13 Iyun 2019 16:06
774
CƏMİYYƏT
A- A+

Yeni layihə əsasında 500 əlilliyi olan şəxsə özünüməşğulluq formatında dayanıqlı biznesə sahib olmaq imkanı yaradılır


BMT-nin İnkişaf Proqramı (BMTİP) ilə Əmək və Əhalinin Sosial Müdafiəsi Nazirliyinin birgə icrasına başladıqları yeni "Əhalinin sosial cəhətdən həssas qrupları üçün inklüziv və layiqli iş yerlərinin yaradılması” layihəsi 500 əlilliyi olan şəxsə özünüməşğulluq formatında dayanıqlı biznesə yiyələnmək imkanı yaradacaq. Layihənin icrası üçün müəyyən edilmiş 12 şəhər və rayon üzrə məşğulluq orqanlarında qeydiyyata alınan əlilliyi olan şəxslər arasından layihənin iştirakçılarının seçimi aparılır.

Bunu Əmək və Əhalinin Sosial Müdafiəsi naziri Sahil Babayev BMTİP-in Azərbaycandakı rezident nümayəndəsi Alessandro Frakassetti ilə görüşündə qeyd edib.

Nazirliyin ictimaiyyətlə əlaqələr və kommunikasiya şöbəsindən AZƏRTAC-a bildiriblər ki, nazir Prezident İlham Əliyevin rəhbərliyi ilə ölkəmizdə həyata keçirilən sosial-iqtisadi siyasətdə əhalinin məşğulluq imkanlarının artırılması, eyni zamanda, həssas qrupların səmərəli məşğulluğuna şərait yaradılmasının mühüm yer tutduğunu xüsusi diqqətə çatdırıb. Həmin qruplardan biri kimi əlilliyi olan şəxslərin əmək bazarına çıxışının dəstəklənməsi üçün müvafiq işlər davam etdirilir. Özünüməşğulluq proqramı çərçivəsində də digər həssas qruplarla bərabər, əlilliyi olan şəxslər üçün də kiçik ailə təsərrüfatları yaradılır.

Nazir ötən il proqram çərçivəsində aktivlər verilməklə kiçik ailə biznesini yaradanların 1000 nəfərini bu kateqoriyadan olanlar təşkil etdiyini deyib. Qeyd olunub ki, BMTİP ilə Əmək və Əhalinin Sosial Müdafiəsi Nazirliyinin birgə "Əhalinin sosial cəhətdən həssas qrupları üçün inklüziv və layiqli iş yerlərinin yaradılması” layihəsi həmin prosesə əhəmiyyətli dəstəyini vermək məqsədi daşıyır. Layihəyə cəlb ediləcək əlilliyi olan şəxslər üçün sosial-əmək reabilitasiyası və kommunikativ bacarıqlar üzrə təlimlər də təşkil ediləcək.

S.Babayev ümumilikdə nazirliklə BMTİP arasında səmərəli əməkdaşlığın mühüm fəaliyyət istiqamətləri üzrə genişləndiyini qeyd edib. O, həmçinin birgə icra olunan "Azərbaycanda İnnovasiya və Məşğulluğun İnkişafı” layihəsinin gənclərin əmək bazarına çıxışının dəstəklənməsində töhfəsini verdiyini bildirib.

A.Frakassetti həssas qrupların məşğulluq imkanlarının artırılması sahəsində ölkəmizdə həyata keçirilən tədbirlərin, eləcə də gənclər üçün aktiv məşğulluq tədbirlərinin genişləndirilməsinin təqdirəlayiq olduğunu deyib. O, BMTİP-in bu sahədə nazirliklə birgə layihələrinin əhəmiyyətini vurğulayıb, əməkdaşlıq müstəvisində işlərin ardıcıl xarakter almasının məmnunluq doğurduğunu qeyd edib.

Görüşdə birgə icra olunan "Azərbaycanda İnnovasiya və Məşğulluğun İnkişafı”, "Əhalinin sosial cəhətdən həssas qrupları üçün inklüziv və layiqli iş yerlərinin yaradılması” və "Əlilliyi olan qadınların və Dağlıq Qarabağ müharibəsi veteranlarının hüquqlarının və rifahının təmin olunması” layihələrinin icra vəziyyəti və görüləcək işlər müzakirə olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video