədə bu problemləri yoluna qoymağa başladı. Bu sahədə ciddi nəticələrə nail olduqdan sonra isə dövlət quruculuğu, yeni tarixi-ictimai şəraitin diktə etdiyi prinsiplərin tətbiqi, sosial-iqtisadi inkişaf mərhələsi gəldi. Azərbaycan tədricən sivil dünya ölkələri sırasında özünə yer tutdu. Dünyada gedən inteqrasiya proseslərinə qoşuldu. İrəli sürdüyü qlobal layihələrlə regionda əsas söz sahibinə çevrildi. Ölkəmizdə aparılan demokratik islahatlar böyük nailiyyətlər qazandı.


İnamın gücü


Bu gün öz inkişaf səviyyəsinə görə dünyanın ən öncül ölkələri sırasında qərarlaşan Azərbaycan isə Heydər Əliyevin arzularında, gələcəklə bağlı strateji baxışlarında şəkilləndirdiyi vətəndir. Tarixin ən güclü Azərbaycanıdır! Ömrün faniliyi ulu öndərə XXI əsrin ilk qərinəsini başa vurmaqda olan bu Azərbaycanı görməyə imkan verməsə də, o, qurduğu dövlətin bu ucalıqlara yetişəcəyinə əmin idi. Çünki irəli sürdüyü ideyaların işığına, müəyyən etdiyi yolun düzgünlüyünə, ən əsası isə, bu ideyaları onun cismani yoxluğu dövründə də davam etdirməyə qabil liderin gücünə, vətən sevgisinə inanırdı.

"Sizi əmin edirəm ki, həm İlham Əliyev, həm də Yeni Azərbaycan Partiyası bundan sonra da xalqımızın ən layiqli övladlarını öz ətrafında sıx birləşdirərək, Azərbaycan dövlətinin inkişafı və xalqımızın firavanlığı yolunda çox işlər görəcəklər. İnanıram ki, mənim axıra çatdıra bilmədiyim taleyüklü məsələləri, planları, işləri sizin köməyinizlə və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm”.

Ulu öndərin Azərbaycan xalqına 1 oktyabr 2003-cü il tarixli müraciətindən götürülmüş bu cümlələr xalqın, dövlətin gələcəyi qarşısında böyük məsuliyyət idi. Dövlətin sükanını ən etibarlı əllərə tapşırmaq üçün göstərilən yol idi. Bu, böyük siyasətçinin bir ustad kimi öz dövlətçilik məktəbində yetirdiyi davamçısına yüksək etimadı idi.

Azərbaycan xalqı bu etimada dayaq durdu!

Heydər Əliyev ideyalarının ən layiqli davamçısı - Azərbaycan Respublikasının Prezidenti İlham Əliyev bu inamı doğrultdu!

Və bu inam, bu etimad, bu qarşılıqlı güvən Azərbaycanı milli dövlətçilik tarixinin ən möhtəşəm günlərinə yetirdi!


Tarixinin ən güclü Azərbaycanı


Bu tarixi mərhələnin reallıqları gündən-günə abadlaşan, şəhərlərinin, kəndlərinin, qəsəbələrinin qiyafəsi dəyişən, insanlarının dolanışıq səviyyəsi yüksələn Azərbaycandır.

Bugünkü Azərbaycanın mənzərəsi vətənin geniş sinəsindən keçib bütün dünyaya doğru uzanan, xalqları, ölkələri, mədəniyyətləri birləşdirən yollardır, enerji-kommunikasiya xətləridir. Mədəniyyətlərarası dialoq, sülh və tolerantlıq, multikulturalizm məkanı kimi bütün bəşəriyyət üçün gözəl bir örnəyə çevrilmiş ölkədir.

Gündən-günə inkişaf edən iqtisadiyyatımızdır, bu inkişafdan gündəlik həyat və məişətində barınan, bəhrələnən vətəndaşlarımızdır. Azərbaycan cəmiyyətində təhsilə, elmə, texnologiyalara, innovasiyalara heç zaman olmadığı qədər artan maraqdır.

İnsan kapitalına qoyulan sərmayədir.

Bu mənzərə güclü ordumuzdur, düşmən üzərində bütün sahələr üzrə addım-addım qazandığımız üstünlükdür. Xalqın dəstəyinə arxalanaraq Azərbaycan Respublikasının Prezidenti cənab İlham Əliyevin ortaya qoyduğu siyasi iradədir. Aparılan köklü islahatlar, baş verən davamlı müsbət yeniliklər, hər keçən gün daha da yaxşıya doğru dəyişən həyatımızdır.

Tarixin ən güclü Azərbaycanının mənzərəsi Azərbaycanın Birinci vitse-prezidenti, Heydər Əliyev Fondunun prezidenti, UNESCO və ISESCO-nun xoşməramlı səfiri Mehriban xanım Əliyevanın rəhbərliyi ilə yerinə yetirilən layihələr, bəşəriyyətə təlqin olunan ali dəyərlərdir.

Bunların hər biri böyük bir tarixdir. Və bu tarixlər bir ümumi başlanğıcdan gəlir. Bu, 1993-cü ildə tariximizə qızıl hərflərlə yazılmış 15 İyun Milli Qurtuluş Günüdür.

Milli Qurtuluş Günü təkcə xalqın siyasi təlatümlərdən, ağır sosial-iqtisadi böhrandan xilas olduğu gün deyil. Qurtuluş Günü daha geniş ictimai-siyasi müstəvidə qavranılması vacib olan, mahiyyətində böyük fəlsəfi yön daşıyan böyük bir anlayışdır.

Bu günün mahiyyəti bütöv bir xalqın, dövlətin, ölkənin nicat fəlsəfəsidir!

Ölkəmizin yüksəliş formuludur!

Bu, görkəmli qırğız yazıçısı Çingiz Aytmatovun yazdığı kimi, xalqın, dövlətin taleyini dəyişən "Əsrə bərabər gün”dür.

Ona görə bu gün bizim üçün bu qədər dəyərlidir, əzizdir, əlamətdardır!

Və Azərbaycan xalqı, dövləti var olduqca, bu gün də yaşayacaq, tarixi mahiyyəti ilə keçmişimizə, bu günümüzə və gələcəyimizə işıq saçacaq!


Nurlana ƏLİYEVA,

Bakı Slavyan Universitetinin rektoru, professor, YAP Qadınlar Şurasının sədri



NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM